Arkiv for februar, 2021

«Organisten vår», Ronny Kjøsen er ein av fire nominerte til Spellemannsprisen i klassen Folkemusikk/tradisjonsmusikk for 2020. Spellemannsprisane for 2020 blir delt ut under eit TV-sendt (NRK) musikkshow fredag 16.april. Kjøsen er nominert for CD-en BoneBohem som han gav ut i 2020. Tittelen på CD-ymtar om at Kjøsen i mange år har vore mjølkebonde. Kjøsen er i dag busett på Rindalsskogen og er organist i Todalen, Stangvik og Åsskard sokn. 

Todalen sanitetsforening inviterer til ny sesong med kløverturar. Årets første turdag blir måndag 15. februar. Oppmøte ved Hals/Matkroken og start derifrå kl. 11:00.

I dag var det stor aktivitet på skeiseisen på Bordholmen i «mildvèret», ja mildvèr samanlikna med temperaturen som har vore dei siste vekene vel og merke! Men ikkje for det, aktivitetet har vore stor heile tida, sjølv om gradestokken har vist ned mot -15-18 grader i lang tid. Todalen Idrettslag si Barne- og ungdomsgruppe gjer ein kjempeinnsats for å halde skeiseisen på Bordholmen stadion i tipp-topp stand. 

I dag vil alle som har TV via Svorka sitt kabel-TV nett, i Surnadal kommune, få ei tekstmelding. Her blir vi informert om at Svorka skiftar frå Telenor til Telia som TV-leverandør dei neste fem åra. I tekstmeldinga blir vi og informert om at vi i samband med denne omlegginga vil få tilsendt ny dekodar mot slutten av neste veke. Dette gjeld for alle kabel-TV kundar i Surnadal kommune.  

ei pressemelding frå Surnadal kommune no i kveld får vi ei oppdatering om lokale smitteverntiltak i samband med at den smittsame virusvarianten frå Storbritannia er påvist i Trondheim. Det dreier seg om påviste spreidde utbrot ved fleire handelssenter i Trondheim.  

På nettsidene til Surnadal kommune kan vi i dag lese at det blir ei forsiktig gjenopning av Surnadal svømmehall på tysdag- og torsdagskveldar, så da blir det mogleg å ta seg eit varmt bad i vinterkulda. Opningstida er 17:00 – 18:30 og 19:00 – 20:00 båe dagane. På grunn av smitteverntiltaka i samband med koronasituasjonen må ein bestille tid på førehand. 

Surnadal kino kan skilte med ein norgespremiere og ein oppfølgar. Premierefilmen er «The Marksman», som er ein film om ein ung meksikansk mann som er på flukt frå kartellmordarar. Filmen har norgespremiere 12.februar. Oppfølgarfilmen er filmen «Lassie kommer hjem». Her blir Collien Lassie og eigaren Fredrik på 12 år, foreina att, etter at dei ufrivillig har vore fråkvarandre ei stund. 

I sommar får vi gjenhør med musikaraen Asle Beck. Nærare bestemt så skjer det laurdag 5. juni når han entrar scena på Todalshytta igjen. Da er det temmeleg nøyaktig 5 år sia sist vi hadde besøk av Asle, som i 2016 hadde konsert her saman med kompisen Gunnar Westlie.   – Ja, tida går fort, gitt, seier Asle når vi konfronterer han med at det er 5 år sia sist. 

Vinterferien nærmar seg med stormskritt, og i samband med ferieavviklinga ønskjer Surnadal kommune å gje gode råd for korleis både tilreisande og fastbuande skal takle vinterferien.  Bla vidare og les pressemeldinga frå Surnadal kommune som vi har lagt ut nedafor…

Det siste 10-åra har rovdyra stadig kome meir i fokus for beitenæringa. Spesielt har sauebøndene vore hard ramma, og er påført store tap.  Enkelte år er det faktisk enkelt som har opplevd katastofale tap på rundt 30 prosent og kanskje meir. Her i Todalen er det mange som rett og slett har lagt ned sauedrifta på grunn av store tap og at det ikkje har vore muleg å sette inn tiltak for å løyse problema som jerven nok har fått det meste av skylda for – men gaupa er nok medskuldig. 

Tysdag ettermiddag var det konfirmantundervisning med filmopptak i Todalen kyrkje. Til vanleg har konfirmantane i Todalen og Stangvik sokn konfirmantundervisning kvar for seg, men denne gongen hadde dei felles undervisning. Bakgrunnen for dette var at det skulle gjerast filmopptak av ei «mini» gudsteneste der konfirmantane skulle delta. Gudstenesta kan du sjå frå klokka 11:00 søndag 21.februar. Vi vil her på Todalen.no legge ut link til gudstenesta klokka 10:45 søndag den 21.februar. 

Atter en gong har vi vore så heldige å få bilete og tekst frå scannerpatruljen i Todalen Historielag, denne gongen er det fleire bilete av bryllaup i bygda.