Arkiv for mai, 2021

Tysdag 18.mai arrangerer Fjellgruppa i Pensjonistlaget tur til Øvre Surnadal. Turdetaljane er ikkje heilt klare enda, men det blir tur og oppmøte på parkeringsplassen nedanfor Øye kyrkje klokka 10:30, for samkøyring opp til Åmot og parkering ved fabrikken til Ingolf Dønnem, der det er ordna med løyve for parkering. 

Da er Stikk UT!-koden for sesongen 2021 på plass på Tjønnmyran. Stikk Ut!-kontakt i Surnadal, Norunn Holten, melder at det opna for registrering av turar i rundturen om Tjønnmyran 13. mai.

Så var det endelig klart for årets første tur for stavgang-gruppa. Vanligvis har vi vært i gang rundt 20. april, men pga. Coronarestriksjonene og full vinter i april ble starten noe utsatt.  Stavgang-komiteen måtte dessverre konstatere at Bitten og Kristian Ranes gjekk ut i år, og Brynhild og Svein Tjelle kom inn. Bitten og Kristian har lagt ned en stor innsats gjennom mange år, og vi takker for arbeidet de har lagt ned for gruppa. Når det er sagt er vi sikre på at Brynhild og Svein blir verdige arvtakere.

På Todalshytta fell brikkane på plass, ein etter ein, og no er menyen klar til å presenterast for publikum, fortel Arve Evensen som er vertskap på Todalshytta.  – Ein rask kikk på menykartet avslører at «Kammerpike Edits SPISERI», som restauranten kalles, har litt av kvart å by på.  Her finn du Ethelberts Ulendte, som er viltlasagne med lokal hjort,  eller Klepper Halles Landing, som er dagens ørret/laksefìlét.  Men du finn også mykje anna godt på menyen – både kjøtt, fisk og fugl.  Nedafor finn du heile menykartet….

Songteksta til Gluntan er stadig like aktuell – det er faktisk mykkjy som kjem fram når snøen forsvinn.  Leiar i Nordvik grendalag har tømt søppelsennen han samla mellom Svinvika og Nordvik, og viser at det er nyttig å samle søppel rundt vegkantane.  Nordvik Grrendalag hadde aksjon måndag kveld for å rydde til 17. mai og for å rydde vekk alt søppel som har vorte liggande i løpet av vinteren.

Fjellgruppa i pensjonistlaget opna årets sesong med tur frå Kallset og utover til Kvalnesvika i Bøfjorden. Vêrgudane varta opp med strålande solskin og varme i lufta, så det vart ein fin tur for dei totalt 32 som var med på turen. Så ein kan trygt seie det vart ein storfin start på årets sesong for fjellgruppa til Surnadal Pensjonistlag. 

Vi vaksinerer like mange som tidlegare, men med vaksineforsyningane vi får frå FHI no, vil det kun vere til dose 2 vi får vaksiner.  Dette betyr i praksis at det blir ein kortare pause i vidare innkalling til dose 1 i gruppe 4. Vi tek sikte på å kunne starte opp med innkalling til dose 1 for denne gruppa seinast i veke 22. FHi har varsla at det vil bli eit betydeleg løft i antal vaksinedoser inn til landet frå juni og utover. Mange kommunar heng litt etter no i mai, men ventetida er, trass i alt, snart over for dei fleste.

I går kveld var det dugnad i Toåa tursti. Mange hadde møtt opp for å hjelpe til, så alt som skulle gjerast vart ferdig på snaue halvannan time. Det vart køyrt på grus rundt gapahuken ved Båthølen. Det er no grusa opp, slik at det er lett å kome inn på platten ved gapahuken med rullestolar og barnevogner. 

Så vart det endeleg vår og varme med teppe av kvitsymre på bakken, grønskjær i bjørka og glitrande elv; – ein perfekt dag for kløvertur.

Leiar i Todalen sokneråd, Kristian H. Gjeldens, kan fortelje at vasskannene for å vatne på greftene på kyrkjegarden no er framsett. Alt anna hageutstyr som soknerådet eig, kan førebels ikkje nyttast på grunn av gjeldande smittevernreglar. Så slikt utstyr må ein difor ta med seg sjølv. 

No er det gjort utruleg lettvint å booke bord på Todalshytta.  Du kan no booke via PC, nettbrett eller telefon – enkelt og greit.  Etterpå får du bekrefta di bestilling pr e-post eller messenger. Enkelt og greit både for deg som er kunde og for oss på Todalshytta som tek i mot bestillinga.  Sjølvsagt kan du også bestille via telefon eller personleg frammøte – dersom du heller ønskejr det, seier Arve Evensen til Todalen.no.

Beitesesongen nærmar seg med stormskritt. Lia Gard vil i år, som i fjor, leige ut geiter for landskapspleie. Lia Gard har i år omlag 40 geiter for utleige. Geitene er perfekte for alle som ønskjer ein økonomisk og berekraftig metode for lanskapspleie. Lia gard tilbyr utleige av geit til kommunar, kraftselskap, idrettslag, hytteforeiningar, gardbrukarar, bedrifter og private som ønskjer å utføre landskapspleie.