Vi fann 7003 artiklar i dette arkivet.
Det var nok mange som var spent på kva som kom til å skje på «verfronten» utover kvelden og natta i går. Det var meldt ekstremvêr på orange nivå for distriktet her, men vi har nok så langt sluppet unna det verste regnvêret. Som meldt er det Østlandet som har fått det meste, og «Hans» har nok feid over landet lenger sør enn kva som var meldt frå YR.NO.
I alle media informeres det om ekstremvêret «hans» er på veg over Sør-Noreg. Det er ekstreme mengder med regn som er venta og det er stor fare både for flaum og jord/steinras. For Surnadal kommune er det orange ekstremfare.
Aron Rodal Haugen kom i mål på nest beste tid under VM i Skyrun i Gran Sasso i Italia. Litt av ein prestasjon etter 13,9 km i den i den krevjande løypa og med 27 deltakarar i klasse A, som er yngste klasse. Søndag er siste VM-dag i Gran Sasso, og Erik Kårvatn som er den andre VM-deltakaren frå Trollheimen Fjellsportklubb deltek i klasse C, og han kom på ein 12.-plass i den 21,6 km lange løypa i hans klasse.
Saman med det norske landslaget er Aron Rodal og Erik Kårvatn på plass for å delta i VM i Skyrunning. VM arrangerast i Gran Sasso i Italia i perioden 4.-6. august, og her er det deltakarar frå 31 land.
Frå 16. august blir det fleire ferjestrekningar som blir gratis for trafikkantane – mellom anna ferja til Smøla som går frå Sandvika til Edøya. Tidlegare er ferja mellom Hendset og Arasvika gratis, medan du framleis må betale for ferja mellom Seivika og Tømmervåg. Men kjem du altså frå «indre» så er ferjeturane gratis til Smøla – og har du ikkje vore på Smøla så er det så absolutt verdt å ta turen.
Vi har ryktesvis høyrt at det skal startes arbeid med renovering av kjøkken i Forsamlingshuset på Nordvik. I dag stoppa vi for å sjå kva som foregikk, og da trefte vi Palmer Vikan som var i ferd med å rive ut gamal kjøkkeninnreiing. Men han fortalte at arbeidet berre var i startfasa, og at han måtte demontere eit sak for at elektrikaren skulle få kome til for å koble frå noko utstyr.
Onsdag var Per Ørsal på moltetur i området ved Snekkardalshalsen, og der rett i lyngen utafor stien fann han denne hundselen som nokon hadde mista. Den låg litt nedafor stien som går frå Snekkardalshalsen og innover Snøfjellet i retning Midtryggen/Bjøråskaret. Per tok den med ned, og søker no etter eigaren, og har lagt den inn på Matkroken i Todalen etter som han bur i Molde.
I ei pressemelding frå Todalen Meieri blir det informert om at selskapet er i forhandlingar med Surnadal kommune om å overta bygningsmassen til Todalen skule. Plana vidare er å etablere verksemda til Todalen Meieri der. Dei har lege i startgropa for å etablere meieriverksemda i eigne lokalar heime i Utigarden på Kvennset – no kan planane bli endra. Lokala til Todalen skule har stått tomme sia skulen vart nedlagt i 2021.
Tida etteer raset i 2013 vart det lagt ut mange nyheitssaker her på Todalen.no. Sakene ligg framleis på Todalen.no i arkivet for juli og august 2013, og kan hentast fram i dagen dersom du har lyst til å friske oppatt det som skjedde på den tida. Vi har lagt alle linkane på denne sida for å gjera det enkelt for deg som lesar – attafor linken ligg datoen da sakene vart lagt ut og denne høyrer sjølvsagt ikkje til linken.
På denne datoen i 2013 gjekk det store raset uti Stranda. Det tok med seg både straumnettet, vegen og mykje skog – og dermed var bygda totalt isolert frå omverda nokre dagar. Dette gjorde at utfordringane stod i kø – vi som var «innestengt» måtte finne nye løysingar og improvisere på mange felt.
Oda Halle hadde mange hjelpande hender da ho inviterte slekningar til slåttonntreff. Det vart sett opp ei hesje nærast som eit demo-prosjekt, der vidareføring av konpetanse var ein del av prosjektet, medan den sosiale biten som ligg i å treffast og gjera ting i lag var ein like så viktig del.
Rute 1061 Kvanne – Rykkjem: Grunna akutt sjukdom blir sambandet innstilt frå kl 21:15 til ruteslutt i kveld. Det vert normal drift frå rutestart laurdag morgon, melder Fjord1 i en driftsmelding. Alternativ for omkjøring er via Fjord1s rute Halsa – Kanestrøm eller via Oppdal/Nerskogen.