Todalen Oppvekstsenter Arkiv

Vi ser at det blir køyrt kontainere til og frå Todalen skule, kva er det eigentleg som skjer.  Måndag trefte vi Aune Sand i skulebygget, og da var det naturleg å stille nokre spørsmål om kva som er på gang i det gamle skulebygget?   – Det viktigaste no er at det gamle skulebygget er så «ferdig til bruk» som muleg til vi skal opne utstilling og feire 2 x 60 år den 11. mars. – Da er nemleg eg og min tvillingbror Vebjørn 60 år, svarer Aune.

På neste formannskapsmøte som kjem onsdag 17. desember kjem sal av Todalen skule på saklista igjen.  No er det kunstnarfamilien Sand som er aktuell kjøpar.  Dei vil flytte mykje av verksemda til Todalen og ser for seg å drive med både kunst og kultur, og vil kunne nytte lokala til både atelier, rammeproduksjon, lager og utstilling.

Det er lenge sia sist, men dei fann fort att tråden.  1947-årgangen hadde sine første skuledag ein av augustdagane i 1954, og da var dei eit årskull på 8 jenter og 4 gutar som starta skulegangen i første klasse i Todalen skule.  Randi Ansnes, seinar gift Ramsøy, var lærar og det som i dag blir kalla klassekontakt for dei nye førsteklassingane.

I ei pressemelding frå Todalen Meieri blir det informert om at selskapet er i forhandlingar med Surnadal kommune om å overta bygningsmassen til Todalen skule.  Plana vidare er å etablere verksemda til Todalen Meieri der.  Dei har lege i startgropa for å etablere meieriverksemda i eigne lokalar heime i Utigarden på Kvennset – no kan planane bli endra. Lokala til Todalen skule har stått tomme sia skulen vart nedlagt i 2021.

17. maifeiring uten korpsmusikk det går ikkje an  – i fleire år har veteranar frå Stangvik skulekorps stilt opp og sørga for korpsmusikk til togent i Todalen.  I kveld var det øving på kantina på Talgø, og her var det 6 personar som møtte.   Det er i minste laget, seier Ingeborg Myrvang som er «primus motor» for  17.-korpset .  Vi mangler nokre grunnstemmer for å få det til å låte bra, så vi setter vår lit til at vi klarer å lokke med oss nokre fleire til å kome med i siste liten. 

I går kveld inviterte Foreldrearbeidsutvalet (FAU), elevane og dei tilsette ved Todalen og Stangvik oppvekstsenter på Evenshaugen foreldre og søsken til adventstund. Elevane, med hjelp frå lærarane, hadde laga underhaldning med sketsjar, dans og songar, der temaet sjølvsagt var jul, og som dei framførte under adventstunda.  

Søndag fikk vi nærast uventa besøk i redaksjonen! Det var frå Fonna Forlag – redaktør og majoritetseigar Kjartan Helleve som stakk innom. Han hadde ærend i området, og kom på at han skulle stikke innom og sjå seg litt rundt i Todalen når han først var på disse traktane.

I dag tok Todalen og Stangvik oppvekstsenter, som til vanleg er lokalisert på Evenshaugen, turen til Todalen for å ha aktivitetsdag på Bordholmen stadion. Her var det mange gjennomført mange forskjellege aktivitetar dei knappe fire timane dei hadde til rådigheit. 

Det var bra frammøte og stor interesse for framtida til skulebygget i Todalen. Det var Surnadal kommune som inviterte bygdefolket i Todalen til «ide-møte» med tanke på kva som skal skje med skulebygget først og fremst og kanskje seinare også skjebnen til barnehagebygget. Skulen vart som kjent lagt ned etter at skuleåret var slutt i 2021, medan barnehagen vart midlertidig stengt frå same tid. Barnehagen er ikkje nedlagt, og kan søkjast på inntil 2024 og kan bli starta opp igjen dersom det blir nok søkjarar

Surnadal kommune ønskjer ein dialog med lokalbefolkninga i Todalen om framtid bruk av barnehage- og skulebygget, og inviterer difor til møte for å få positive innspel og gode idear frå bygdefolket.
Møtet skjer måndag 30. mai kl 19:00 i gymsalen i skulebygget i Todalen. Frå Surnadal kommune kjem ordførar og kommunedirektør, og truleg 1-2 personar til frå administrasjonen. I tillegg er formannskapet invitert til møtet

Ja, det spørsmålet stiller ordførar Margrete Svinvik og kommunedirektør Knut Haugen til bygdefolket i Todalen. Politikarane har gjeve dei to i oppdrag å ha ein dialog med bygdesamfunnet for å prøve å finne ei løysing på eventuell etterbruk av skulebygninga etter at skulen vart nedlagt i år. 

Måndag 23.august er det skulestart for elevane i grunnskulen i Surnadal kommune. At skuleåret 2021/22 tek til så seint, heng saman med at skuleruta i grunnskulen, følgjer skuleruta for den vidaregåande skulen i Møre og Romsdal, og at dei og har ein sein skulestart i år. Alle skulane startar på grønt nivå, med tanke på […]