Arkiv for august, 2022

Sommaren 2022 har vore våt og kald, men endeleg vart det ein finversdag. Det syntest vertinnene i Svinviks arboret var riktig så bra!

Nordmøre gatebilklubb skulle egentleg avvikle sitt arrangement i Røtet laurdag, men håplaus vêrmelding gjorde at dei bestemte seg for å utsette arrangementet til søndag. Det vart ein ubetinga suksess, for søndag var det mellom 1500- 2000 som besøkte gatebilarrangementet – kanskje var det enda fleire.

Laurdag 13. august klokka 10 inviterer Stangvik Historielag til tur til Steinløa, som ligg på Østbødalssida av Svarrafjellet. Guide blir Bjarne Holten, som har vore pådrivar for det store restaureringsarbeidet, som ein dugnadsgjeng frå historielaget har utført med løa. Løa er så vidt dei veit den einaste løa bygd av stein i Surnadal kommune, og i Steinslettet var det slått til kring 1900.

Gløym ikkje å stemme fram din favoritt til å bli månadens bilete i juli! Kåringa vert avslutta ved midnatt søndag 7. august.

Olav Halle har funne eitt par svarte Airpods i ballbingen ved Todalen Oppvekstsenter. Om dette er dine Airpods, kan du ta kontakt med Olav Halle på telefon 913 81 461, så får du dei att. 

No startar billettsalget! Ønsker du å sikre deg billettar til konserten med Espen Lind på Leikarvollen Scene 05. november har du moglegheita frå kl.09 i dag! (fredag). Klikk deg inn på Tikkio og sikre deg billettar no til årets konserthappening!

Søndag 7. august er siste ordinære opningsdag i Svinviks arboret denne sommaren. Arboretet oppfordrar difor til å turen innom i løpet av helga, for eit besøk i hagen, og for å sjå på fotoutstillinga til fotograf Jörg Brunke – eller berre nyte ei triveleg stund i kafeen, med utsikt over den frodige hagen.

I går vart det montert ny elektronisk dørlås på ytterdøra ved Hett & Svett. Samtidig vart det delt ut elektroniske kodebrikkar til dei medlemmene, over 16 år, som møtte opp ved Hett & Svett. Frå etter helga, må ein ha kodebrikke for å kunne nytte treningstilbodet ved Hett & Svett. Todalen Idrettslag ventar på ny forsyning med kodebrikkar, slik at alle medlemmer, over 16 år, og som ønsker det, kan få slike. 

I kveld gjekk ein stor gjeng frå Taekwon-Do leiren i Surnadal til Storhaugen for å få litt avveksling og som eit slags trivselstiltak. Frå Kjell Gunnar Polden har vi fått eit flott samlebilde av gruppa på toppen av Storhaugen

Fjellgruppa i Surnadal Pensjonistlag startar haustsesongen med rundtur i Bæverdalen tysdag 9. august. Turen går opp frå Saga til Amtlihammaren og Bæverfjordsetra, og ned att til Saga 

Tysdag 2. august blir det montert elektronisk dørlås på Hett & Svett. Dette inneber at ein, frå og med torsdag 4. august, må ha kodebrikke for å kunne trene på Hett & Svett. Alle medlemmer i Todalen Idrettslag, over 16 år, og som ønsker å nytte seg av treningstilbodet på Hett & Svett, må difor ordne seg med kodebrikke. 

Veke 31 står i kunstens teikn i Surnadal. Da står kunsten nemleg i sentrum i Surnadal. I tillegg til lokale kunstnarar, så kjem desse kunstnarane til Surnadal; Jeremy Welsh, Anne Karin Furnunes, Hilde Tørdal, Bård Tørdal, Tine Aamodt, Ingunn Brevold, Anna Carin Hedberg, Ebba Moi, Annika Simonsson, Lars Erik Svensson, Cecilie Nissen og Alexander Rishaug.