Surnadal kulturhus Arkiv

Onsdag 9. november klokka 19:00, inviterer Litteraturhuset i Møre og Romsdal og Surnadal bibliotek til møte med den lidenskaplege Bob Dylan «nerden» Espen Aas, i kinosalen på Surnadal kulturhus. 

Teatret Vårt fyller femti år i år, og torsdag 3. november klokka 19:00, kjem dei til Surnadal kulturhus med forestillinga «Tvillingene». Det blir mykje moro når to sett med sjarmerende einegga tvillingar, spela av radarparet Nils Vogt og Kim Haugen, prøver å finne seg sjølv. Slik vi alle gjer.

Måndag 24. oktober klokka 19:00, på FN-dagen, kjem Halvor Tjønn til Surnadal kulturhus. Få, om nokon, veit meir om historia attom kampen ukrainarane no kjempar, enn Halvor Tjønn. 

Kanskje ei litt skremjande overskrift, men heldigvis er det berre Surnadal bibliotek, som torsdag 20. oktober klokka 13:00 inviterer til bokbad om Rinnanbanden. Henry Oliver Rinnan, bandeleiaren, og hans folk i Rinnanbanden, var av dei mest frykta og forhatte nordmennene under verdskrigen, gjennom si brutale og hensynslause verksemd i okkupanten si teneste.

To filmar frå 2. verdskrig dominerer kinolerretet i neste veke på Surnadal kino. Norske «Krigsseileren» har allereie vore vist nokre gongar, men det sig inn jamt med folk som vil sjå landets mest påkosta film. Filmen vil difor bli vist både på dagtid tysdag og torsdag, i tillegg til på kveld.

Tysdag 27. september klokka 19:00 kjem humorgruppa Kevli Rånes Bremseth til Surnadal kulturhus. Humorgruppa kan i 2022 feire at det har gått ti år siden dei hadde premiere på sitt første show. Sidan den gong har dei produsert og framført fem humormusikalske show som dei har reist rundt med i store deler av landet. No er dei igjen på vegen, denne gong med den etterlengta jubileumsforestillinga «Artighet varer lengst». 

«Krigsseileren» er eit storslått drama som fortel historia om dei over 30.000 norske krigsseglarane og deira familiar si skjebne under og etter andre verdskrig. Vi følger sjømannen Alfred, gift med Cecilia og nybakt trebarnsfar frå Bergen. Når andre verdskrig bryt ut, er han og barndomskameraten Sigbjørn på jobb på eit handelsskip midt ute i Atlanterhavet.

Laurdag 24. september klokka 15:00 opnar Surnadal kunstforening utstillinga Lauvfall 2022 i galleri Finstuå på Surnadal kulturhus. Det er 20 år sidan Surnadal kunstforening, for første gong, arrangerte denne juryerte haustutstillinga, og det er stor stas å kunne ønske kunstnarar og publikum velkommen til Lauvfall 2022, heiter det i pressemeldinga frå kunstforeninga.

Sigri V. Bøe og Hedda Hansen Berg skal ha konserterer i kulturhuset og Sagatun torsdag 22. september. Det blir meir som eit stunt, med ein kort konsert i foajeen på kulturhuset klokka 11:00 og i Sagatun grendahus kl. 13:00, og det er gratis inngang båe stadane!

Teatret Vårt kjem til Surnadal kulturhus tysdag 20. september klokka 18:00 med forestillinga «Menneske, maskin og magisk rabalder». Dette er ei framsyning som opprinneleg er produsert av Cirka Teater, men som Teatret Vårt no har co-produsert. 

Noko nytt, med noko meir gammalt, i Surnadal kulturhus denne hausten. Ein filmklubb skal vise filmar – gode filmar – som ikkje går på kinoane. Og gjerne filmar som har vunne seg ein rettmessig plass i filmhistoria, som tre av dei klubben sett opp i haust; «Casablanca», «Gjøkeredet» og nydelege «Cinema Paradiso». Eller nyare filmar som er på tur til å få tildelt ein slik plass, som oscarvinnaren frå i fjor «Nomadland».

I ei pressemelding frå Surnadal bibliotek, får vi opplyst at biblioteket på kulturhuset no utvidar opningstida, og at biblioteket no også vil vere ope på fredagane att. Det er også gjort endringar på opningstida på måndagar, ved at biblioteket no vil vere ope mellom klokka 14:00 – 18:00 på måndagane.