Arkiv for mars, 2024

Den siste perioden med godt vêr og ganske høge temperaturar har gjort at sjøisen, som har vore målt til opp mot 20 centimeters tjukkelse, no syng på siste verset. 

Todalen historielag minner om årsmøtet i morgon tysdag 19. mars klokka 19:00 i Todalen ungdomshus. På sakskartet står vanlege årsmøtesaker.

Todalen sokneråd er ansvarleg for fasteaksjonen i Todalen. Anita Talgø som er KN-kontakt i Todalen fortel at konfirmantane vil få ansvaret for å samle inn pengar for fasteaksjonen i år.  Tysdag kveld 19. mars, frå kl 17 og utover, kjem dei på døra med innsamlingsbøssa.  I år er det viktigare enn nokon gong at vi er rause til å støtte fasteaksjonen til Kirkens Nødhjelp – vi må gje så det svir.

Kyrkja i Surnadal inviterer til «felles middag» på kyrkjelydshuset onsdag 20. mars klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.

Fredag 22. mars, mellom klokka 12:00 – 17:00,  inviterer Lia gard til palmehelgutsal i Lia. Denne gongen kan Lia gard også tilby spaltbrød og sitronkake, som båe er nye produkt frå dei. Dei som førehandsbestiller er med i trekninga av ei sitronkake. Så da er det mogleg å få sikra seg grovbakst og kaffebrød til påska!

Todalen sanitetsforening inviterer til kløvertur måndag 18. mars. Oppmøte ved Matkroken og start derifrå kl. 11:00. Alle er velkomne til å bli med ut på tur!

Laurdag kveld var det ei markering av Jim Reeves 101-årsdag i Kulturhuset. Eigentleg var arrangementet eit år forsinka, men kva har det å seie?  Konserten vart ei kjempefin oppleving for oss som hadde teke plass i Storstua denne kvelden.

Laurdag 16. mars – midt i den første vårmånaden – arrangerte Todalen sanitetsforening Fredrikkekaffe. Sol og fint ver ute, triveleg og sosialt treff inne.

Ar sjømat AS frå Kristiansund vil tysdag 20. mars, i tidsrommet 11:00 – 16:30, ha salsstand utanfor Matkroken Todalen, der dei vil selje forskjellege fiskeprodukt. 

Torsdag 21. mars klokka 19:00 inviterer kulturskulen til sin årlege bandkonsert, noko som i år går føre seg i Trudvang. Årets bandkonsert er eit samarbeid mellom kulturskulen og SKUV og blir altså i år arrangert i Trudvang på Surnadalsøra.

Denne helga er det VerdsCup i randonee i Molde og verdseliten av unge løparar er på plass i Romsdalsbyen for å kjempe om poeng og medaljer. Rundt 100 deltakarar frå 17 nasjonar deltek.Frå Trollheimen Fjellsportklubb er det to deltakarar, Aron Rodal Haugen og Isak Drøpping,  og her får dei skikkeleg konkurranse.  Det er rundt 100 deltakarar som er samla i Molde med Romsdal Randonee som arrangør. 

Søndag 24. mars klokka 13:00 inviterer Svinviks arboret til podeverkstad. Dette er eit tolbod som passar for deg som er nybegynnar og har lyst til å lære grunnleggjande teknikk for poding av frukttre,