Forfattararkiv for

Erik Kårvatn gjorde innfridde forventningane da han tok ein 7. plass i sin klasse under Skyrunning VM i Fonte Cerreto, L’Aquila i Italia i dag. I dag var det vertikal som stod på programmet, og det var motbakkeløp i ordets rette forstand. Løypa starta på rundt 950 m.o.h. og gjekk 1000 høgdemeter rett opp lia i ei løype på 3,5 km.  Dette er ei ny øving for Erik, og det vart ikkje betre av at det var 33 varmegrader i bakkane opp mot målområdet. Trym Dalset Lødøen kom på 3.-plass og vart beste norske deltakar. 

Fredag morgon var Svorka på pletten for å skifte ut trafo ved Vestrum/Talgø gård, etter at lyn og torden herja i går kveld. Dette slo ut straumforsyninga til basestasjonen for internett på Talgøsetra/Reiret.  Dermed vart også Kårvatn utan internettkontakt i natt. 

Erik Kårvatn er i Italia for å representere Norge i motbakkeløp og skyrunning i Italia.  Da han og resten av gjengen landa på flyplassen i Roma var det 37 varmegrader, så det er klar at varmen blir ei utfordring.  Faren Gudmund som er i lag med den norske delegasjonen seier at dei no førebur seg så godt dei kan med å balansere inntaket av salt og drikke. 

Brørne Hallvard og Odd Magne Haugen var i dag i full gang med å lage nytt tak på uthuset i Steinarstua.  Nye sperrer og nytt ståltak skal på plass og så skal det monterast solcellepanel på takflata mot sør.  Dei to er siste rest av Byggfirma Olav Haugen og dei to einaste tilsette. 

Det er jammen ikkje enkelt å komme på kva ein skal gje til gammalt folk som har alt.  Bestemor Jenny Kvendset fyller nemleg 100 år i oktober, og barnebarnet Jenny som er berre halvparten så gamal ymta tidlegare i vår frampå om at kanskje ho kunne ønskje seg ein biltur.  I så fall var det kanskje lurt å gjera det medan det var sommarføre. Jo da, Jenny senior responderte positivt på det, men ville tenke litt på turmålet, og det tykte Jenny junior (Stensby) var greitt.  Etter litt fundering var ønskemålet klart, og dei to kunne starte planlegginga for turen som skulle gå Trollheimen rundt.

Måndag var nok ein av dei varmaste dagane så langt i sommar.  Det låg faktisk godt an for å bli tropenatt både før og etter midnatt på fleire av dei internettbaserte temperaturmålarane rundt omkring i bygda – frå Kvennset til Kårvatn.  

Rune Holtberget fikk ei litt artig oppleving i Romåhølen søndag.  Han såg at at var noko som rørte seg i vatnet like ved land – like i nærleiken av gapahuken ved Romåhølet. Rune oppdaga at det var ein laks som truleg var skadd, og kledde av seg og vassa uti for å prøve å få på land laksen.

Toåa tursti har vi nok omtal fleire gong tidlegare, men reknar med at det er på sin plass med litt repetisjon.  Det er nok mange tilreisande turistar i Todalen som treng tips til turar og aktivitetar for både store ogs små.  Toåa tursti vart teken i bruk til ferien i 2020, og er eit prosjekt som er bygd ut i regi av Todalen idrettslag. 

På vegkanten på Hauamyrå er Anton Brusethaug i gang med byggeverksemd.  Vi tek ein stopp for å sjå på nybygget, som ikkje akkurat er noko storprosjekt.  Men det tek iallfall form som eit nytt hus. Dette er litt feriesyssel for Anton, og han fortel at det gamle huset som stod der hadde råtna opp etter lang og tru teneste på vegkanten. 

Telia sin basestasjon i Todalen er ute av drift onsdag ettermiddag. Om det er bare i Todalen eller om det er mer omfattende problem veit vi ikke noe om i skrivende stund. Men vi har tilgang til internett så telefonen kan brukes i wifi-modus – eller om du har IP-telefoni.  

Måndag 26 juli startar Stangvikfestivalen og Operaen i Kristiansund sitt sommarakademi for unge sangarar. I ei veke ska unge sangtalent fra midt-Noreg bo og arbeide på Stangvik Prestegard-Kulturspinneriet. Instruktører i verdsklasse skal skolere neste generasjon operasongarar. Fredag skal det haldast konsert i Bondehuset, Stangvika, og lørdag går turen til Knudtzonlunden på Frei i Kristiansund.

Den siste veka har det nok vore i minstelaget med vassføring for laksefisket i Toåa.  I går kveld var det imidlertid vêromskifte og ein god del regn utover kvelden og natta.  Det har ført til at Toåa har auka vassføringa fra rundt 2,3 m3/sek i går ettermiddag – til 13,2 m3/sek på målinga no kl 17:00 søndag.