Arkiv for mai, 2022

Tysdag inviterte omsorgsberedskapsgruppa i Todalen sanitetsforening alle godt vaksne sambygdingar til lunch, og jammen samla dei eit stort trettital rundt lunchbordet i Sanitetshuset. Dette er ei påskjønning og tildeling av velferdsmidlar frå NKS sentralt, og er tenkt for at eldre skal kome seg ut og være sosiale. Eller rett og slett for å sjå andre ansikt enn ein ser til dagleg, som Maren sa da ho ønska gjestane velkomne til bords til eit hyggeleg måltid

No når varmen kjem er det ei travel tid for Arild Mogstad på Eiksentret i Surnadal. Da er det både sal og montering av nye kløpparar, og utplassering av kløpparar som har vore inne på «plenklipparhotel» i vinter for lagring og vedlikehald

Onsdag 25. mai klokka 11:00 inviterer Stavganggruppa i Surnadal Pensjonistlag til stavgang i Svinvikrunden. Etterpå blir det kaffe i Svinviks arboret, der blomstringa no er godt i gang. 

Surnadal JFF arrangerer aversjonskurs torsdag 9.juni og repetisjon 16.juni kl. 18.00 begge kveldane på Langhaugen hjå Bjarte Morten Røen. Tilbudet om aversjonsdressur er ope også for hundar som ikkje er definerte som jakthundar. Erfaringar dei seinare år viser at det svært ofte er hundar av desse rasene som er involverte i hendingar der sauer blir skada, jaga eller drepne. Alle hundar har jaktinnstinkt

Onsdag 25. mai er det møte i Hovudutval for miljø, areal og teknikk. Da kjem saka om Øyabrua opp til behandling. Denne saka har versert i komunale kanalar heilt sia desember i 2017, uten at det er avgjort kva som skal skje vidare. Ei ny bru over Toåa ved Øyabrua er kostnadsrekna til 14,75 mill. Dersom vi skal bevara Øyabrua så er det kanskje på tide at vi tek til orde for at det skal skje – og det må vi gjera fort, ettersom dette kan bli avgjort alt på onsdag.

Todalen sanitetsforening inviterer til kløvertur måndag 23. mai. Start frå Matkroken Hals kl. 11:00. Blir du med?

Fredag 20. mai var første opningsdag for Svinviks Arboret i – alt første opningshelga er det venta eit bra innrykk med folk som vi ha med seg rododendronblomstringa i arboretet. Blomstringa er alt i gang, men det kalde vårvêret som har vore har gjort at blomstringa langt i frå har nådd toppen enno. Men kjem varmen for fullt no, så vil det nok sette fortgang på blomstringa, seier Katarina Wedelsbäck Bladh, som er fagleg ansvarleg i Svinviks Arboret

Tysdag 24. mai kl 13 er du invitert til lunch, dersom du er godt vaksen, og har lyst! Det er Todalen sanitetsforenings beredskapsgruppe som inviterer, og dei byr på gratis og god mat skriv Saniteten i si innbyding. Det er inga påmelding til lunchen som foregår i Sanitetshuset på Kvennset

Laurdag 28. mai klokka 12:00 inviterer Vårsøghelga til landering av det nye opplaget av diktsamlinga «Å vera her». Dette skjer på biblioteket på kulturhuset i samband med Vårsøghelga. Randi Skrøvset Hatle og Sverre Hatle gav ut denne diktsamlinga i 2011. Diktsamlinga har vore utselt ei god stund, så difor har Surnadal Heimbygdlag no fått trykt opp eit nytt opplag av diktsamlinga

Det pågår akkurat no vasking av tunnelveggane i Svinviktunnelen. Dette medfører manuell dirigering, noko som kan innebere at ein må vente litt før ein får sleppe igjennom tunnelen. Det er difor greit å rekne med litt ekstra tid i dag, dersom ein skal ut av bygda i dag og har ein timeavtale eller skal nå ei ferge. 

Tysdag 24. mai inviterer, Fjellgruppa i Surnadal Pensjonistlag, til ny tur, og denne gongen til Storhaugen i Todalen. Oppmøte på parkeringsplassen nedanfor Øye kyrkje klokka 10:30, for samkøyring til Todalen og parkering ved Todalshytta. Dei som bur slik at det er raskare å køyre direkte, gjer det! 

Stavgangruppa i Surnadal Pensjonistlag, hadde i dag tur til Åsskard. Det var fint turvêr, så det vart ein fin tur med mykje fuglesong å høyre og fin natur å sjå på.