Det har gått 10 år sidan Erik Mogeno kom på 2.plass i Norske Talenter og bestemte seg for å leve av underhaldning. Laurdag 7.november klokka 15:00 kjem han til Surnadal kulturhus med jubileumsframsyninga 10 år med Erik & Kalle. Her får vi oppleve Erik sine mest populære buktalarkarakterar som: rotta Geir, strutsen Erna, grinebitaren Kjell og ikkje minst den spydige kaninen Kalle.
Erik har vore i Surnadal fleire gonger tidlegare, både på Laksefestivalen og Sparebankdag.
«Da var det veldig mange som kom bort til meg etter showet og ønsket at jeg skulle komme tilbake, så det førte til at jeg hadde veldig lyst til å legge turneen innom Surnadal denne gangen», skriv Erik Mogeno.
Jubileumsframsyninga til Erik Mogeno skal ha framsyningar over heile landet i løpet året. Dette blir ei magisk og ikkje minst humoristisk reise for heile familien.
Erik og Kalle. Foto: Formidleren.no
Erik Mogeno er godt kjend for sine gode formidlingsevner til barna, og dette er ei framsyning som barna garantert vil snakke om i ettertid. Årets framsyning har òg humorinnslag for ungdom og vaksne. Årets framsyning inneheld og heilt nye nummer som ikkje har vore framført.
Så bli med på feiringa av Erik Mogeno sitt 10-årsjubileum som profesjonell artist i Surnadal kulturhus laurdag 7.november klokka 15:00.
Om du vil vite meir om Erik Mogeno kan du gå inn på: Erik Mogeno.
For å kjøpe billetter til framsyninga kan du gå inn på lenka: 10 år med Erik og Kalle.