Vi fann 156 artiklar i dette arkivet.
Surnadal bibliotek får besøk av to av dei mest omsnakka forfattarane for tida. Dei kjem for å snakke om sitt forfattarskap – og livet elles. 19. oktober klokka 19:30 kjem Nina Lykke, medan dagen etter, den 20. oktober klokka 19:30 kjem Kadafi Zaman, så her blir det noko å gle seg til for dei leselystne!
Fredag 8. oktober klokka 19:00 kjem stand-up komikar Terje Sporsem med sitt nye stand-up-show til Surnadal kulturhus. Denne gongen om verdas aller, aller beste land. Sunnmøringen er klar med sitt fjerde show. Før har han hatt stor suksess med sine utleggingar om «Krig» og «Religion», sjølv om det siste også var litt risikosport da ikkje riktig alle meinte ein skulle gjera for mykje artig av slikt.
Søndag 3.oktober klokka 19:00 kjem Lars Jarle & The Big Mamas til Surnadal kulturhus med framsyninga «Jørgenkveld». Dette er ein hyllest av forfattarskapet til den avdøydde bæverdalingen Jørgen Gravvold, som var fødd i 1930 og døydde i 2005. I fjor haust, da det var 90 år sidan han vart fødd, laga Lars Jarle & The Big Mamas ein minnekveld, som gjekk for fulle hus, både i Bæverdalen og Bøfjorden. No inviterer dei altså til «Jørgenkveld» på kulturhuset.
Far og dotter Hoem, er på turné saman. 23. september klokka 19:00 kjem dei til Surnadal kulturhus. Ine Hoem og far Edvard har opplevd stor suksess på kvart sitt felt. Edvard Hoem har gleda lesarar over heile landet med sin forfattarskap, og no sist med «Felemakaren» – ein roman som også har sterke todalsinnslag. Og dotter Ine har, med songar som «Jeg vil aldri hjem», gjort stor suksess med sin smakfulle visepop.
Torsdag 16.september klokka 14:00, kjem Teatret Vårt og skodespelarane Astrid Overaa og Peter Drabløs til Surnadal kulturhus, med teaterforestillinga «Skumringstimen». Da ei av målgruppene til dette teaterstykket, er dei som har hausta mest erfaring i det jordiske livet, og for å nå denne gruppa, har Surnadal kulturhus valt å prøve med «ettermiddagsframsyning» denne gongen.
I anledning med at Norges Jeger og Fiskerforbund (NJFF) feirar 150-årsjubileum i år (1871 – 2021), har NJFF laga filmen «Jakt- og fiskelandet» som ei jubileumsgåve til seg sjølv, fylkeslaga og lokalforeiningane i NJFF. Filmen er ein episk film om det unike jakt- og fiskelandet Norge. Filmen kan du sjå på Surnadal kino torsdag 26.august klokka 19:00.
Sjølv om det ikkje akkurat har vore «kinovêr» i det siste, så kjem det no nokre dagar med nedbør og lågare termperaturar. Så da kan det kanskje passe med ein film som har norgespremiere i dag? VG konkluderer med «dårlig smak i verdensklasse» om filmen som har premiere på Surnadal kino fredag 30. juli. Og da er det positivt meint frå avisa… Filmen det gjeld er «I onde dager»
Vi har fått informasjon om endringar i opningstidene ved biblioteket på kulturhuset på Skei. Grunna budsjettkutt, må kulturavdelinga spare pengar på inneverande budsjett. Kultureininga i Surnadal kommune har vorte pålagt, etter måten, store innsparingar dette året. Mellom anna er ei av stillingane ved biblioteket redusert. Ein av konsekvensane av dette er at biblioteket vil ha langt mindre på lønsbudsjettet frå august av, noko som inneber redusert opningstid for biblioteket på kulturhuset.
Fredag 25.juni klokka 19:00 kjem Contrazt til Surnadal kulturhus. Contrazt er eitt av Norges mest turnerende danseband. Kvart år har det kome ut nye CD-plater som har gjeve både heder og ære i form av 4 gullplater og for ikkje å gløyme fire tituleringar som årets danseband, årets danselåt og årets musikar. Contrazt jubilerte nyleg og har lagt ein av jubileumskonsertane sine til Surnadal kulturhus.
I ei pressemelding frå laget Vårsøg i dag, får vi opplyst at Åge Aleksandersen, Gunnar Pedersen, Trondheimsolistene med fleire, kjem til Stangvik kyrkje tysdag 2.november klokka 19:30, for å halde konsert. Billettar til konserten kan du kjøpe på «surnadal-kulturhus.no» eller på billettautomaten på Surnadal kulturhus. Salet startar i siste av halvdel av august.
I ei melding frå Surnadal bibliotek som tikka inn no i ettermiddag, får vi informasjon om opningstidene og kva tilbod biblioteket kan lokke med gjennom sommaren.
Teatret Vårt kjem til Surnadal kulturhus med framsyninga «Virvelvind» søndag 30.mai klokka 19:00. «Virvelvind» er eit teaterstykke der Teatret Vårt har laga teater basert på 17 av songane til Ane Brun, som ho sjølv har omsett til dialekt. Dei lovar ei framsyning som inneheld både lifleg bris og heftige vindkast!