Foto: Jo Gjeldnes
Hopp under nyhetssakene

Arkiv for desember, 2015

Vi fann 79 artiklar i dette arkivet.


Friske takter på tampen av gammelåret…

Jon Olav Ørsal Torsdag 31. desember 2015

Det må da vel høve godt å avslutte friluftslivet år med eit par ferske bilder frå friluftaktivitetar i nærmiljøet på nyttårsaftan. Det friskaste bildet kjem frå støa i Ansneset, der det var eit hektisk badeliv i dag. Blar du deg vidare så finn du bilde av fotballaktivitetar på Bordholmen, der gubbetrimmen alt har starta oppkjøringa til ny kamp mot Bøfjorden etter tapet tidlegare i år.


Det var stas å bli sett pris på!

Jon Olav Ørsal Torsdag 31. desember 2015

I slutten av november mottok Grete og Martinus Torvik «Eldrearbeidsprisen 2015» frå Surnadal kommune. Det skjedde på Surnadal pensjonistlags julemiddag på Nordmøre Folkehøgskule, og kom som lyn frå klår himmel for Grete og Martinus. Det var ordførar Lilly Gunn Nyheim som delte ut prisen som var på kr 5000,- inkludert eit kunstverk og ei pengegåve. Todalen.no hadde ikkje høve til å være med på utdelinga, men vi tok ein aldri så liten romjulsprat med dei, heime på Høyem.


Søppelhenting også i 2016

Elinor Bolme Torsdag 31. desember 2015

I 2016 vil vi ikkje få tilsendt tømmekalenderen i posten slik vi tradisjonelt har gjort. No tilbyr HAMOS istaden ein «tømmeapp» som du kan laste ned på smarttelefon eller nettbrett. Dette er det forøvrig berre abonnentar i Surnadal og Skaun som blir berøret av, då dei er ein del av eit «spennande prøveprosjekt» i følge HAMOS si heimeside. Alternativt kan ein naturleg vis laste ned kalenderen frå heimesidene eller ringe HAMOS for å få tilsendt tømmekalenderen heim til seg. Eller rett og slett halde seg til todalen.no sin aktivitetskalender…


Søyaposten online

Elinor Bolme Torsdag 31. desember 2015

Litt Søyafan, men ikkje så mykje at du er medlem og får det fyldige Søyaposten i postkassa? Da kan vi presentere Søyaposten 2015 som pdf-fil, og dermed kan alle som ønsker lese IL Søya sitt populære medlemsblad laste det ned frå nett. Her er nesten 40 sider med alt som har rørt seg i det aktive idrettslaget i 2015, med både fotball, jakt, kajakk, 52-17 og mykje mykje meir.


Bjørnrud på nye hender…

Jon Olav Ørsal Onsdag 30. desember 2015

I dag var det formelt eigarskifte på Bjørnrud. Torbjørn Kvande tok formelt over einebustaden, som sia tidleg i sommar har lege ute for sal. Selgar er Jorunn Ness, som har flytta til Surnadal, og no vil etter kvart Torbjørn Kvande flytte inn og busette seg der.


Springarfest for dei minste

Elinor Bolme Onsdag 30. desember 2015

I dag var det full fres i Todalen ungdomshus under Idrettslagets juletrefestarrangement. Juletrefest i romjula har dei siste åra vore fråværande i Todalen, men etter oppmøtet å sjå til, kan dette vera eit arrangement som kanskje kan vidareførast i framtida. Mange småbarnsfamiliar var samla til gang rundt juletreet og ikkje minst ein god prat over ein enkel kopp kaffe.


Ekstraforestilling på «Flåklypa»

Elinor Bolme Tysdag 29. desember 2015

Folk har velta inn i kulturhuset på Skei for å sjå «Herfra til Flåklypa» i jula, og det har ikkje vore billettar å oppdrive på fleire av framsyningane. Surnadal kino vil vise filmen både laurdag, søndag og i neste veke. Men det ser ut til at ekstra mange vil sjå filmen no i romjula. Det er difor sett opp ei ekstraforestilling i morgon, onsdag, kl. 1200, melder Steinar Hasselø ved Surnadal kulturhus.


Kvanne – Rykkjem er kome i drift igjen

Jon Olav Ørsal Tysdag 29. desember 2015

Sjølv om det såg idyllisk ut på Kvanne så var det nok atskillig kraftigare vind på Rykkjem – og problem med å legge til kai der. Sterk vind førte til at Solnør brukte lengre tid på å legge til kai og kom dermed ut av rute. Vi tok ein tur til Kvanne i 14.30-tida og da kom ferja frå Rykkjem med bilar, men var rundt 10 minutt ute av ruta. Fjord1 melder i kveld at sambandet er ute av drift resten av kvelden!


Kvanne-Rykkjem innstilt inntil vidare

Elinor Bolme Tysdag 29. desember 2015

Fjord 1 melder klokka 13.11 at fergesambandet Kvanne-Rykkjem er innstilt inntil vidare grunna dårleg vêr. Om redaksjonen ikkje fangar opp ny oppdatering, kan du sjølv finna den her på Fjord 1 si heimeside


Ferske fjes – men hausta stor applaus…

Jon Olav Ørsal Måndag 28. desember 2015

Publikum sette stor pris på julerevyen ”Rikets tilstand” i Todalen ungdomshus 3. juledag. Ei god blanding av rekruttar og veteranar på scena, og eit ungdommeleg publikum vart ein fin miks som ga ”stinn brakke” gjennom halvannan time med artig underhaldning frå scena.


Mann av huse for romjulsmarsjen i år óg

Elinor Bolme Sundag 27. desember 2015

Også i år fekk trimgruppa i Todalen IL fullklaff med sin årlege romjulsmarsj. Med ein gradestokk som viste i underkant av 10 minus og topp sparkføre var det nesten 180 personar som tok den tradisjonelle turen rundt bygda. I Sandstadkrysset og på Bruset var det som vanleg drikkestasjonar der deltakarane fekk kakao eller gløgg i koppane. Her var det også quiz, med allsidige spørsmål som det var bortimot umuleg å svare på.


«Rikets tilstand» – Innspurt på scenekanten….

Jon Olav Ørsal Laurdag 26. desember 2015

Det vart stor aktivitet og ein travel gjen vi trefte i Ungdomshuset i ettermiddag. Øvingane til julerevyen «Rikets tilstand», som går 3. juledag, er komen i sluttfasen, og det er stort sett finpuss som står att no. Vi tjuvkika litt på scenekanten medan øvingane pågikk, og det lover bra. Vi kan garantere mykje lun humor og artige innslag frå scena. Billettsalet ser også bra ut, men det er enno ledige billettar å få kjøpt på Matkroken Todalen.