De siste vekene har det pågått utbetring av vegen frå brua over Sagelva og forbi Bakkan mot Bergly. Det er Mikkelsen Maskin som jobbar med å utvide vegen litt og fyller opp grøfta på øvre sida av vegen, slik at det skal bli litt tryggare å møtes på denne strekninga.
Vegen blir utvida litt på begge sider. Foto: Jon Olav Ørsal
Etter at det vart lagt ny asfalt har det vore ein høg kant ned frå vegen på øversida, og dette har det siste året vore skuld i eit par utforkjøringar. No blir det altså fylt opp, slik at køyrande har ein sjangse til å halde bilen på vegen om ein kjem litt utom vegbanen.
Veggrøfta blir no fyllt opp, slik at ein kan unngå å hamne på sida i grøfta. Foto: Jon Olav Ørsal