Arkiv for desember, 2023

Vi i redaksjonen ønskjer alle våre lesarar ei god og fredelag julehelg.  Sjølv om vi tek oss tid til litt julefeiring så vil vi halde eit auge med nyheitsbildet i nærmiljøet.

Bra at vi har veteranar som stiller opp på gudstenestene våre, sa Gudmund Husby , da han ønska velkomen til julegudsteneste i Todalen kyrkje.  Torbjørn Brøske var prest, Bernt Bøe var organist, Gudmund Husby var klokkar/tekstlesar og Marit Glærum kyrkjetenar – alle samme er pensjonistar og fortener litt applaus! 

Det ligg ein feil i rutesøket for rute 1061 Kvanne – Rykkjem for 24. desember (julaftan) og 25. desember (1. juledag) på fjord1.no og i reiseplanleggaren på frammr.no. Så skal du reise og må ta ferge ein av desse dagane, så må du sjekke rutetidene nedanfor, da det er desse rutetidene som gjeld, og ikkje dei du får opp under reiseplanleggaren.

Matkroken Todalen minner om opningstida i romjula- butikken er heilt stengt i to dagar – 1. juledag og 1. nyttårsdag.  Vanlege dagar i romjula er opningstida 10-16, medan 2. juledag har kioskope 16-18.  Avvikande opningstid har også 6. juledag da butikken stenger kl 13 for å gjøre unna vareteljinga resten av dagen. Nyttårsaften er butikken open 9-14. Drivstoffanlegget er ope heile døgnet heile jula for kortsal.

Spenninga er utløyst, og luke nr 24 er opna – attafor denne luka fann vi heile 6 gevinstar som er trekt ut på julaftan.  Den første gevinsten er det faktisk Kristian Gjeldnes som har vunne, og det er ein flott trebolle som er lokalt handverk av beste slag.  

Ordførar Hugo Pedersen i Surnadal kommune, ønsker alle god jul og godt nytt år, med desse orda: – Eg vil med dette ønske alle i Surnadal kommune ei god jul og eit godt nytt år. 

To dagar på rad med travel start på dagen for Todalen Mjølk.  I dag har dei hatt 3 traktorar ute på brøyting og da har det gått i eitt utover morgonen, fortel Ståle Ansnes i Todalen Mjølk.  Dei har ansvaret for brøyting etter fylkesvegane frå Hauahyllå og innover til Todalen og rundt bygda.  I tilleg har dei brøyting på kommunevegane til Ansneset og til Kårvatn – i tillegg til mange private vegar. 

3. juledag er det klart for den tradisjonelle Romjulsmarsjen – med Todalen IL trimgruppa som arrangør.  Som vanleg inviterer Trimgruppa på ein spasertur rundt bygda – 6 kilometer storrundt om Kvennset og med gløggstasjon og registrering på Bruset.  Start mellom kl 12:00 og kl 15:00.  

Vi nærmar oss finalen i årets trekning av Julekalenderen.  Attafor luke nr 23 ligg det også 4 gevinstar som er klare for å glede nye eigarar.  Trekninga viser at den første gevinsten som er ein genser får Emil Mikal Kjersem som ny eigar. 

Snøfallet på morgonkvisten kom akkurat i rett tid for å få preparert lysløypa til jul.   Ståle Ansnes har køyrt på nye spor, og rapporterer om prima forhold for den som vil prøve seg på «bortover-ski».

Dei siste åra har det vorte ein tradisjon at Idrettslaget Søya sitt medlemsblan, Søyaposten ligg i postkassen ein av dei siste dagane før jul. Så også i år, og den 53. årgangen av Søyaposten er no levert i postkassane i «Søyaland». I redaksjonen for Søyaposten 2023 har Theodor Glærum, Marit Haugen, Bergsvein Brøske, Geir Forbregd og Kristin Grønnes vore med. 

Fredag er det luke 22 som rår – 4 nye gevinstar er trekt ut, og dermed er 4 vinnarar på plass.  Den første gevinsten i dag er ein stikkahals i ull.  Den hamnar hos Liv Jorunn Moe i Bekkerhagan.