Vi fann 100 artiklar i dette arkivet.
Vêrgudane spela slett ikkje på lag med Surnadal demensforening og helselag da dei arrangerte hjertemarsj i Toåa turstitysdag kveld. Eit kvarter før marsjen starta kom regnet og om litt så sette det i gang med lyn og torevêr utan like – og regnet varte ved heilt til marsjen var ferdig og premieutdelinga var i mål
I morgon, 1. juni, arrangerer Svinviks arboret «lunsjvandring» i arboretet. Oppmøte ved kafeen klokka 12:00, for den som vil delta på ei halvtimes vandring i lag med fagansvarleg i Svinviks arboret, Katarina Wedelsback Bladh. Dette kan godt kombinere med eit besøk i kafeen før eller etter vandringa.
I morgon er det den 1. juni, og dermed første sommardag. Også i år vil Frivilligsentralen i Surnadal invitere barn og unge til ulike sommeraktivitetar. Nedanfor finn du ein oversikt over planlagte aktivitetar og lenker for påmelding og meir informasjon:
Endeleg vart det sol, varme og Kløvertur i godver. Siste måndagen i mai gjekk turen frå Svinvika og oppover Gammelvegen til Kammen; ei riktig så fin turrute.
Torsdag 2. juni klokka 11:00 går Stavganggruppa i Surnadal Pensjonistlag sin tur til Todalen for å gå langs Toåa. Parkering på Bruset. Derifrå går turen oppover langs Toåa til hengebrua i Brusetmarka.
Tysdag 31. mai står Surnadal demensforening og helselag som arrangør av årets hjertemarsj i Toåa tursti. Vi er litt forsinka i forhold til det nasjonalforeningens tidsrom for hjarteveka, men det har ikkje noko å seie, seier leiar i foreninga Liv Botten. Tysdag kveld er vi klare til å køyre i gang, og da blir det stor aktivitet i turstien, sier Botten
Det var bra frammøte og stor interesse for framtida til skulebygget i Todalen. Det var Surnadal kommune som inviterte bygdefolket i Todalen til «ide-møte» med tanke på kva som skal skje med skulebygget først og fremst og kanskje seinare også skjebnen til barnehagebygget. Skulen vart som kjent lagt ned etter at skuleåret var slutt i 2021, medan barnehagen vart midlertidig stengt frå same tid. Barnehagen er ikkje nedlagt, og kan søkjast på inntil 2024 og kan bli starta opp igjen dersom det blir nok søkjarar
Også i år har Surnadal Jeger og Fiskerforening fått invitasjon frå Ellinor Fugelsnes til ein dag med opplæring i laksefiske i Advokaten. Dette skjer laurdag 11. juni frå klokka 14:00 – 20:00. Da stiller Surnadal JFF med instruktørar og utstyr, mat og drikke, og alt dette er gratis for deltakarane.
Fredag 3. juni, mellom kl. 12:00 – 17:00, er det ope bakeriutsal hos Lia gard. Her er det mogleg å få kjøpt både fleire sortar med grovbakst, og ikkje minst ein godbit for å kose seg med i pinsehelga.
Det ha vårre ein kjølin kveld – har ikkje noko meir å sei, sa Henning Sommero da han takka for hyllesten og applausen som vart han til del etter kveldens program. Kvelden starta med hans første komposisjon «Vals til mor» som han komponerte i 15-årsalderen og runda av kvelden med at Henning framførte «Kultursjå». Trygve Brøske og Jostein Ansnes var kveldens konfreransierar og batt sammen kvelden på ein framifrå måte.
Surnadal kommune ønskjer ein dialog med lokalbefolkninga i Todalen om framtid bruk av barnehage- og skulebygget, og inviterer difor til møte for å få positive innspel og gode idear frå bygdefolket.
Møtet skjer måndag 30. mai kl 19:00 i gymsalen i skulebygget i Todalen. Frå Surnadal kommune kjem ordførar og kommunedirektør, og truleg 1-2 personar til frå administrasjonen. I tillegg er formannskapet invitert til møtet
I samband med Kleivakvelden er det lang tradisjon for at Kleivafondet deler ut Kleivaprisen. Det var sjølvsagt knytt stor spenning til kven som skulle få Kleivaprisen. Det er styret i Kleivafondet (Formannskapet) som tek den avgjerda etter innkomne forslag, og onsdag vart det altså bestemt at Sigrid Vetleseter Bøe skulle få prisen. Det var for klart […]