Vi fann 7209 artiklar i dette arkivet.
Det er for lengst gått ut innbyding til årets store randoarrangement på Kårvatn, der Todalen Idrettslag og Kårvatn Fjellutstyr samarbeider om vertskapsrolla. Da står Randonee Kårvatn Individuell på programmet laurdag og Randonee Kårvatn Sprint går på søndag, – og det er Dalalia og kjente toppar som «1040» og Tydalsnebba som er arena for norgescupen denne helga. I tillegg til Norgescup blir det og turklasse med tid og trimklasse.
No må vi nytte skiføret og finvêret til å arrangere «Barn i løypa» sier leiar i TILs Ski- og friidrettsgruppa Gunnar Nordvik. Løyper blir køyrt opp i løpet av dagen, og kl 17.30 møtes vi på Tjønnmyran for å ta nokre rundar i lysløypa, er den korte beskjeda vi har fått! Ta med skiutstyr og […]
Ein gjeng birøktarar var i dag samla til kursdag i Skulstuå i Todalen. Dagens tema var «sjukdom og hygiene hos bier», og dette er eigentleg eit autorisasjonskurs der birøktarane skal lære seg å ta vare på helsetilstanden i bikubane sine. Kurset går over 4 samlingar, med avsluttande eksamen. Kurset er laga av Norges birøktarlag i samarbeid med Mattilsynet, fortel kursleiar Anders Talgø.
Det er no køyrt opp skuterspor opp Øyalia til Snekkardalshalsen, og vidare til Skihytta på Ørsalfjellet, melder TILs skuterkomitee. Dei rapporterer at det er mykje snø på fjellet, og oppfordrar folk til å vise stor respekt for rasfaren i fjellet.
Einy Rendal Elgsæther er framleis utan førarkort. – Det er no godt og vel eit halvt år sia ho mista førarkortet og fikk 8.000 kroner i bot etter ei utforkøyring og no vekkjer saka litt oppstuss i media. I dag er det eit oppslag i Adresseavisa, både i papirutgåva og på nettutgåva adressa.no, der Einy har skrive eit lesarinnlegg. Einy trudde det nærast var automatikk i å få det att etter at «straffa var sona», men no er det gått ti dagar over tida og ho «sonar» no på overtid…
Stavganggruppa i Surnadal pensjonistlag fortsett treninga i dansesalen på Landbrukshuset. Og melding til alle som har glede av å trene med fysioterapeut: Det har ordna seg! Trening som før på torsdager kl 1100! – Møt opp og ta gjerne med naboen, oppfordrar Bitten Ranes i Stavganggruppa!
SkiMo youthcamp Nordmøre er vel i hamn og kan glede seg over eit vellukka arrangement, som starta på Kårvatn fredag kveld og fortsette i Sæterlia på laurdag og vart avslutta med konkurranse i settemsdalen på Søndag. Det var Trollheimen Fjellsportklubb som var arrangør og arrangementet famna både den eldre og yngre garde – og da spesielt dei yngre med tanke på rekruttering til randoneesporten.
Den siste veka har det pågått tømmerdrift i nedre del av Øyalia. Det er Solli Skog som jobbar der, og dei stiller med både hogstmaskin og lastbærer så det går fort unna og drives effektivt. Det er eit felt med furuskog som no blir teke ut – rundt 8-900 m3 slik det ser ut no, fortel Ståle Ansnes som er skogeigar.
Neste veke blir det meir «kvardagsdata» i Skulstuå, melder Anders Talgø, som er primus motor for opplegget. Neste veke blir det og på onsdag – og delt i to økter – føremiddagsøkta for iPad og kveldsøkta for PC-brukarar. Merk deg at du kan kome og bli med sjølv om du ikkje har vore med på dei første arrangementa.
Det var Ola Kvendset som oppdaga spora etter gaupefamilen i skogkanten rett ovafor heimgarden på Kvennset. Ola tok kontakt med lars Olav Lund hos SNO (naturoppsynet for Trollheimen). No på tampen av dagen spora dei gaupefamilien frå Kvennset og oppover til Husby. Det er spor etter tre dyr – morgaupa og to ungar.
For mange er nok fastelavnriset eit symbol for Sanitetskvinnene. NKS har tradisjon heilt attende til 1946 for å selge bjørkeris som er pynta med fargerike fjær, og det er nok ein flott tradisjon som folk sett stor pris på. Fastelavnsriset har nok ein mykje lenger tradisjon enn dette, men det var altså i 1946 at NKS fikk ideen til å markere fastelavn på denne måten og dermed skaffe seg ei inntektskjelde. Fredag og laurdag har Todalen vore på banen med årets bjørkeris utafor Matkroken i Todalen.
SkiMo youthcamp Nordmøre er i gang, og startskotet gikk på Kårvatn på tampen av fredagen. Nokre av deltakarane på ungdomscampen starta randohelga på Kårvatn, og stakk til fjells på treningstur på slutten av lysdagen. Dette er starten på ei heil helg med randonee – trening fredag på Kårvatn og laurdag i alpinbakken i Surnadal, og konkurranse i Settemsdalen søndag. Vegard Øie som er på randolandslaget kjem for delta på treninga og for å være inspirasjonskjelde for de unge randoløparane, seier Gudmund Kårvatn i Trollheimen Fjellsportklubb.