Foto: Jo Gjeldnes
Hopp under nyhetssakene

Arkiv for mai, 2022

Vi fann 100 artiklar i dette arkivet.


Felles middag onsdag 25. mai

Bjørn Gunnar Ansnes Torsdag 19. mai 2022

Onsdag 25. mai inviterer kyrkja i Surnadal igjen alle til felles middag på kyrkjelydshuset på Skei. Da blir det servert middag og ettermiddagskaffi/te til alle i alle aldrar. Serveringa er i tidsrommet frå klokka 16:00 – 16:45, men dørene opnar klokka 15:30. Det heile blir avslutta med ei kort samling klokka 17:00. 


Finvêrstur til Storsetra

Bjørn Gunnar Ansnes Onsdag 18. mai 2022

I dag hadde Fjellgruppa i Surnadal Pensjonistlag tur til Storsetra i Stangvik, og det vart ein skikkeleg finvêrstur, seier rapportane frå turen. – Vi var litt spent på oppmøtet 18.mai, men pensjonistane våre har nok vore ute ein slik dag før, fortel Kristian Ranes i Fjellgruppa. 


Søya/Todalen J11 – Surnadal

Bjørn Gunnar Ansnes Onsdag 18. mai 2022

I kveld var det lokaloppgjer mellom Søya/Todalen sitt J11 lag og Surnadal på Bordholmen stadion. Ulikt mange lokaloppgjer, så vart dette eit lokaloppgjer med mykje godt spel og mange scoringar.  Første omgang var i starten jamspelt, med mykje godt spel, frå båe lag. Utover i omgangen overtok heimelaget meir og meir av banespelet. Dette resulterte […]


Fin nasjonaldagsfeiring med mykje folk i fint vårvêr

Bjørn Gunnar Ansnes Tysdag 17. mai 2022

I tradisjonen tru, så vart siste del av 17. maifeiringa i Todalen innleia med gudsteneste i Todalen kyrkje. Liturg Cathrine Grutle heldt festgudstenesta på nasjonaldagen, medan årets konfirmantar, Nora M. Kårvatn og Shan Allan Halle, las frå dagens tekst. Bernt G. Bøe var organist, og han spela også piano da P17-koret song til slutt under gudstenesta.


Med heile bygda til frukost på Bordholmen

Jon Olav Ørsal Tysdag 17. mai 2022

PÅ grunnlovsdagen inviterte Todalen Idrettslag alle sambygdingar og andre interesserte til frukost på Bordholmen. Og mange tok nok mot invitasjonen og på det meste vart det nok godt over hundre til bords på «uterestauranten» framfor klubbhuset. Leiar i Todalen I.L., Elinor Bolme, tykte det var stor stas med det fine vêret og alt folket hun hadde til bords i formiddagstimane på grunnlovsdagen


Tradisjonelt biltog – til Brusetmarka og rundt bygda

Jon Olav Ørsal Tysdag 17. mai 2022

Todalen har kanskje verdens eldste biltog i samband med feiringa av grunnlovsdagen – heilt sia 1950-talet har det vore tradisjon med biltog – eller skrommeltog som det vart kalla i gamle dagar. Årets biltog hadde 58 kjørty som deltakarar, og det er ein liten nedgang sia fjorårets biltog. Om det er drivstoffprisane som er årsak til det veit vi ikkje, men den kan og være Todalen.no aprilspøk om at berre elbilar fekk delta i biltoget i år


Program for 17. maifeiringa i Todalen

Jon Olav Ørsal Tysdag 17. mai 2022

Det detaljerte programmet for feiringa av nasjonaldagen er for lengst klart, og plakatar er komne på veggen rundt omkring i bygda. Programmet er stor sett likt tidlagare år, bortsett frå små justeringar av tidspunkt for aktivitetane. Dagen startar som vanleg med biltog rundt bygda, med start kl 10 frå Matkroken. Etterpå er det frukost på programmet kl 11, og det skjer på Bordholmen i regi av Todalen Idrettslag


Torsdag går stavgangturen til Åsskard

Jon Olav Ørsal Måndag 16. mai 2022

Torsdag 19. mai inviterer Surnadal pensjonistlags stavganggruppe til tur på Åsskard.  Parkering på parkeringsplassen nedafor kyrkja. Oppmøte til vanleg tid kl 11:00.  Hugs å ta med termosen med kaffe – og stolar til kaffepausen etterpå.    


Premiere for ny terrasse og uteservering

Jon Olav Ørsal Måndag 16. mai 2022

Jammen vart den nye terrassen på Todalshytta ferdig i dag, og derme man den takast i bruk alt på 17. mai dersom vêr og temperatur held seg innafor komfortsona. Som vi har skrive tidlegare vil det bli servert 3-retters 17.-maimeny på Todalshytta på grunnlovsdagen.


Våryre sprell med 6.-klassingane som tilskuarar

Jon Olav Ørsal Måndag 16. mai 2022

Måndag føremiddag var 6.-klassingane på Todalen og Stangvik oppv3ekstsenter på todalstur – nærare bestemt i Austistua på Hala – det det var annonsert kuslepp. 42 våryre kyr og kviger vart slepte ut i sola og finvêret. Det var nok litt av eit sjokk, for vi fekk oppleve mange kåte sprell, og det var nok ikkje alle som var så spreke som dei trudde – litt stivt og sterve må ein rekne med etter eit halvår innendørs.


Ope bakeriutsal hos Lia gard

Bjørn Gunnar Ansnes Måndag 16. mai 2022

Fredag 20. mai, mellom kl. 12:00 – 17:00, er det ope bakeriutsal hos Lia gard. Her er det mogleg å få kjøpt både fleire sortar med grovbakst, og ikkje minst ein godbit til helgakosen. 


17. mai på Todalshytta: 3-retters meny på nasjonaldagen

Jon Olav Ørsal Sundag 15. mai 2022

Todalshytta ønsker velkommen til 3-retters middag i restauranten på 17. mai. Etter mange forespørsler åpner vi restauranten for servering kl. 14:00 til kl. 18:00, og byr på 3 retters 17. mai-meny