Arkiv for februar, 2026

Sol og fint ver ute denne siste dagen i februar, og strikkekaffe med godt oppmøte inne i Sanitetshuset.

Laurdag arrangerte Svinviks arboret eit halvdags kurs i kvisting og stell av frukttre i private hagar. Kursleiar var Patrick Nilsen, som har vor fagansvarleg for alt som veks i arboretet – den jobben har han hatt sia nyttår i fjor.

I ei pressemelding frå Friluftsrådet Nordmøre og Romsdal no på ettermiddagen, blir vi fortalt at friluftsliv er verdas beste medisin. Friluftsliv er i følge pressemeldinga godt både for vår fysiske- og psykiske helse. Pressemeldinga kan ein lese nedanfor:

Da har vi lagt inn ReMidt sin tømmekalender for glass- og metallavfall, restavfall, papir og pappemballasje, plast og matavfall, for mars og april 2026 inn i aktivitetskalenderen vår her på Todalen.no. Tømmekalender for mai og juni 2026 blir lagt ut i slutten av april.

odalen sanitetsforening inviterer til strikkekaffe laurdag 28. februar i tidsrommet 13:00 – 16:00. 

Onsdag hadde styret Pensjonistforbundet Surnadal kalla inn sine medlemmer til årsmøte på Surnadal frivilligsentral i Fiskegården på Skei. Ann-Sissel U. Mogstad har sendt oss eit lite referat frå årsmøtet.

Sanitetsforeninga arrangerte årsmøte i Sanitetshuset tysdag 24. februar. Leiar Solveig Glærum opna møtet og ønskte vel møtt. Ho syntest det var riktig bra at heile 17 medlemmar var møtt fram.

Hageland Surnadal opna våren 2013 etter ein hektisk byggeperiode gjennom hausten og vinteren 2012.  Området som er bruka til sal og utstilling av planter, busker og hageutstyr er på rundt 4800 m2, og er faktisk det største hagesentret på Nordmøre.  Etter drift i 13 sesongar trengs det ein «facelift», så no er det sett i gang arbeid med oppgradering og modernisering, fortel Anita Talgø ved Hageland Surnadal.

Surnadal kommune sender no ut Eigedomsskatteseddelen for 2026. Eigedomsskatteseddelen blir sendt til alle heimelshavarar for eigedomen og inneheld opplysningar om eigedomen, verdsetting, skattesats og utlikna eigedomsskatt.  

Første kløverturen i 2026 gjekk i Toåa tursti i fint ver 23. februar.

Rørleggarane står på natt og dag for å tine frosne vassrør.  Jostein Aune som er fagleg leiar i Næss Rør & Interiør fortel at det er mellom ei og to vekers ventetid på tining av frosne vassrør.  -Vi har to lag ute på vasstining, og får ikkje gjort noko anna no om dagen.   I dag var det turen til Husby og Halle vasslag i Todalen som har frosne rør til 3 abbonnentar i Husby-grenda som fikk hjelp da vi trefte Jostein Aune og Paul Ove Sandvik i full sving.

Eivind Hasle takka av som styremdlem og skrivar i Surnadal Heimbygdlag på årsmøtet måndag 23. februar. Han fekk stor takk, ros og velfortente blomster for innsatsen gjennom mange år!