I dag var det stor aktivitet på skeiseisen på Bordholmen i «mildvèret», ja mildvèr samanlikna med temperaturen som har vore dei siste vekene vel og merke! Men ikkje for det, aktivitetet har vore stor heile tida, sjølv om gradestokken har vist ned mot -15-18 grader i lang tid. Todalen Idrettslag si Barne- og ungdomsgruppe gjer ein kjempeinnsats for å halde skeiseisen på Bordholmen stadion i tipp-topp stand.
Det er no og laga curlingbane på skeiseisen som ungane fekk prøve. Det var ein populær aktivitet.
I tillegg til fine skiløyper i lysløypa på Tjønnmyra har Todalen Idrettslag sitt driftsstyre – vinteranlegg òg køyrt opp skispor både i Toåa tursti og fleire andre plassar i nerbygda. Rundt Bordholmen stadion er det og laga skispor.
Så her er det mange alternativ for aktivitetar i det fine vintervèret. Under finn du nokre bilete frå dagens aktivitet på Bordholmen.
