Todalen Idrettslag

Laurdag 27. juni frå klokka 09:30 inviterer Todalen Idrettslag til årets utgåve av Todalsdagen på Bordholmen stadion. Todalsdagen blir i år arrangert for trettifjerde gong, og vil som vanleg ha fokus på TodalsCupen i fotball og mosjonsløpa Ræta opp! og Mini-Ræta. Innttekta frå årets Ræta opp og Mini-Ræta går til spleisen «forskningen for Mikkel og andre barn med ultrasjeldne genetiske sykdommer». Endre Talgø, leiar i Todalen IL og Sondre Halset, som er kasserar, håper på godt vêr og mykje folk. – Vi ønsker alle velkommen til Todalsdagen 2026, seier dei to. 

Torsdag 21. mai klokka 18:00 inviterer Todalen Idrettslag alle Todalingar og alle andre i Todalen og Stangvik skulekrins til lagseriestemne på Bordholmen stadion. Her blir det lengdehopp med og utan tilløp, kast av liten ball og springing.

Todalen Idrettslag var vertskap for frukosten i Ungdomshuset 17. mai.  Dei slo på stortromma og inviterte like godt heile bygda på frukost etter at biltogeg var unnagjort.  Det kosta kr 150 pr vaksen, medan born var halv pris og dei minste gikk gratis.  Og gjestane dei kom, for heile 97 passerte billettøren og betalte, og i tillegg vart det ein del born med grqatisbillett.

Presis kl 10 starta biltoget frå Matkroken Todalen på nasjonaldagen.  Tradisjonelt har det vore traktor i teten  men i år var det ex handelmann Nordvik som var først i biltoget. Han var rett nok i før gul ledartrøye og er nok snart den einaste som har delteke i alle biltog sia starten på 50-talet ein gong.

Klokka 10:00 er det start for det tradisjonelle biltoget frå  Matkroken Todalen oppover på nordsida og opp til «Gammelfabrikken», der toget snur og køyrer nedover att på sørsida og ned til ungdomshuset. 

Klokka 10:00 er det start for det tradisjonelle biltoget frå  Matkroken Todalen oppover på nordsida og opp til «Gammelfabrikken», der toget snur og køyrer nedover att på sørsida og ned til ungdomshuset. 

Ny sommarsesong med Stikk UT! startar 1. mai. I Todalen er det tre turmål denne sesongen: Ja-benken, Toåa tursti og Svinvikrunden. Ja-benken er ny av året. 

Langfredag inviterte skihyttestyret til den tradisjonelle «Kjerringdilten» på skihytta til Todalen Idrettslag. I år var det lite snø i fjellet, men det var så vidt nok nok til å få arrangert «Kjerringdilten» på ski. Langrennsdåra gjekk i år rundt skihytta/Ørsalmyra. 

Som tidlegare annonsert, så inviterer skihyttestyret til «Kjerringdilten» 26 på skiytta fredag 3. april frå klokka 11:30. No på ettermiddagen onsdag, kan skihyttestyret melde at årets utgåve av «Kjerringdilten» vil bli arranngert som med «langrennsdåre» rundt skihytta/Ørsalmyra. Start klokka 13:00. 

Fredag 3. april (langfredag) frå klokka 11:30 inviterer driftsstyret for vinteranlegg og skihytta til den tradisjonelle «Kjerringdilten» på skihytta. Starten for «Kjerringdilten» er klokka 13:00. Vêrmeldinga på yr.no seier akkurat no at det skal bli opphalsvêr plussgrader, men her er det nok lurt å følge med på yr.no for å få med seg dei siste oppdateringane fram mot langfredag. 

Årsmøtet til Todalen Idrettslag var unnagjort på halvanna time onsdag kveld. Det var ingen kontroversielle saker, slik at saklista på 14 punkt var fort unnagjort, der formalitetar utgjorde halvparten av agendaen.  Fort gjort var også valet, sjølv om det i år var store utskiftingar. Endre Talgø vart ny leiar i arbeidsutvalet, og tek altså over leiarklubba etter Elinor Bolme som har sitte i 4 år.

Todalen Idrettslag sender akkurat no ut faktura for medlemskontingenten i idrettslaget for 2026, og mange har nok allereie tått fakturaen på e-post og for godkjenning i nettbanken. Fakturaen kjem frå Buypass AS og har forfallsdato den 24. mars. Det kan også vere lurt å sjekke søppelposten på e-posten sin dei komande dagane, i tilfelle fakturaen har hamna der. Idrettslaget oppfordrar dei som ikkje er medlem, men som ønsker å bli det, om å melde seg inn så raskt som mogleg. Dersom ein ønsker å melde seg inn, tek ein kontakt med Endre Talgø på telefon 926 89 326 eller e-post endre.talgo@outlook.com, så hjelper han til med registreringa.