Todalen Oppvekstsenter Arkiv

I dag har den lokale finalen av energikampen vore, der 12 lag skulle kjempe om sju plassar til konkurransen under laksefestivalen neste helg. Nærare bestemt laurdag 20. juni framfor kulturhuset mellom 10 og 12.

Mandag kl 18 er det skuleavslutning på Todalen oppvekstsenter. Her blir det underhaldning og kaffeservering.

Måndag var borna i skulen og barnehagen ute og rydda rundt vegkantane og i skuleområdet, slik at det skulle bli strøkent til 17. mai og folketoget. Alle elevane var med og det var mange små og ivrige hender som saumfor vegkantane etter vinterens etterlatenskapet. 

I veka som gikk var elevane i 7. klasse i Surnadal kommune på tradisjonelt leirskuleopphald på Bjørnsund. Det var ei stor oppleving for elevane og det var både mykje å lære og mykje å prøve. Frå Britt Mossing ved Todalen skule, som var ein av lærarane som deltok i opplegget, har vi fått mange fine bilder og litt informasjon om opphaldet på Bjørnsund.

Programmet for feiringa av nasjonaldagen er no klart. Det meste foregår på tradisjonelt vis, med biltog frå Matkroken kl 9.30 – og fortsett med stor felles frukost på Borholmen etterpå. etter ein liten pause blir det folketog frå skulen til kyrkja og gudstenesta der. Etter gudstenesta blir det kransnedlegging ved bauten, før toget fortsett til skulen. Frå kyrkja til skulen får folketoget følge av 17.-orkesteret som sørgjer for musikk til marsjen. I skulen blir det mat, allsong og leikar for borna – og sjølvsagt tale for dagen med Sondre Ormset.

Onsdagar er det turdag for dei eldste i Todalen barnehage. Fem heldige og veldig spente ungar fekk onsdag i denne veka vere med på ei minnerik utflukt til Surnadal. «Reiseledar» Line Mari Svendsli har sendt oss eit lite reisebrev frå barnehagen sin innhalsdrike tur.

Tysdag inviterte elevane ved Todalen skule familie, vener og bygdefolk til ti-kaffe. Det vart eit riktig kjekt og hyggeleg kaffelag!
Elevane hadde lagt mykje arbeid i arrangementet. Ungane i storskulen hadde først laga fin invitasjon og sendt ut. I mat og helse hadde dei baka sjokoladekake og pynta, og bakels vart steikt like før gjestene kom. Elevane i tredje og fjerde trinn stilte med nybaka kefirkake, og dei dekte bord. Første- og andre-klassingane hadde plukka kvitsymre, og dei stod også for bordpyntinga. Alle kaffebrøda smaka fortreffeleg!

Elevane ved Todalen oppvekstsenter inviterer i morgon 28. april til 10-kaffe i gymsalen. Her blir det servering og underhaldning av elevane, samt ein quiz. 10-kaffe er i anledninga eit begrep, for arrangementet startar ikkje før klokka 11 melder dei i invitasjonen.

Måndag fekk Todalen barnehage besøk frå NAF Indre Nordmøre. Det var Einar Grønnes som stakk innom med ein ny fin sykkel til barnehageborna, og det vart stor stas, og sjølvsagt vart det kø for å prøvekjøre det nye vidunderet.

Her kjem fleire inntrykk frå Nordmarka, der 2015 IPC Nordic Skiing World Cup Surnadal er i full gang. Onsdag stillte elevane ved Todalen oppvekstsenter opp som heiagjeng på Nordmarka. Det vart litt av ein festdag, fortel Britt Mossing, som har sendt oss tekst og bilder frå turen…

Denne veka arrangerer Surnadal idrettslag 2015 IPC Nordic Skiing World Cup – det er verdscup for funksjonshemma. I dag stod skiskyting på programmet med 60 deltakarar frå åtte nasjonar. Deltakarane stiller i tre ulike klassar: synshemma, ståande og sitjande. Alle deltakarane imponerte stort, det er utruleg flinke idrettsutøvarar med stort pågangsmot og eineståande flott innsats!

I Todalen barnehage har det vore karneval, og Jorunn Nordvik har sendt oss eit bilete av gjengen i flotte kostymar. I ein e-post skriv Jorunn: «Fredag var det duket for karneval i barnehagen. Vi har hatt nedtelling til dagen lenge (!), og alle stilte i flotte kostymer.  Tradisjon tru var det dans til samba-rytmer, limbo og […]