Vi fann 81 artiklar i dette arkivet.
Statnett starta i fjor arbeidet med den ny 420 kV kraftlina frå Surna trafostasjon i Surnadal kommune til Viklandet i Sunndal kommune.Det er canadiske Victor Energy som er hovudentreprenør for prosjektet med å bygge ny kraftline. Alle fundamenta frå Surna trafostasjon til Todalsfjorden er no ferdig støypte. Arbeidet med å støype fundament frå Todalsfjorden til Viklandet har akkurat starta, og blir fullført i løpet av hausten.
Todalen sanitetsforening inviterer til strikkekaffe laurdag 2. mai frå kl. 13:00 til 16:00. Alle er velkomne med eller utan handarbeid.
Mobilnettet til Telia falt ut torsdag morgon og er enno ute i skrivande stund kl 10:50, og i displayet står det «Ingen tjeneste» som indikerer at mobilnettet er ute. Vi har ikke fått info om kva som er skjedd eller når feilen kan bli retta.
Tysdag 5. mai startar Fjellgruppa i Pensjonistforbundet Surnadal ein ny sesong med fjellturar. Første turen går til Flåøya i Sunndal. Oppmøte som vanleg på parkeringsplassen nedanfor Øye kyrkje klokka 09:30.
Det var Stangvik sokneråd som stod som arrangør av Sjømannskyrkjekvelden som samla eit hundretals tilhøyrarar i Stangvik kyrkje. Og jammen fekk vi den rette stemninga, med lukta av nysteikte bakels i kyrkja som mange kjenner att frå besøk i Sjømannskyrkja. Sjømannskyrkjekvelden, eller kanskje heller Sjømannskyrkjefesta samla folk frå heile indre Nordmøre, som kom for gjensyn med Sjømannskyrkja eller for gjensyn med Ranveig og Torbjørn Brøske, som gjorde teneste for Sjømannskyrkja i heile 14 år på 5 forskjellige stader.
Torsdag kveld 30. april, frå kl 18 og utover blir det dugnad i båthamna på Kvennset, melder styret i Todalen Båtforening. – Her pågår eit renoveringsprosjekt med utskifting og utlegging av utriggarar. Båtforeninga oppfordrar til å ta med høveleg utstyr, som kan være batteridrill og skiftenøkkel.
Torsdag 7. mai klokka 18:00 inviterer Nordmørsmusea og Svinviks arboret til vårdugnad i arboretet. Arboretet skal gjerast klart til ein ny sesong, så her er den klare oppfordringa, bli med på vårdugnad!
Styret i Todalen.no kallar inn til årsøte onsdag 13. mai klokka 19:00 i Skulstuå. På agendaen står vanlege årsmøtesaker. Det blir enkel servering. Foreiningar, lag og selskap, som er medlemmer i Todalen.no, kan møte med fleire representantar, men berre ein fro kvar har røysterett på årsmøtet.
Todalen sanitetsforening er i gang med garasjebygging ved Sanitetshuset på Kvennset. Solveig Glærum som er leiar for Todalen sanitetsforening fortel at det først og fremst bygges 3 garasjar/carportar med tanke på utleie til bebuarane i Sanitetshuset. Ho fortel at det også kan være aktuelt å leie ute garasje til naboar og andre dersom nokon blir ledige.
Torsdag 30. april klokka 19:00 inviterer Tordenskjold Songlag til konsert i Todalen ungdomshus. Konserten har ein rosa tråd, der temaet er songar om kjærleik. På repertoaret står songar av mellom andre Pink Floyd, Sting, Elton John, Vamp, Bob Dylan, Beatles og fleire.
Måndag kveld var det ryddedugnad etter vegkantane rundt bygda – fort unnagjort da det var lite søppel å finne i vegkantane. Folk er dyktige til å ta med seg søppel for å kaste i søppeldunkane, men litt plast og papir var det da rundt omkring. Bra at dette blir henta inn og samla i hop, slik at det ikkje gror ned no når det blir grasvokster utover våren og sommaren.
Stangvik sokneråd inviterer onsdag 29. april klokka 19:00 for første gong til Sjømannskyrkjekveld i Stangvik kyrkje. Frå Sjømannskyrkja kjem Ole Jacob Risnes for å fortelje om Sjømannskyrkja si pop-up kjyrkje under vinter OL i Milano og Cortina. Han vil også vise nokre videohelsingar frå ulike sjømannskyrkjer rundt omkring i verda.