Foto: Jo Gjeldnes
Hopp under nyhetssakene

Todalen Idrettslag

Styret i Todalen I.L. – 2022
Leiar: Elinor Bolme
Nestleiar: Endre Talgø
Kasserer: Jenny Stensby
Sekretær: Turid Sæter

Leiar Trim/og allidrettsgruppa: Sissel H. Storslett                            Leiar Økonomi- og markedsføringsgruppa: Bjørn Gunnar Ansnes
Leiar Barne- og ungdomsgruppa: Ola Dalsegg

Leiar Anleggsgruppa- drift og vedlikehold: Lars Stensby
Løypeansvarleg fjell og Tjønnmyra: Ståle Ansnes 
Ansvarleg ungdomshuset: John Moe
Ansvarleg skihytta: Terje Nordvik

Fullstendig liste over tillitsvalde: «Todalen IL – tillitsvalte 2022»

 

Først publisert: 19. november 2009, 16:09 - Sist oppdatert: 6. april 2022, 10:02

Nyheter knytta til Todalen Idrettslag

Stor takk for minnegåva

Bjørn Gunnar Ansnes Onsdag 6. april 2022

Todalen Idrettslag rettar ein stor takk for minnegåva idrettslaget fekk i samband med Nils Helge Ness si gravferd i Røbekk kirke fredag 1. april. Deler av minnegåva er øyremerka diskgolfbanen på Bordholmen stadion og vil bli brukt der. 


Utsett dugnaden i Toåa tursti

Bjørn Gunnar Ansnes Måndag 4. april 2022

Styret og driftsstyret anlegg i Todalen Idrettslag sin planlagte dugnad i Toåa tursti, onsdag 6. april klokka 17:00, er utsett på ubestemt tid. Dette på grunn av snøfallet som har vore dei siste dagane og vêrutsiktene dei komande dagane. Ny dato og tid for dugnad vil bli kunngjort når dette er bestemt. 


Sesongskifte og dugnad på Bordholmen

Jon Olav Ørsal Laurdag 2. april 2022

No blir det ny giv på Bordholmen, med opprusting av deler av anlegget og sesongskifte – våren er under oppmarsj. I dag kom alle bord og bekar ut frå vinteropplaget i reiskapshuset. Det må være eit sikkert vårteikn, og klargjering til 17. mai-feiring med frokost på Bordholmen. I klatrerommet var det støvsuging og full rundtvask


Dugnad i Toåa tursti

Bjørn Gunnar Ansnes Onsdag 30. mars 2022

Styret og driftsstyret anlegg i Todalen Idrettslag inviterer til dugnad i Toåa tursti onsdag 6. april klokka 17:00. Det er behov for å gruse opp deler av turstitraseen, som har fått litt medfart i løpet av vinteren, og det må sagast ned nokre tre langs traseen. Så ta med høveleg utstyr til slikt arbeid og bli med på dugnad!


Todalen IL – Dugnad på Bordholmen

Bjørn Gunnar Ansnes Laurdag 26. mars 2022

Laurdag 2. april mellom klokka 12:00 – 16:00 inviterer styret og driftsstyret i Todalen Idrettslag til dugnad på Bordholmen stadion. Klatrerommet skal vaskast og klargjerast for bruk. Det skal ryddast i redskapshuset slik at arbeidet med aktivitetsromet kan startast opp. I tillegg skal benkane køyrast ut og hol i vegen ned til Bordholmen fyllast med grus. Det er difor ønskeleg at den som har, tek med seg bilhengar, eller firhjuling med hengar. 


Tennisbanen på Bordholmen klar til bruk

Bjørn Gunnar Ansnes Sundag 20. mars 2022

Barne- og ungdomsgruppa i Todalen Idrettslag har i løpet av helga preparert og fiksa tennisbanen på Bordholmen stadion, slik at den no er klar til bruk. Ishockeyvanta er tekne ned og lagra i redskapshuset, og nettet har kome opp. Så da har sommaraktivitetane offisielt overteke for vinteraktivitetane. 


Elinor Bolme ny leiar i Todalen Idrettslag

Bjørn Gunnar Ansnes Fredag 18. mars 2022

I går kveld hadde Todalen Idrettslag kalla inn til årsmøte i Todalen ungdomshus. Nær 30 medlemmer hadde møtt opp for å vere med på behandlinga av årsmøtesakene. Elinor Bolme vart valt til ny leiar for idrettslaget, og overtok dermed stafettpinnen frå Michal K. Heimlund, som takka for seg. 


Todalen Idrettslag – årsmøtedokument

Bjørn Gunnar Ansnes Torsdag 17. mars 2022

Todalen Idrettslag har årsmøte i Todalen ungdomshus i kveld klokka 19:00. I samband med dette har idrettslaget gjort årsmøtedokumenta tilgjengeleg digitalt. Her finn du fullstendig sakliste til årsmøtet samt årsmeldingane, rekneskap for 2021, innkomne forslag og budsjett for 2022. 


Kallar inn til årsmøte

Bjørn Gunnar Ansnes Onsdag 16. mars 2022

Torsdag 17. marsk klokka 19:00 blir det årsmøte i Todalen Idrettslag i Todalen ungdomshus. I tillegg til vanlege årsmøtesaker som årsmeldingar, rekneskap, budsjett og val, legg styret fram to innkomne forslag som styret ønsker å få diskutert på årsmøtet. 


Trimpoeng – litt problem etter oppdatering

Bjørn Gunnar Ansnes Onsdag 9. mars 2022

Etter ei oppdatering av Trimpoeng-appen «På tur i Todalen» natt til i dag, opplever somme at det er problem med å få sjekke inn på turmåla i appen. Elinor Bolme i Trimgruppa i Todalen Idrettslag seier at ei mogleg løysing er å avinstallere appen og deretter laste den ned på nytt. Etterpå er det berre å logge seg på att med ditt vanlege brukarnamn og passord. 


«På tur i Todalen» – besøk nummer 2000 registrert i Toåa tursti

Bjørn Gunnar Ansnes Onsdag 9. mars 2022

Sidan «På tur i Todalen»-appen vart lansert 1. oktober er det akkurat no registrert totalt 5410 innsjekkingar på dei 25 turmåla som er med i «På tur i Todalen». Toåa tursti er det turmålet med desidert flest innsjekkingar, og i dag vart innsjekking nummer 2000 registrert i turstien. Toåa tursti er også eitt av Stikk UT!-vinter sine turmål, og her er det, sidan oppstarten 1. desember i fjor, registrert 267 innloggingar akkurat no. 


«Barn i løypa» på tysdag

Bjørn Gunnar Ansnes Sundag 27. februar 2022

Tysdag 1. mars, frå klokka 17:30, inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den tida «Barn i løypa» går føre seg. Barne- og ungdomsgruppa serverer varm saft.