Vi fann 7176 artiklar i dette arkivet.
Surnadal Pensjonistlag skal ha medlemsmøte på sjukeheimen tysdag 22.1. kl 1500. Det blir som vanleg song og musikk, og vi får kåseri ved Bengt Eriksson, leiar i Kristiansund Pensjonistlag. Sjølvsagt blir det servering, loddsalg og triveleg samvær, skriv Surnadal pensjonistlag i ei pressemelding.
Indre Nordmøre forsvarsforening arrangerer prøve til skiskyttarmerket etter militært program på Toreseter. Det skjer førstkomande laurdag 19. januar 2019 kl. 13.00. Det er påmelding ved start. Programmet er 10 km langrenn med 10 skott liggjande på 100 meter avstand.
Hålkeføre med litt nysnø oppå skapte problem for skulebussen på tur oppover til Kårvatn måndag ettermiddag. Bussen hadde liten fart, så utforkjøringa var heilt udramatisk. Uhellet skjedde tett attmed utløpet frå Vassosvatnet, og det var berre ein passasjer om bord i bussen. Verken passasjer eller sjåfør kom til skade og bussen kom og godt frå uhellet.
På «søre luten» av Gran Canaria ligg det fleire turistbyar som kvart år har massevis besøk av massevis av norske turistar – trur faktisk det dreier seg om så mange som rundt 350 000 i året. Puerto Rico fristar mange, og her er mange prislister og plakatar på norsk i tillegg til andre språk. Når du høyrer folk snakkar på gata, så er det ofte norsk dei talar.
Mange av turistane har langtidsopphald her, og mange både korttids- og langtidsturistar er flinke til å trimme når dei er her. Eit populært mål for trimturar i området er sjølvsagt Norskeplassen – på 315 m.o.h. og ein stor times gange er den populært mål for trimmarar både frå Puerto Rico, Anfi og Arguineguin.
I januar er Torbjørn Brøske stasjonert i Arguineguin som prestevikar i rundt ein månad. Tidlegare har han og kona Rannveig gjort teneste her i 3 månader i 2015, og ein kortare periode i 2017 – da feira dei forresten jul her, og hadde deler av familien på julebesøk. Og det er slett ikkje nokon nybegynnar som tek teneste i Sjømannskyrkja på Gran Canaria, for Torbjørn har gjort teneste i til saman 14 år i Sjømannskyrkja på forskjellige plassar.
Det er berre å ringe rundt 11. januar i kalenderen og skrive «NB! Nyttårskonserten kl. 1900» inni sirkelen. Det har vore full sal på dei årlege nyttårskonsertane med TrondheimSolistene i Surnadal kulturhus. – Denne gongen blir sikkert ikkje noko unnatak, også av di at TrondheimSolistene har ein «lokal» komposisjon av Henning Sommerro på speleplana.
Røv Mølle bur seg på auke i kraftforleveransane og satsar på ein heilt ny ekvipasje for transport ut til kundane. Den nye bilen har ein lastekapasitet på 31 tonn, og bil og tilhengar er ei investering på godt og vel 3,0 mill.
Har du lyst til å prøve deg på litt sjakkspell, så har du sjansen 1. nyttårsdag når det blir nyttårssjakk i Kaffekroken på Halsbua – vi startar kl. 1500. – Da blir det uformell turnering men med garanti for at alle får minst to parti. Gjennomføringa blir tilpassa dei frammøtte. Kom og bli med!
Kristiansund og Nordmøre turistforening søkjer etter nye drivarar til Todalshytta for neste sesong. Todalshytta vart bygd i 1901 – i engelsktida – av Ethelbert Lorth Philips som på den tida dreiv med både jakt og laksefiske på Nordmøre. Etter krigen overtok KNT Todalshytta og har drive hytta både for eiga rekning og som utleie i denne perioden.
Talgø MøreTre sin elementfabrikk fikk ei dobling av omsetninga i 2018. – Det har sjølvsagt vore litt av ei utfording med ei slik auke – mykje jobb, men det det har vore artig. Det er Svein Løvik, Erling Talgø og Arve Ervik som fortel dette til Todalen.no etter at siste rest er fakturer og dei har fått oppsummert året og landa på ei omsetning på rundt 71 millioner – mot 38 mill. i 2017.
Onsdag trefte vi 6 mann med ein felles interesse og hobby. Dei 6 var samla hos ex-Jobus spellmann Jon Bjarne Husby i Jostua, og her høyrte du «Lørdagsvalsen» straks du kom ut av bilen. – Dei har ein felles interesse og hobby, men dei har stor geografisk spredning. To frå Todalen, to frå Lykkjebygda, ein frå Bæverfjord og ein frå Skålvikfjorden.
Prosjekt 17-koret sørga for å føre tradisjonen med julekonsert vidare i Todalskyrkja. Det var ei fantastisk oppleving å høyre korsongen, orgelmusikken og allsongen, og dersom du ikkje kom i julestemning med eit slik program så er du nok eit håplaust tilfelle.