Todalen Idrettslag

Frå 1.oktober blir trimpostane til Trimgruppa i Todalen Idrettslag, som tidlegare nemnt, opna for digital registrering gjennom appen Turpoeng. Frå neste veke vil: «http://www.trimpoeng.no/i/paa-tur-i-todalen/», bli «levande» og registreringa kan ta til. Her finn du alt av informasjon og rettleiing du treng for å kunne bli med på den digitale registreringa av trimturane dine. Her kan du ôg laste ned Trimpoeng-appen. Når det blir opna for å registrere seg i appen på telefonen, vil alle registrerte bli synlege. Samstundes vil turane med besøk, i samtid, bli synlege. 

I dag har Søya/Todalen sitt J10-lag vore i Kristiansund og spela to fotballkampar. Første kamp var mot Nordlandet på Kunstgressbanen, medan kampen mot Dahle gjekk på NEAS arena. Dei 11 jentene var heldige med vêret, nemleg kjempefint haustvêr med sol, når dei tok turen til Kristiansund for å spele to kampar på ein dag. 

Torsdag kveld spela Søya/Todalen sitt G9-lag heimekamp på Søyabanen mot Tingvoll G9. Det var litt «duskregn» under kampen, men det såg ikkje ut til å påverke spelarane sin innsats nemneverdig. Så det vart ein velspela og jamn kamp publikum fekk sjå. 

I kveld var det duka for seriekamp mellom Kvass/Ulvungen-Søya/Todalen G12 og Dahle på Bordholmen stadion. Etter ein periode med mykje nedbør, passe det godt med ein kveld med opphaldsvêr når det skulle spelast fotball, sjølv om termperaturen ikkje var mykje å skryte av!  

Frå 1.oktober blir dei tradisjonelle trimbøkene på dei 11 trimpostane til Todalen Idrettslag digitalisert. Det vil seie at frå da av kan ein laste ned ein app som heiter Trimpoeng for å registrere trimturane sine. På (Løfta på Kvennset, i Gunnøya og på Haukarsteinen) vil det like vel, ei tid framover, vere mogleg å registere seg på «gamlemåten», ved å skrive namnet sitt i trimboka. I staden for den tradisjonelle trimboka, vil det no ligge ei bruksanvisning som fortel deg korleis du lastar ned appen, registerer deg og sjølvsagt korleis du registrerer turen. 

I dag vart Hydro Cup 2021 arrangert på Sunndalsøra. Vanlegvis er blir Hydro Cup arrangert frå fredag til søndag på våren, men på grunn av koronasituasjonen, vart cupen først utsett, og sidan redusert til ei eindagarsturnering. Kvass/Ulvungen-Søya/Todalen sitt G12-lag var eit av dei mange laga som deltok under årets cup. 

Måndag 13.september klokka 18:00 spelar Kvall/Ulvungen-Søya/Todalen G12 kamp mot Dahle frå Kristiansund. G12 spelar i 7-er serie og det er to todalingar med på laget. Det blir open kiosk der dei kan lokke med bakels med graut, kaffe, brus, sjokolade, is og potetgull. Så her er det mogleg å ta ettermiddagskaffen på måndag!  

I ettermiddag markerte Trimgruppa og Barne- og ungdomsgruppa i Todalen Idrettslag, på vegne av Surnadal kommune, «Friluftslivets uke» på Tjønnmyra. Vêret var slett ikkje det beste, men trass i dette møtte det opp mykje folk for å vere med på markeringa. 

4.-12. september blir «Friluftslivets uke» markert med arrangement over heile landet. I Surnadal inviterer Todalen idrettslag i samarbeid med kommunen til friluftstreff for store og små ved gapahuken på Tjønnmyran onsdag 8. september kl. 18.00. Det er meldt dårleg vêr, men det blir arrangement uansett, så ta med regntette klede og vanntette sko/støvlar.  

Ein kan trygt seie at vêrgudane ikkje var i «godlune» da Søya/Todalen J10 tok i mot Frei J10 på Søyabanen torsdag kveld. Men vêret såg absolutt ikkje til å påverke verken spelet eller innsatsen, så det vart ein jamn og god kamp med høg intensitet og innsats. Rapportane seier at kampen var årsbeste for heimelaget sin del!

Frå og med onsdag 26.august vil Hett og Svett vere tilbake, i tilnærma, normal drift. Det vil framleis vere restriksjonar om at det er maksimalt tre personar som kan vere tilstades og trene samtidig, og onsdagar mellom klokka 12:00 – 18:00 vil Hett & Svett vere stengt for reinhald. I tillegg må kvar enkelt som brukaar Hett & Svett ta ansvar for reingjering av utstyr, etter bruk og rydding, som vanleg. 

Onsdag 25.august klokka 18:00, arrangerer Trimgruppa i Todalen Idrettslag sykkeltrim. Oppmøte og start frå Bordholmen stadion. Ruta for sykkeltrimmen blir bestemt ved oppmøtet på Bordholmen. Det blir open kiosk. Trimgruppa ønskjer alle velkomne på Sykkeltrim!