Arkiv for mai, 2021

Onsdag var det montering og tilrigging av nye rotorklipparar på Onsdag var det montering og tilrigging av nye robotklipparar på Søya-bannen. I.L. Søya har investert rundt 120.000 i nytt og topp moderne utstyr som skal sørge for å klippe graset på fotballbanen.  Det er to klipparar med kapasitet på rundt 5000 m2 kvar som skal utføre jobben i sommar, fortel Kristian Ansnes, som er banekoordinator for baneanlegget og nestleiar i I.L. Søya.

Den som har trafikkert Dalavegen blir ikkje fortaft om det er både mange, store og djupe hol på vegen.  I dag trefte vi ein gjeng som har teke spaden i eigne hender og jobba med å fylle hola på eit stykkje av vegen forbi Vestrum og Talgø gard.  Det var kampsportlinja ved Normøre Folkehøgskule som hadde avtalt med Gunnar Bøe på kommunen at dei skulle fylle litt grus før vegskrapa skal i aksjon litt seinare.

Ingenting endrar seg så fort som fergerutene på rute 46: Kvanne – Rykkjem akkurat no. Frå i dag er det nok ein gong endringar i rutenetidene over Stangvikfjorden. Denne gongen som eit resultat av påtrykk frå Surnadal og Sunndal kommunar. No blir overfartstida redusert frå 18 minutt til 15 minutt, noko som gjev rom for fleire avgangar gjennom dagen.

For Per Åke Jakobsson og Torill Gjeldnes er det nok alt anna enn idyll no om dagen.  No i lamminga går det døgnet rundt og det har det gjort dei 2-3 siste vekene fortel Per Åke, som no ser lys i tunellen da det berre er 12-13 sauer att som skal lamme.  Men lamminga har gått rimeleg bra og med 170 lamsauer så blir det rundt 375 lam og dermed er det totalt rundt 550 dyr som etter kvart skal på fjellbeite i Sula- området.

Søndag ettermiddag fann Gudmund I. Kvendset denne, noko vi trur er ei sveiv til ein båthengar. Gudmund fann den i Sandstadkrysset på Kvennset søndag ettermiddag, så er det nokon som har køyrt gjennom Sandstadkrysset med båthengar i helga, kan det vere lurt å sjekke om dette kan vere sveiva di?

I kveld var det dugnad på kyrkjegarden ved Todalen kyrkje. Over 50 hadde møtt opp, så dugnaden vart unnagjort på ein stor time. Kyrkjegarden vart raka, kyrkja vaska utvendig og somme gravsteinar, som hadde blitt skeive på grunn av tælen gjennom vinteren, vart retta opp att. 

Det har vore mange besøk i Gammelvegen i helga – laurdag 1. mai opna  Stikk UT -sesongen med massevis av turforslag rundt omkring i hele fylket.  Men det her må vi berre seie ifrå, seier Bjørn Halle som er kårkaill i Nestua på Hjellnes og peikar på hundskitposen som ligg på vegkanten i traseen for Svinvikrunden. 

Først måndag i mai vart det Kløvertur i Gammelvegen. Veret var godt, det var godt oppmøte og det vart ein god turdag.

Todalen Båtforening inviteerer sine medlemmer til årsmøte tirsdag 18. mai kl 19:00, og det skjer på Gammelfabrikken i Brusetmarka.  På agendaen for årsmøtet står vanlige årsmøtesaker. Saker som ønskes behandlet på årsmøtet må meldes inn til styret v/formannen innen 10. mai 2021.

Måndag kveld hadde både Søya/Todalen J9/10 og G9 trening på Bordholmen stadion. Det er Jens Nervik og Ole Martin Øyen som er Trenarar for J9/10 laget, medan Jostein Kvendset er trenar for G9/10. Båe laga har hatt fleire treningar, og neste veke tek kampane til. 

I dag markerte Sparebank1 Nordvest og Surnadal Sparebank at dei går saman til ein ny storbank under namnet Sparebank1 Nordmøre.  I dag skjer altså den formelle og juridiske samanslåinga, medan den tekniske samanslåinga er litt meir komplisert på grunn av at bankane har forskjellige teknisk plattformer. Dette tek det litt lenger tid for å få til å gå i lag.

Fjellgruppa i pensjonistlaget er glad for å kunne invitere til tur att! Tysdag 11.mai går turen frå Kallset til Kvalnesvika. Alle som vil vere med møter på parkeringsplassen nedanfor Øye kyrkje klokka 10:00, for å organisere samkøyring til Kallset. Stien frå Kallset til Kvalnesvika går litt opp og ned, men er grei å gå, og fri for snø.