Forside Arkiv

Torsdag ettermiddag – nærare bestemt kl 16.00 køyrer The Invalidos i gang med sin «drive-in» konsert på Bordholmen stadion på Kvennset.  Om du ikkje får køyre heilt fram til scena, så er det iallfall full dekning for å kalle det friluftskonsert. 

Det siste døgnet har Visit Nordvest vore på Todalsvisitt, men tanke på å promotere Todalen som turistmål.  Vi fekk eit lite frukostintervju med gjengen som er på 14-dagers tur rundt på Nordvestlandet for å samle inn bilde, film og inntrykk med tanke på neste års marknadsføring av området og satsing mot reiselivet.

Sol og god temperatur – ein riktig fin dag for kløvertur. Turen 28. juni gjekk frå Gammelfabrikken oppover Gammelfalla langs Storfossen; riktig så idyllisk med fossedur, fuglesong og fargerike blomstrar.

Torsdag 1. juli er det ny stavgangtur i regi av Surnadal pensjonistlags stavganggruppe.  Denne gongen går turen til Nauståfossen ved Kårvatn i Todalen. Start til vanleg tid kl 11, frå parkeringsplassen ved Kårvatn.  Etterpå blir det kafferast ved Kokkhuset  

I dag har det pågått asfaltering av mange små grufser rundet bygda.  Dei par vekene har Mesta førebudd asfaltering der det er skader i asfalten rundt heile bygda.  Pengane strekk nok ikkje til slik at alt blir utbetra, men dei verste hola i asfalen blir no reparert. 

I nattens mulm og mørke har siste rest av hønhalsen gått av.  Vi har dei siste dagane hatt eit auge på Hønhalsen, slik at vi skulle kunne informere så snart som muleg.  I går var det forresten lågt skydekke og vanskeleg å halde fokus på tilstanden, men i dag kom den første meldinga tidleg, og da var det ingen tvil.

Todalen sanitetsforening inviterer til kløvertur til Tjønnmyran måndag 28. juni. Oppmøte ved Hals/Matkroken og start derifrå kl 11:00.

Todalsdagen 2021 kan uten tvil omtalast som ein suksessfull dag på alle vis.  Lenge var det usikkert om det kunne arrangerast nokon Todalsdag, på grunn av smittevernreglar og risiko for spreiing av koronasmitte.  Etter kvart var det beslutta at ein skulle kjøre eit amputert arrangement utan fotball, slik at ein heldt seg innafor gjeldande reglar for smittevern.  Men i tolvte time – eller rettara sag ei veke før arrangementet vart det klar at myndigheitene ville tillate breddeidrett igjen – og dermed fotball. 

Blodbanken i Kristiansund var representert på Bordholmen i samband med at mosjonsløpet Ræta Opp vart arrangert i samband med Todalsdagen 2021.  Vi trefte Randi Solskjær Tømmervåg og Elisabeth Sandvik som på vegne av Blodbanken i Kristiansund var veldig glade for gåva frå Todalen idrettslag og Ræta Opp.  Startkontingenten frå årets arrangement går nemleg uavkorta til Bodbanken i Kristiansund i år. Kor mykje det blir veit dei ikkje før om nokre dagar når alle pengane er komne inn. 

Det var vel inga overrasking at Håvard Gjeldnes fekk bestetid i mosjonsløpet «Ræta Opp» under Todalsdagen 2021 som vart arrangert på Bordholmen laurdag.  Håvard leia løpet frå start til mål, men han hadde heile tida Kristoffer Nordvik hakk i hel, og måtte berre gi på for å halde unna.  26 sekunder var differansen ved målgang på Bordholmen.  Håvard fekk tida 11.04, medan Kristoffer fekk 11.30.  I dameklassen var det Lisabeth Sæterbø som fekk bestetida på 13.46, medan Mari Lien kom på andreplass med 29 sekund på etterskot.

Det er i kveld mange baller i lufta for å få alt på plass til årets Todalsdag for 2021.  Arrangementsstaben ser ut til å ha full kontroll, og kvar og ein står på og har mykje gammel rutine å flyte på.  I Todalen ungdomshus var Lars Stensby og Jon Olav Roaldset i gang matlaging – halvfabrikkata til morgonsdagens store grillsatsing var på gang, med blant anna potetsatat og grønnsalat i store mengder var snar ferdiglaga.

Måndag 28. juni startar arbeidet med å legge asfalt på vegen rundt bygda, der det har vore gravearbeid og førebuande arbeid dei siste par vekene, melder Åge Vingsnes hos Mesta.  Vegen blir sjølvsagt stengt der det utføres asfaltarbeid, med det blir heile tida gode omkøyringsmulegheiter.  Vegane som blir berørt av arbeidet er FV 6145, FV6146 […]