Foto: Jo Gjeldnes
Hopp under nyhetssakene

Todalen Sokneråd

Slik er Todalen sokneråd samansett etter valet i 2019:

Leiar Kristian Harstad Gjeldnes
Nestleiar Frode Grønnmyr
Medlem Monika Klungervik
Medlem John Moe
Varamedlem Anne Hjørdis Caspersen Telstad

Først publisert: 19. november 2009, 16:16 - Sist oppdatert: 11. januar 2020, 15:03

Nyheter knytta til Todalen Sokneråd

Kl 11: Gudsteneste i Todalen kyrkje

Bjørn Gunnar Ansnes Sundag 5. september 2021

Todalen sokneråd fortel at det blir gudsteneste i Todalen kyrkje søndag 12.september klokka 11:00. Liturg er Cathrine Grutle og Ronny Kjøsen er organist. Under gudstenesta vil det bli presentasjon av neste års konfirmantar i Todalen kyrkje.


Felles middag på kyrkjelydshuset i Surnadal

Bjørn Gunnar Ansnes Torsdag 2. september 2021

Er du lei av ofte å måtte ete middag åleine, er det triveleg å kunne ete middag saman med nokon fleire av og til? For travle småbarnsfamiliar er det av og til godt å kome til dekka bord og sleppe oppvasken etterpå! Dette vil kyrkja i Surnadal no gjere noko med, og inviterer difor til […]


Flott konfirmasjondag i Todalen kyrkje

Jon Olav Ørsal Laurdag 28. august 2021

Dei tre konfirmantane i Todalen kyrkje vart endeleg konfirmert søndag.  Konfirmasjonen var planlagt på vårparten, men det sette viruspandemien med Covid 19 ein stoppar for. Men denne gongen vart det og da vart konfirmantane belønna med ein skikkeleg finvêrsdag.  Samtidig hadde Kristin Strand si aller siste gudsteneste i Todalen kyrkje – ho har egentleg slutta, men ville «være med» konfirmantane og sjå dei vel i mål. 


OPPDATERT – Kyrkjegardsdugnaden flytta til torsdag 26.august

Bjørn Gunnar Ansnes Måndag 23. august 2021

Den tidlegare annonserte kyrkjegardsdugnaden tysdag 24.august klokka 17:00, blir flytta til torsdag 26.august klokka 17:00. Grunnen til dette er dårlege vêrmeldingar tysdag med mykje nedbør. Som tidlegare annonsert så er det denne gongen dugnad for å slå graset på kyrkjegarden og fli den opp til konfirmasjonsgudstenesta laurdag og til hausten som står på programmet. Ta difor med kantkløppar eller anna høveleg reiskap. 


Konfirmasjonsgudsteneste laurdag

Bjørn Gunnar Ansnes Sundag 22. august 2021

Laurdag 28.august klokka 13:00 er det konfirmasjonsgudsteneste i Todalen kyrkje. Todalen sokneråd opplyser at det er begrensa med plassar i kyrkja denne dagen, slik at dei som ønskjer å vere med på konfirmasjonsgudstenesta, må melde seg på. Påmelding skjer til Frode Grønmyr på telefon 480 68 543. Påmeldinga gjeld ikkje for dei som er invitert av konfirmantane, dei er allereie registrert, 


Friluftsgudstenesta vart velsinga med sol

Jon Olav Ørsal Sundag 8. august 2021

Det såg faktisk litt grått ut i dag tidleg, og nokre regndråpar låg att på terrassen og varsla om at vêret kanskje ikkje var heilt trygt.  Men det var berre falsk alarm, for vêret vart betre utover føremiddagen, og da frilustsgudstenesta starta var det både god temperatur og lite som kunne minne om regn.  Da gudstenesta starta kl 11 var det faktisk eit 40-tal som hadde benka seg i arboretets uterestaurant.  Og sjølv om blomstringa nok er på hell, vart da uterestauranten ein staseleg katedral og ga friluftsgudstenesta ein fin atmosfære. 


Søndag blir det friluftsgudsteneste i arboretet

Jon Olav Ørsal Tysdag 3. august 2021

Søndag 8. august arrangerer Todalen sokneråd friluftsgudsteneste i Svinviks arboret.  Gudstenesta startar kl 11.00 og det er Vidar Rygh som er liturg, og organist er Ronny Kjøsen.  Dersom det blir dårleg vêr blir gudstenesta flytta til Todalen kyrkje.  Det blir i så fall kunngjørt på Todalen.no. 


Kyrkjeklokkene ringer torsdag 22.juli

Bjørn Gunnar Ansnes Onsdag 21. juli 2021

I morgon er det ti år sidan angrepet på Regjeringskvartalet og på Utøya, der til saman 77 menneske vart drepne. I samband med tiårsmarkeringa av denne dystre hendinga 22.juli 2011, vil alle kyrkjeklokkene, over heile landet, ringe i fem minutt, frå klokka 12:00 – 12:05 torsdag 22.juli. 


Gudsteneste i Todalen kyrkje søndag 18.juli

Bjørn Gunnar Ansnes Onsdag 14. juli 2021

Søndag 18.juli klokka 11:00 inviterer Todalen sokneråd til gudsteneste i Todalen kyrkje. Liturg denne søndagen er Leif Endre Grutle medan Ronny Kjøsen er organist. Takkofferet går til kyrkjemusikalsk arbeid. Takkofferet kan, i tillegg til kontantar i kyrkje, vippsast til vipps 506908


Velstelt kyrkjegard

Bjørn Gunnar Ansnes Fredag 2. juli 2021

I dag var Ragnar Halle og Eivind Grønmyr i full gang med å slå graset på kyrkjegarden ved Todalen kyrkje. Leiar i Todalen sokneråd, Kristian H. Gjeldnes, er glad for at dei to karane, på frivillig basis, har teke på seg å slå graset på kyrkjegarden. Det gjer at vi, til ei kvar tid, har ein velstelt og presentabel kyrkjegard, seier Kristian. 


Gudsteneste i Todalen kyrkje søndag 27.juni

Bjørn Gunnar Ansnes Tysdag 22. juni 2021

Søndag 27.juni inviterer Todalen sokneråd til gudsteneste i Todalen kyrkje klokka 11:00. Liturg er Leif Endre Grutle, medan Ronny Kjøsen er organist. Takkofferet går til Kirkens SOS. Vipps: 506908. 


Nystussa kyrkjegard med dugnadsinnsats

Jon Olav Ørsal Torsdag 3. juni 2021

Torsdag kveld var det «kløppardugnad» på kyrkjegarden i Todalen.  Heile kyrkjegarden vart pussa opp – først med traktorkløppar og så finpuss rundt gravstøttene, kyrkjegardsmuren og blomsterbeda.