Felles Halloweenfeiring
FAU ved Todalen oppvekstsenter inviterer til felles Halloweenfeiring torsdag 31. oktober klokka 18. Her er alle velkomne til ein times tid i lag i gymsalen på skulen.
Vi fann 237 artiklar i dette arkivet.
FAU ved Todalen oppvekstsenter inviterer til felles Halloweenfeiring torsdag 31. oktober klokka 18. Her er alle velkomne til ein times tid i lag i gymsalen på skulen.
Todalen sanitetsforening fekk i 2018 midlar frå Egmont-stiftelsen for å fremje interesse for bøker og litteratur og stimulere til større leselyst hos barn og unge. Fredag før haustferien var den store dagen da May-Elisabeth Holten frå Sanitetsforeninga kom med bokgåva for 2019. Ikkje mindre enn 26 splitter nye og fine bøker hadde ho med seg.
I forbindelse med kommune- og fylkestingvalget er Todalen bibliotek stengt måndag 9. september.
Under dagens møte i Hovudutvalet for Oppvekst vart det vedteke at oversendingsforslaget om å slå saman barnehagane i Todalen og Stangvik ikkje treng ny behandling i kommunestyret. Les meir om gladnyheita på Trollheimsporten: Såg ingenen nye grunnar for samlokalisering av Todalen og Stangvik Foto:Trollheimsporten.
I dag starta fire nye elevar på Todalen skule. Tre av dei var jentene Julia, Øyvor og Natasha som skulle byrje i første klasse. Dei har hatt god trening med førskuleklubb siste barnehageår, og vart fort husvarme i skulegarden saman med resten av elevane ved oppvekstsenteret, heile 27 i talet.
Nok eit skuleår går mot slutten, og i går kveld vart dette markert ved Todalen Oppvekstsenter. FAU stilte med varme grillar slik at den som ville, kunne ta ein sein middag. Etterpå var det litt underhaldning av elevane i 1.-4. klasse. Rundt om i gymsalen var det utstillingar frå mange ulike prosjekt som elevane hadde gjennomført i løpet av skuleåret.
Førstkommand emåndag er det sommaravslutning for Todalen oppvekstsenter. Da blir den årlege markeringa av at nok eit skule- og barnehageår er på hell og sommaren står for tur. Vi har fått invitasjon frå Oppvekstsenteret til ungar, foreldre, foresette og andre interesserte.
Dei siste vekene har det på fleire av skulane i rundt om vore fokus på trygg og sikker ferdsel på sykkel i regi av NAF. NAF sitt mannskap har vore ute på skulane med eit opplæringsopplegg, der ungane skal lære seg å ferdast ute i trafikken med eit opplegg dei har kalla «Sikker på sykkel» Dette er eit ledd i å nå krava i opplæringslova, som kanskje ikkje alle skulane har nok fokus på.
I Todalen har skuleborna lang tradisjon for å hjelpe til med plakatar for å marknadsføre 17. mai-feiringa. Det var det velvilje for i år også, så i dag har det vore storstila plakatproduksjon i skulen. Resultatet kan du sjå på biletet på framsida der heile gjengen har stilt opp for fotografering med kvar sin plakat.
Todalen oppvekstsenter med både skule og barnehagen var å såg på kunstutstillinga i Skulstuå i går. Sissel og Reidar serverte popcorn, kanapéar og velkomstdrink, og fortalte litt om bileta sine. Elevane fekk sjå korleis ein kan endre på foto i fotoshop, og at eit måleri er ikkje berre eit måleri. Det kan endrast og målast over fleire gong. Og blir gjerne til over tid.
I dag var det arrangert karneval på Todalen Oppvekstsenter, og jaggu dukka ikkje sjølvaste Donald Trump opp i lag med øvrige gjestar frå 1. til 7. trinn. Til lunsj vart det servert hamburger, og etterpå vart det danseleik, limbo og forsøk på å få hol på piñata.
Ved Todalen oppvekstsenter er det lang tradisjon for å feire Samefolkets nasjonaldag 6. februar og flagget blir heist til topps. I år vart det ein topp dag både med lassokasting, lunsj og film frå «reinsrace» i Tromsø.