Skulstuå i Todalen

Laurdag hadde Skulstuå ein «sprett-opp-kafé» i Bekkerhagan, med nykoka kaffe og eit rikhaldig kakebord. Her fekk besøkjande ta del i den livlege samtalen rundt langbordet etter at dei hadde vore innom verkstaden til kunstnar Siri Skjerve. I verkstaden fekk dei mellom anna høyre om korleis Siri behandlar skinna ho brukar i skulpturane sine, der nokre av døma var råhud som har vore lagt i Toåa for avhåring, medan andre var feittgarva med hjerne. 

Kva med ein ut oppi Skulstuå i finveret i helga? Utstillinga FISK står i heile sommar og laurdag 14.juni frå kl.13 til 16 er den igjen opa, som og annonsert i Driva.  Det er Ingvar Ortega Redalen (f.2012) som har teikna fiskar frå både nære og fjerne havstrøk, her kan du sjå både regnbogeaure, brisling, havmus, slimål, storskat, gjøkskate, tagghai og kval og mange fleire fiskeartar.

Skulstuå inviterte fredag 16. mai til «Grand opening» av utstillinga FISK med teikningar av Ingvar. Det var stort publikumsoppmøte.

Skulstuå i Todalen har invitert Ingvar Ortega Redalen (f. 2012) til å stilla ut teikningar frå studia hans av fisk frå både salt- og ferskvatn. Velkomne til Grand Opening 16.mai kl.18.00. Det blir kanskje ein tale, men heilt sikkert sal av steinomnstekt pizza og sjokoladekake. Kunstnaren vil vera tilstades.

Det blir igjen «bøt og betring» i Skulstuå, tysdag 8.april kl.18.    Triveleg treffstad for å slå av ein prat samstundes som ein får bøta klede, som får lengre levetid. Igjen ein kveld der berekraft har fokus – Spelekroken er og klar med kort, yatzy og kinasjakk. Sal av kaffi/te og kveldsmat.  Alle er  hjarteleg velkomne! […]

Tysdag kveld var det bøt og betring i Skulstuå igjen, og slik som sist var det ymse aktivitetar for dei som møtte opp.  Ein bøtargjeng bruka stoppnåla og prøva seg fram med stopping og resparasjon for gjenbruk som no er topp moderne.  Elles var det både Yatzy og «Amerikaner» og faktisk var det ogs kaffelag med mykje godt attåt.  Og så var det ei stor overrasking….

Tysdag kveld var det høve til å ta med seg lesta til stopping eller om du heller vil saume på ei bot på ei Olabrok – eller kanskje berre reparere ein armkrage på ein genser.  Iallfall var det ein slik bøtarkveld i Skulstuå denne kvelden i kombinasjon med litt spell og konkurranse, og eit slag med amerikaner i all vennlegheit.

Det blir «bøt og betring» i Skulstuå, tysdag 25.februar kl.18.00.   «Vær glad i heimen din bøt og saum, og livet det vert som ein fager draum».  Denne teksten står på den gamle stoppsoppen, – ein trufast hjelpar ved stopping av mang ein utslitt lest.  Miljøet blir spara når vi tek vare på og bøter kleda våre. Det forlengar levetida på dei og er berekraft i praksis!  Vi invitere difor til «bøt og bedring», for å bøta og stoppa på lestar og vottar, eller andre plagg du har som treng litt omsorg. 

Kom og feir sola og mora stod det i invitasjonen til kaffeslaberaset i skulstua – eller gammelskulen om du heller vil.  Her kunne du iallfall henge deg på med feiring av morsdagen, og jammen kika da sola fram ei lita stund også.  Og folk strømma på og til tider var det «fullt hus» med kaffegjestar – både store og små. 

Venner av Skulstuå inviterer alle til kaffeslabberas i Skulstuå søndag 9. februar 12:00 – 16:00.  Kom å feir sola og mora. 

Som vi tidlegare har skrive, så inviterer Skulstuå i Todalen til filmframsyning på Surnadal kino fredag 27. desember klokka 16:00. Da viser dei filmen som Svein Åge Saksen laga i samband med 80-årsdagen til idretts- og kulturmannen Alf Ramsøy i 2004. 

Fredag 27. desember klokka 16:00 inviterer Skulstuå i Todalen alle til Surnadal kino på Surnadal kulturhus der filmen Svein Åge Saksen laga i samband Alf Ramsøy sin 80-årsdag på Surnadal kulturhus i 2004.