Surnadal kulturhus Arkiv

Surnadal bibliotek inviterer, i samarbeid med Litteraturhus Møre og Romsdal, til forfattartreff med Tore Renberg tysdag 1. februar klokka 19:00 i kinosalen på Surnadal kulturhus. Litteraturhus i Møre og Romsdal bidreg til at litteraturtilbod blir tilgjengelege for alle i fylket, og er eit samarbeid mellom Bjørnsonfestivalen og Nynorsk kultursentrum. Målet er å gje folk i heile Møre og Romsdal fylke gode litteraturopplevingar. Prosjektet gjeld førebels for perioden 2021 – 2023. 

Romjula er tradisjonelt ei tid der mange nyttar høve til å gå på kino. I år blir det eit, som følge av smitteverntiltaka eit begrensa tilbod, men for all del, det blir mogleg å ta seg både ein og to turar på kino. Surnadal kino har tilbod fire dagar i romjula, og viser kvar av desse dagane to filmar.

TrondheimSolistene vil også markere det komande nyåret i Surnadal kulturhus. Og denne gongen med eit fyrverkeri av ein solist!

Her kjem ein oversikt over opningstidene for biblioteket og sjølve kulturhuset fram til og med årsskiftet.

Måndag 6. desember kjem Eva Weel Skram til Surnadal kulturhus med forestillinga si «Falle til ro». Dette er første skikkelege juleturneen til Weel Skram, og her har ho sett saman eit reportoar av julesongar som betyr mykjer for henne. 

Utstillinga «Tussmørkre» som opna lørdag ettermiddag er den siste utstillinga som Surnadal kunstforening arrangerer i jubileumsåret. Her er det til saman 10 utstillarar som stiller 41 bilder og 3 skulpturar.  Det var Mette Sæter Ormset som opna utstillinga og bandet Alex Trio kasta glans over arrangementet med musikalske innslag.

Herborg Kråkevik kjem fredag 26. november til Surnadal kulturhus med sin storslåtte Julerose-turné, der ho har teke  med seg Linda Eide, Vigdis Hjorth, Mathias Eick og Kristiansund symfoniorkester. 

Boka blir rekna som ein klassikar for barn og unge, og mange hugsr også filmversjonen. Tysdag 16. november kjem Teatret Vårt med sin versjon av «Den uendelige historien» til Surnadal kulturhus.

i dag er det førpremiere på den storslagne nyinnspelinga av den årlege nasjonaltradisjonen «Tre nøtter til Askepott» på Surnadal kulturhus. Førpremieren tek til klokka 14:00. Fredag 12. november klokka 18:00 følger dei opp med Norgespremiere på same film. 

Sosiale media er altfor viktige til berre å bli synsa om. Magnus Hoem Iversen har difor saumfart forskinga og gjev deg oppdaterte svar på dette på Surnadal bibliotek onsdag 3. november klokka 19:30. Er du på Facebook? Instagram? Snapchat? Eller nokre av dei andre? Og veit du kva det gjer med deg?

Planlegginga av neste års «Vårsøghelg» er allereie godt i gang. I ei pressemelding frå Vårsøghelga no i ettermiddag, kan dei fortelje at neste års «Vårsøghelg» blir arrangert frå torsdag 26. mai til og med søndag 29. mai 2022. Litt av kva vi kan forvente om programmet, vart og offentleggjort i pressemeldinga. Under neste års «Vårsøghelg» får vi møte mellom andre Bjørn Tomren, kjent frå årets utgåve av «Stjernekamp» på NRK 1, da saman med Heine Bugge, og da under namnet «Polka Bjørn & Kleine Heine». 

Surnadal kino viser no film fem-seks dagar i veka, og frå onsdag av blir det også innført honnørbillett på dagkino i ei stund framover. Det blir vist «seniorkino» klokka 13 på alle kvardagane frå onsdag av, og til neste helg. Og det er litt av eit kobbel av filmar som vil gå: