Vi fann 2973 artiklar i dette arkivet.
Surnadal formannskapet vedtok i sitt møte 28. november budsjett- og økonomiplan for perioden 2024 – 27 for Surnadal kommune. Dokumentet er no lagt ut til offentleg gjennomsyn, og den som ønsker det, kan koma med uttale til formannskapet sitt forslag til budsjett- og økonomiplan.
I Pestua er det no mogleg å kjøpe egg døgnet rundt, altså 24/7. Via det nybygde sjølvbetente utsalsrommet, ved sia av kjølelageret i hønsehuset. Her kan du få kjøpt XXL, store, usorterte og medium egg. Men Anders Karlsen understrekar at alle framleis er velkomne til å ta kontakt for å få kjøpt egg på same måte som tidlegare. Det same gjeld om ein ønsker å kjøpe bakaregg og for spesialbestillingar.
Sjølv om det er ei lita stund til kalendaren viser mai, så kan Vårsøghelga, som blir arrangert i Surnadal 23. – 26. mai, allereie no røpe litt av programmet for neste års Vårsøghelg. – Vi er glade og stolte over å kunne slippe nyheten om at Bugge Wesseltoft kjem til Vårsøghelga 2024 i Surnadal, heiter det i eit presseskriv frå Vårsøghelga.
Fredag 1. desmber, mellom klokka 12:00 – 17:00, inviterer Lia gard til ope bakeriutsal. Det nærmer seg jul, og ibakeriet er det høg aktivitet og mykje å gjere fram mot jul. For å sikre at alle får det dei vil ha, ønsker dei at så mange som mogleg førehandsbestiller bakst dei ønsker å kjøpe på fredag.
Surnadal Jeger og Fiskerforening (SJFF) ønsker å takke for minnegåva dei fekk i samband med Leiv Strand si gravferd frå Ranes Kyrkje fredag 10. november i år:
Vi takker varmt for minnegave i forbindelse med Leiv Strand sin begravelse.
Surnadal jeger og fiskerforening
Torsdag 23. november klokka 18.00 inviterer Surnadal kunstforening til
opninga av «Haustlys -23» i Finstuå på Surnadal kulturhus. Denne gangen er det Ellen Kalvig sine bilete og Steinar Garberg sine keramikkfigurar som blir presentert.
Kyrkja i Surnadal inviterer til «Felles middag» på kyrkjelydshuset onsdag 22. oktober klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.
Årets utgåve av «Jul på Nordmøre» er på veg ut til butikkane. Det tradisjonsrike juleheftet kjem i 2023 ut for 88. gong. – Innhaldet er bygd over ein lest som lesarane er vel kjende med. Bidragsytarane er ei god blanding av gamle travarar og nye pennar, seier leiar i skriftstyret, Lars Steinar Ansnes.
I går ettermiddag og kveld, var ungdommar frå Surnadal Jeger og Fiskerforening (SJFF) samla i reiskapshuset til Carstn Bohle for å lære å skjære ned hjort. Den eine hjortekalven vart skoten av ein av ungdommane i Snekvika førre laurdag, under SJFF si introjakt. I tillegg hadde dei fått ein liten kalv frå eit jaktlag, så det var to hjortekalvar dei hadde å trene på.
Stangvik Grendalag arrangerer den tradisjonelle basaren i Bondehuset i Stangvik neste laurdag 25. november frå klokka 16:00. Der blir det ballkast, pilkast og aktivitetar for barna.
Frivilligsentralen i Surnadal inviterer til markering av «Frivillighetens dag», med å arrangere «Frivilligforum» i Svorkasalen på Surnadal kulturhus tysdag 5. desember klokka 18:00 – 20:00. «Frivilligforum» er ein arena for frivillige lag, organisasjonar og frivillige som er interesserte i eit levande lokalsomfunn, og som har lyst til å engasjere seg med sitt lille eller store bidrag.
Onsdag 6. desember klokka 13:00 inviterer Surnadal Pensjonistlag til julemiddag på Folkehøgskulen i Surnadal. – Kom og bli med på den tradisjonelle «julemiddagen» til Pensjonistlaget!, oppfordrar Kristian Ranes i Surnadal Pensjonistlag.