Vi fann 194 artiklar i dette arkivet.
Til helga er det ordinær premiere på den nye filmen «Den første julen i Skomakergata», og Jens Petrus har denne gongen faktisk flytta inn i kulturhuset på Skei. Med hovudsakleg ispinner som bygningsmateriale står skomakarhuset utstilt i foajeen på Surnadal kulturhus.
Surnadal bibliotek inviterer til forfattartreff med Sverre Årnes måndag 13. november klokka 18:00, der han i samtale med Svein Sæter legg ut mest om det du ikkje visste om Sverres skriftlege sideprosjekt. Som alltid på biblioteket, er det fri inngang, og denne gongen takka vera arrangementstøtte frå «Den kulturelle spaserstokken» i Møre og Romsdal fylke.
Det blir vist mykje kvalitetsfilm på Surnadal kino dei neste par vekene. Her er det berre å «meske» seg med godbitar på kinoen! Det blir vist filmar både på dagtid og ettermiddag/kveld dei komande vekene. Her kan vi også sjå filmen BUNADSGERILJAEN, filmen om kvinnene som kjempa(r) for fødetilbodet, mellom anna i Kristiansund.
Denne veka er det som kjent haustferie, og på Surnadal kino har dei sett opp eit variert kinotilbod, som også inkluderer filmframsyningar på dagtid. Og her er det noko både for store og små!
Kulturavdelinga informerer om at Surnadal kommune gir prosjektstøtte til kulturtiltak. Dette er altså ikkje støtte til det ein reknar som vanleg driftskostnadar, som idrettslaga og andre lag får støtte til gjennom «kulturmidlane», men til enkeltprosjekt som er avgrensa i tid. Dei minner også om fristen for å foreslå kandidatar til fylkeskulturprisen.
Frå og med laurdag 16. september utvidar Surnadal bibliotek på kulturhuset opningstidene sine. Opningstidene for «meirope bibliotek» blir dei same som i dag, heiter det i ei pressemelding frå kulturavdelinga i kommunen.
Laurdag 16. september klokka 13:00 inviterer Surnadal bibliotek til festleg avslutting av «Sommarles», for alle som har vore med på årets utgåve. Klokka 14:00 blir alle, også dei som ikkje har vore med på «Sommarles» invitert til eventyrleg barneteater i Svorkasalen på kulturhuset.
Tysdag 5. september klokka 19:30 er det «strikkekino» på Surnadal kino. Så er du av dei som likar å strikka samstundes som du ser film, så er Surnadal kino rette plassen på tysdag. Da blir det dempa belysning, slik at ein også kan strikke, når dei viser filmen «Book Club – The Next Chapter».
Ein skal leite lenge etter større kontrastar enn Oppenheimer, «far» til atombomba, og Barbie. Men kritikarane ser ikkje den store forskjellen: begge filmane har fått svært gode kritikkar!
Sjølv om det er sommarferie, så er det mykje som går føre seg på kulturhuset. Der er det nemleg kunstutstilling, bibliotek og nokre forrykande filmar! Så finn du ikkje på noko anna å gjere no i sommarferien, så er det berre å ta turen innom kulturhuset.
Surnadal bibliotek har sidan 2019 arrangert «Litterært pusterom» på biblioteket på Skei. Som ein del av prosjektet «Ut av bibliotekrommet» vil biblioteket no tilby dette i andre delar av kommunen.
Surnadal kunstforening, i samarbeid med Vårsøghelga 2023, inviterer til kunstutstilling med årets festivalkunstnar, som er Nirmal Singh Dhunsi. Utstillinga vil vere i Finstuå på Surnadal kulturhus, og opnar torsdag 25. mai klokka 18:00.