Arkiv for februar, 2021

Todalen sanitetsforening inviterer til kløvertur måndag 1. mars.  Oppmøte ved Hals/Matkroken og start derifrå kl. 11:00.

Nokre regnbyger innimellom spreidde solgløtt skremte ikkje folk bort frå triveleg grillparty utafor butikken på Matkroken Todalen.  Coop er ein av dei store sponsorane for VM i Oberstdoft, og dette markerer Coop i sine butikkar no i VM-veka.  Og Matkroken som er Coop-butikk i Todalen er ikkje noko unntak.

No klokka 15:30 kunne Håvard Halset frå Halset Vasslag informere om at alle abonnentane har fått att vatnet. Røyrbrotet på Todalsøra var ferdig reparert i 15-tida. 

I eit presseskriv frå Laget Vårsøg no i dag, blir vi informert om at Ole Magne Ansnes blir ny styreleiar i Laget Vårsøg. Ole Magne overtek som styreleiar etter Rune Dalager, som har vore styreleiar det siste året. Ole Magne vart valt til leiar på laget sitt årsmøte onsdag kveld.  

Eit godt, men spesielt årsmøte – det kan ein ein trygt seie om årsmøtet som Todalen sanitetsforening arrangerte torsdag 25. februar

Fredag pakkar Erik Kårvatn kofferten og dreg til Andorra i Spania på VM i randoneé.  Han er ein av fem som skiforbundet har teke ut til juniorlandslaget.  To har meldt forfall, og dermed er dei tre som fredag setter seg på flyet til Barcelona. I tillegg er faren Gudmund Kårvatn med som lagleiar for juniorane på ein VM-tur som varer frå fredag til neste søndag – altså i overkant av ei veke

I samband med at COOP er stor sponsor av VM på ski i Oberstdorf i Tyskland, er det no «Jubeldagar» i COOP-butikkane. Det blir markert med mange flagg og plakatar i og utanfor butikkane. I samband med dette, slår Matkroken Todalen, til med grilling av «VM-pølser» laurdag 27.februar mellom klokka 11:00 – 15:00. 

Halset Vasslag sine abonnentar på Todalsøra har vore utan vatn sidan tysdag kveld på grunn av eit røyrbrot. No i ettermiddag vart røyrbrotet lokalisert. Det er eit gamalt jarnrøyr som har sprukke og må skiftast ut. Dette arbeidet må gjerast på fjærande sjø, så arbeidet kan først ta til i morgon rundt klokka 13:00. Håvard Halset i Halset Vasslag reknar med at alle abonnentane som er råka av røyrbrotet på Todalsøra, vil ha vatn i kranane att ut på ettermiddagen fredag. 

På Nordmøre Folkehøgskule er det ei gruppe som har avspenning som valfag.  I dag har heile gruppe på 13-14 personar vore i Todalen for å spenne ned å gjera seg litt kjent med Todalen og kva bygda har å by på, fortel Kjell Gunnar Polden som er er læraren deira, og kjentmann på turen. 

I går kveld var det arrangerte Barne- og ungdomsgruppa i Todalen Idrettslag «Barn i løypa» i lysløypa på Tjønnmyra. Vinterferien gjorde nok sitt til at frammøtet var litt mindre enn det som har vore «normalt», så langt i sesongen. Men dei som hadde møtt fram kunne kose seg i nypreparerte og fine løyper. 

Fjord1 meldte i dag tidleg om at rute 46 hadde tekniske problem og var innstilt inntil vidare.  Kl 05.52 meldes det om normal drift på strekninga igjen. 

No er det tid for ein ny runde med fotpleie i Todalen sanitetshus. Fotterapeut Pan Promchart Hoset kjem måndag 8. mars og tysdag 9. mars.  Det er mange ledige timar båe desse to dagane. Påmelding til Marit Sanden Søyset på telefon 980 36 391. Marit og Pan set pris på at folk melder seg på så […]