Arkiv for desember, 2016

Det er alltid spennande å måle aktivitet og samanlikne fjoråret og året i år. Spesielt artig er det dersom tala går i din favør.  Det gjer faktisk tala på nettstaden vår – Todalen.no har i 2016 hatt auke i trafikken – slik som tidlegare år.  Totalt har vi hatt mesta 444.000 besøk i løpet av […]

I dag er det kunstutstilling i Skulstua (Gammelskulen). Det er første gongen at Skulstua er bruka til kunstutstilling, og det er kunstnaren Sissel Halset Storslett som stiller ut 22 av sine måleri på denne premieren. – Utstillinga er opa frå kl 12 og utover til kl 16, så det er berre å hive seg rundt og ta ein tur.

Førstkommande torsdag kjem Teatret Vårt til Surnadal med oppsetjinga «Brevduene». Frå Surnadal kulturhus har vi fått ein liten smakebit på kva som er i vente. I tillegg gir dei oss 4 billettar på forestillinga til våre lesarar som vi deler ut til den som svarar riktig på eit (muligens) enkelt spørsmål.

Nyttårsaften – 31. desember kl. 16:00 – er det gudsteneste i Todalen kyrkje med sokneprest Bernt Venås. Dette blir ei litt spesiell gudsteneste, da vi tek avskjed med sokneprest Bernt Venås som etter så mange års teneste sluttar no til nyttår. Det blir offer til Todalen Sanitetsforening.

6. juledag arrangerte Todalen Idrettslag juletrefest for dei aller minste. Det er ikke tilfeldig av disse juletrefestene er kalla for «springarfester», for det var ein livåt gjeng som møøte til gang rundt juletreet, og ekte nisse som kom på besøk og hadde med seg gåver til alle. – Og jammen trur eg både store og små kosa seg – og tykte det «stod til», dei par timane som juletrefesta varte

Sissel Halset Storslett har nyttårsaften salgsutstilling av maleri i Skulstuå frå kl 12.00 til 16.00. Det vert og sal av kaffe og gode kaker. Alle er velkomne!

Prosjektet Stikk UT! har vorte så godt motteke, at Friluftsrådet Møre og Romsdal no lanserer Stikk UT Ski! i 8 kommunar. Denne nye aktiviteten med registreing av turar for dei med ski på føtene er gjeldande i perioden 1. januar til 17. april, dersom vër og føreforhold er tilstades naturleg vis. Surnadal kommune er sjølvsagt med, og har fått tildelt 3 turmål. Klåberget på Kvanne og Løålikjølen og Garthøgda på Nordmarka.

Surnadal kulturhus inviterer til sin tradisjonelle nyttårskonsert med TrondheimSolistene fredag 6. januar. Denne gongen har dei med seg Alexander Rybak, og sammen vil dei skape nyttårsstemning ein seint vil gløyme, skriv kulturhuset på si heimeside. Det vil også bli deltaking av elevar frå kulturskulen.

Todalen IL inviterer til juletrefest i Todalen Ungdomshus fredag 30. desember mellom klokka 14 og 16. Her blir det servering av saft, kaker og kaffe.

Todalen ungdomshus var fylt til siste plass da Todalen Idrettslag inviterte til årets julerevy 3. juledags kveld. Og publikum tok godt i mot julerevyen som hadde fått namnet «tRAUSt» – som var lett inspirert av sommaraktivitetane på Todalshytta som ein raud tråd. Med godt over hundre på kveldsforestillinga i tillegg til ettermiddagsforestillinga vart det nærarer 200 som såg revyen – det er vi veldig godt nøgde med, seier fotballformann Knut Bergly som var festsjef.

Tredje juledag var det triveleg todalstreff på sjukeheimen i Surnadal, eit heilt nytt arrangement. Initiativtakar og primus motor var Terje Nordvik. Han fekk ideen eit par veker før jul da Sanitetsforeninga tinga blomster som skulle vere julehelsing til todalingar som er 80 år eller eldre.

Dagens romjulsmarsj gav inga rekorddeltaking, men ca 120 personar tok turen rundt bygda i det tradisjonelle arrangementet i regi av Todalen Idrettslag. Vêret var litt ruskete, med både snø og haggel i mellom vindkulene. Men alle vi møtte på vår veg var positive og blide og tykte det var godt å få litt friskluft og mosjon mellom bordsettingane.