Vi fann 154 artiklar i dette arkivet.
Teatret Vårt kjem til Surnadal kulturhus med «Virvelvind» torsdag 29. april neste år og tilbyr i samband med dette «Black Friday»-prisar på billettar i dag, fredag 27.november. Her kan det vere eit mogleg julegåvetips?
«Mank» er godt mogleg filmen som vil vinne Oscar i år? Filmen handlar om opphavet til det som blir rekna som «verdas beste film», «Citizen Kane» – sjølv om den i si tid berre vann ein Oscar, nemleg for beste manus.
Jula står snart for døra, og på Surnadal kino dominerer i desse dagar julefilmane programmet. Filmane som akkurat no står på programmet er alle familiefilmar. Så her er det mogleg å ta med familien på kino, for å koble av litt i juleførebuingane.
Onsdag 18.november kl. 18:00 inviterer Møre og Romsdal fylke og Surnadal bibliotek alle til biblioteket på Surnadal kulturhus. Då kjem forfattaren Chris Tvedt på besøk. Tvedt er fødd i 1954 og kjem frå Bergen. Han er studert jus og litteraturvitenskap ved UiB. Han jobba som advokat fram til 2005, men har sidan da vore forfattar på heiltid.
I 2020 er det 40 år sidan Hans Rotmo gav ut plata «Vårres Jul». Rotmo har altså i 40 år gleda det norske folk med sine folkelege juletekster gjennom sitt underfundige univers av rollefigurar. 40-årsjubileet for utgjevinga av «Vårres Jul» blir markert med konsert med Rotmo og Sommerro på Surnadal kulturhus torsdag 19.november klokka 19:00.
Det har gått 10 år sidan Erik Mogeno kom på 2.plass i Norske Talenter og bestemte seg for å leve av underhaldning. Laurdag 7.november klokka 15:00 kjem han til Surnadal kulturhus med jubileumsframsyninga10 år med Erik & Kalle. Her får vi oppleve Erik sine mest populære buktalarkarakterar som: rotta Geir, strutsen Erna, grinebitaren Kjell og ikkje minst den spydige kaninen Kalle.
Søndag 6.desember klokka 14: 00 arrangerer Vårsøghelga førjulskonsert med Nidarosdomens jentekor, TrondheimSolistene og Astrid Nordstad (mezzosopran) i Stangvik kyrkje.
Onsdag 21.oktober klokka 18:00 kjem forfattaren Gunn Marit Nisja til Surnadal folkebibliotek på kulturhuset for å presentere den nye boka si, «Jeg skal ta vare på deg». Gunn Marit er fødd og oppvoksa i Sunndal, men er i dag busett i Modum i Viken. Der arbeider ho som avdelingsleiar på Blaafarveverket. Ho debuterte som romanforfattar i 2011 med romanen «Naken i hijab». Etter det har ho gjeve ut romanane «Porselenspiken», Olivensteinen» og «Etter oss», før ho no i haust altså gjev ut «Jeg skal ta vare på deg».
Laurdag 17.oktober klokka 13:00 er det gratiskonsert i foajeen på Surnadal kulturhus, sjølvsagt med smittevenrestriksjonar i høve til avstand og og kor mange det vil vere plass til. På konserten vil ein få høyre Karstein Mauset og eit innslag frå «Surnadals hyllest til dIRE sTRAITS», forutan at kulturskulen og Dansekompaniet stiller sterkt. Det er òg lansering av den nyaste bygdeboka denne dagen.
Måndag 19.oktober klokka 19:00 kjem Teatret Vårt til Surnadal kulturhus med den lattervekkande teaterkonserten «Stjernemateriale», som etter førehandsomtalen har gjeve mange av dei besøkande»gåsehudfaktor».