Vi fann 3443 artiklar i dette arkivet.
Når ny kjøledisk skal inn i lokala på Matkroken er det naturleg å samle dei sterkaste karann i bygda, proklamerte handelsmann Nordvik da arbeidet starta straks før stengetid laurdag. Den gamle kjøledisken for frukt og grønt skal få avløysing og ny, større og meir moderne kjøledisk skal erstatte den gamle.
Det er meldt vind og regn til tysdag 8. ds, så vi sett ut «Fjellgruppeturen» til Grytbakksetra ei veke – til 15. september! Det melder Tor Asel, Brage og Kristian, som er vegvisarar på turen.
Torsdag kveld var det duka for sesongens første fotballkamp på Bordholmen. Heimelaget hadde fått besøk av Surnadal G10 1. Det vart ein jamn, og ikkje minst underhaldande kamp, som bortelaget til slutt vann med knappast moglege margin. Trym S. Kvendset var dommar og hadde full kontroll i ein lettdømt kamp. Mykje folk hadde møtt opp for å sjå på kampen. Ingunn Mikkelsen hadde ein stri tørn i kiosken med steiking og sal av bakels. Ho gjekk tidleg tom for bakels, så ho måtte konstatere at ho nok hadde kunne ha selt ein god del meir om ho hadde hatt meir røre, men ho hadde heldigvis andre varer som og fall i smak.
Bjørn Nes Kvande har sendt oss et par bilder frå G/J kampen mellom IL Søya og Kvass/Ulvungen. Stor innsats i ein forrykande kamp som endte med poengdeling.
Tysdag kveld 2. september arrangerte Trollheimen Sykkelklubb det årlege klubbrittet frå Nordvik til Kårvatn. Ikkje uventa var det Håvard Gjeldnes som nærast tangerte rekorden på tida 33,39 men Stig Mikkelsen var hakk i hel og kom inn på tida 33,42. Tredjeplassen kapra Eskil Håvik på tida 34,03.
Tysdag 1. september, var fjellgruppa i Surnadal pensjonistlag på tur til Vassdalen i Vindøldalen. Det var nydeleg vêr og vi hadde ein skikkeleg fin tur! Anne-Sissel og Nils Mogstad har sendt oss blider frå turen, og det ser da reint så idyllisk ut. Og jammen hadde dei vêret med seg på turen denne gongen også – med klår haustluft som er med og gjer utsikta heilt unik.
Her finn du opplysningar om tilskotsordningar (medrekna spelemidlar) som kan vere nyttige både for lag og privatpersonar i Surnadal – samt informasjon om bibliotek og Gåte-konsert.
Måndag ettermiddag kl. 19:45 var det trekning i Sommarlotteriet til Todalen Idrettslag. Totalt vart det selt 870 lodd, noko som gjev 17.400 kroner til drifta av idrettslaget. Inntekta frå lotteriet er særs kjerkoma i desse Koronatider der det er vanskeleg å finne inntektskjelder til drifta av idrettslaget.
Surnadal pensjonistlag melder:
Torsdag 3. september går turen til Årnes. Vi parkerer ved Jørristua.
Ta med stoler.
Søndag var det utandørs gudsteneste i Svinviks Arboret. Vêrgudane varta opp med variert vêr og det måtte takast to pausar under gudstenesta då det regna på det meste, men etter kvart kunne både barnedåp og resten av gudstenesta fullførast. Mot slutten kika sola til og med fram og varma dei mange frammøtte. Det var liturg Kristin Strand som leia oss gjennom gudstenesta. Dagens tekst hadde Strand henta frå Matteus Evangeliet. Bernt Idar G. Bøe spela orgel/keyboard og P17 Koret bidrog med song. Dagens takkoffer gjekk til konfirmantarbeidet i Todalen kyrkje. Til slutt var det presentasjon av neste års konfirmantar.
I dag har Surnadal Arbeiderparti med delegatene Ingrid Bergheim, Annett Ranes, Mons Otnes, Odd Arild Sande og Laila B. Aune deltatt på årsmøtet til Møre og Romsdal AP. På grunn av smitteverntiltak, ble det for første gang gjennomført over videokonferanse/Teams.
Søndag 30. august er det tillyst friluftsgudsteneste i Svinviks arboret. Soknerådet presiserer at den startar kl 12:00 og at det er bestemt at den blir arrangert ute. Det kan skje at det blir nokre regndråpar under arrangementet, så difor oppfordrar soknerådsleiar Kristian Gjeldnes til å ta på gode sko og varme klede.