Foto: Jo Gjeldnes
Hopp under nyhetssakene

Skulstuå i Todalen

Foreininga Venner av Skulstuå i Todalen er ei støtteforeining for stiftinga Skulstuå i Todalen.
Foreininga skal arbeide for at Skulstua i Todalen skal:

  • vere eit kulturminne og ein samlingsstad for alle
  • vera ein open møteplass for lokal-, regional-, nasjonal- og internasjonal kulturutveksling
  • huse møteplass for lag, foreiningar og organisasjonar
  • syna bygda si lange skule- og kulturhistorie, frå første fastskule i 1860-åra (Skulstuå) og fram
    til i dag
  • synleggjera at dette er barndomsheimen til forfattaren og folkemusikar Leif Halse
Publisert: 13. desember 2011, 12:55

Nyheter knytta til Skulstuå i Todalen

Side 1 av 512345

Kvardagsdata – kom å bli med på litt «ufarleg» opplæring i databruk

Jon Olav Ørsal Laurdag 25. januar 2020

Datakurs har av og til vore eit samtaleemna i lengre tid. Kanskje det er på tide med eit lite kurs i «kvardagsdata»? Kanskje det var ein ide å kombinere dette med litt kaffeslaberas, og så ta ein liten sekvens med eit aktuelt emne attåt?
No, førstkomande onsdag vil Venner av Skulstuå forsøke å dra dette i gang; kl. 12-14 onsdag 29. januar i Gammelskulen.


Triveleg kaffeslaberas på mårgåskvisten

Jon Olav Ørsal Onsdag 15. januar 2020

Spontan invitasjon på Todalen.no og uhøgtideleg morgonkaffe, eller kaffeslaberas om du heller vil. Møtestaden var Skulstuå, og på det meste var vi 10-12 personar rundt langbordet. Enkel traktering, der brødboksane og kaffekanna vart sendt rundt – og skravla gjekk i eitt og latteren satt lett. Triveleg selskap og all honnør til dei som tok initiativet og arrangerte morgonkaffe eller kanskje vi skal kalle det popup-cafe.


Tidlegkaffe i Skulstuå

Elinor Bolme Måndag 13. januar 2020

Venner av Skulstuå inviterer bygdafolket til ein kaffekopp onsdag morgon klokka 8.30. Det skjer naturleg vis i Skulstuå, og er ei fin anledning til å treffe kjentfolk i triveleg lag.


LAN i Skulstua heile natta lang

Jon Olav Ørsal Torsdag 15. august 2019

I Skulstua i Todalen var det berre lyset frå dataskjermane som fortalte at det var full aktivitet. Og aktivitet skal det bli gjennom heile natta, for dei 7 kompisane har innretta seg på ei lang LAN-natt i dei gamle skulelokala. Her var det tøffe dataskjermar og kabinett som var kobla saman i eit nettverk, og som fekk breibandforsyning via kabel.


Besøkte kunstutstillinga i Skulstuå

Elinor Bolme Laurdag 27. april 2019

Todalen oppvekstsenter med både skule og barnehagen var å såg på kunstutstillinga i Skulstuå i går. Sissel og Reidar serverte popcorn, kanapéar og velkomstdrink, og fortalte litt om bileta sine. Elevane fekk sjå korleis ein kan endre på foto i fotoshop, og at eit måleri er ikkje berre eit måleri. Det kan endrast og målast over fleire gong. Og blir gjerne til over tid.


God respons på kunstutstillinga

Jon Olav Ørsal Sundag 21. april 2019

1.påskedag er siste dag med kunst- og fotoutstilling i Skulstua. Det er Reidar Østvik og Sissel Halset Storslett som i samarbeid har hatt utstilling – Reidar Østvik med fotoutstilling i 1. etasjen og Sissel som har stilt ut måleri i 2. etasjen. Da vi var innom i ettermiddag var det over hundre persjonar som har vore inn i løpet av desse dagane. Det var dei godt nøgd med.


Utstilling heile påska

Ragna Kvendset Fredag 19. april 2019

Torsdag opna utstillinga til Sissel Halset Storslett og Reidar Østvik i Skulstuå. Mange tok turen innom i det fine påskevêret


Byttedag og kaffelag

Elinor Bolme Sundag 10. mars 2019

I dag er det mykje som foregår i Todalen. I 2. etasje i Skulstuå var det klesbyttedag, kor ein kunne gjere fleire gode «kupp» utan å betale ei krone. Maria Hagerupsen Halle og Astrid Longva Kvendset var primus motorer, og hadde på førehand fått samla inn mykje fint både av sko, klær og litt smykkesaker i ulike størrelsar.


Klesbyttedag i Skulstuå

Elinor Bolme Fredag 8. mars 2019

Skulstuå i Todalen minner om sin klesbyttedag søndag 10. mars. Her oppfordrar dei til å hente fram klær frå «glemselen» som kanskje andre kan ha nyte og glede av under sin «Klesbyttedag».  Dette er IKKJE ei klesinnsamling, men ein byttehandel. Har du ikkje eigne egna plagg å ta med deg dit kan du likevel komme og sjå om du finn noko å ta med heimatt.


Barnehagen med kunstutstilling

Jon Olav Ørsal Tysdag 6. juni 2017

Barnehagen opnar utstilling i «Skulstuå» fredag 9/6 kl 14, og held ope til kl 16 på ettermiddagen. Dei håper at mange tek turen innom for å sjå noko av det som barnehagebarna har måla og teikna i løpet av våren. I vinter har barnehagen vore så heldige å fått sett utstillingar med Sissel H. Storslett og Reidar Østvik, og dei vart inspirert til å laga si eiga utstilling.


Fullt hus for fotoutstillinga til Reidar

Elinor Bolme Laurdag 18. februar 2017

I dag var det fotoutstilling i Skulstuå. Og ved åpning klokka 13 vart det nesten for lite plassar til alle som kom og ville sjå salgsutstillinga til Reidar Østvik. Han hadde med seg godt og vel 30 bilder, som vart godt motteke av dei som tok turen.


Reidar stiller ut i Skulstuå

Jon Olav Ørsal Sundag 12. februar 2017

Reidar Østvik, Elvestad, ønsker alle velkomne til salgsutstilling i Skulstuå komande laurdag 18. februar kl 13-17.


Side 1 av 512345