Vi fann 7132 artiklar i dette arkivet.
Vi minner om kveldens arrangement i Ungdomshuset – julerevyen «Todalen Ymseri». Dørene opnar kl. 20 og billettar får du kjøpt ved inngangen. Her er det sal av mat og drikke, og det blir mulegheit for ein svingom. Og så den store spenninga, da: Kven får heidersprisen – «Den Gyldne Patron»?
Er det du som har mista brillene dine under Romjulsmarsjen i dag? Eit par briller vart under marsjen funne ved Pilskaret. Brillene har «gullinnfatning» og det ser ut som dei har fått seg ein liten trøkk. Brillene er levert inn på Matkroken Todalen, og rettmessig eigar kan få dei att der, når butikken opnar laurdag […]
Billettane til julerevyen 2019, «Todalen Ymseri», er no lagt ut for sal på Matkroken Todalen. Vi tenkte å være tidleg ut med tanke på at det kanskje kan være ei høveleg julegåve til familie, eller vener og kjente, seier Knut Bergli i Todalen Idrettslag som er arrangør. Billettane kostar kr 150 pr stk., og kan kjøpast i kassa på matkroken. Julerevyen «Todalen Ymseri» går av stabelen 3. juledag, fredag 27. desember kl. 20.00 i Todalen ungdomshus.
Vi i redaksjonen ønskjer alle våre lesarar ei riktig god og fredfull jul! Vi helsar til alle – både fjern og nær – som er med oss på Todalen.no. Hittil i 2019 har vi hatt til saman 454.000 besøk frå 104 land. Det er ein auke på 6,5% – som vi er veldig godt nøgd med!
Julaftan var det mange som starta den tradisjonelle julefeiringa med gudsteneste i Todalen kyrkje. Det var Einy Rendal Elgsæther som var liturg under gudstenesta og vi fikk ta del både i juleevangeliet og i dagens preken som hadde det evige evangeliet som dagens tema.
2. juledag (torsdag 26. desember) inviterer Pakkhuset Kro på Todalsøra til open pub frå kl. 21.00 og utover. Det blir konkurranse med juleQuiz med premiering. Da kan du treffe «innfødte» og utflytta todalingar til ein triveleg pubkveld. Alle er velkomne til ein triveleg pubkveld på Todalsøra!
Fjord1 melder at det må påregnes forsinkelser i sambandet på grunn av lokalt sterkt nedsatte siktforhold.
Presis kl. 18.00 vart lyset tent på Todalspålen på Holmen. Dermed vart det lys i alle kuler og lenkjer som var selt til sponsorar og privatpersonar på Todalspålen. Lystenninga vart skikkeleg markert med fyrverkeri frå Holmen, og no skal pålen markere jula og nyåret – til saman 30 dagar før lyset blir slått av i slutten av januar.
I natt kl. 04.19 snudde sola, og dermed går det definitivt med lysere tider. Her heime er det i dag 5 veker sia sola sa takk for seg og dermed 5 veker til ho kikar fram igjen – nærare bestemt den 27. januar i 2020. Det er jammen godt å vite at årets kortaste dag er unnagjort, og at det no berre kan gå framover. Frå Wikipedia har vi saksa litt informasjon om vintersolkverv eller vintersolsnu, så klikkar du på les meir så får du litt meir info.
På Matkroken vil det sjølvsagt være litt avvikande opningstider i samband med julefeiringa. Butikken er heilt stengt 2 dager – 1. juledag og 1. nyttårsdag, men drivstoffpumpa til HalsOil er open heile jula og 24/7 for sal av drivstoff og betaling med kort. Elles er det varierande opningstider gjennom jule- og nyttårshelga – 3 av dagane er det kioskope frå 16:00 – 18:00. Nedafor har vi laga ein plakat med alle opningstider frå og med lille julaftan, til og med 2. nyttårsdag.
Søndag kveld kl. 18 er tida for å tenne lysa på Todalspålen (eller minipålen som enkelte kallar han) Det beste utkikspunktet er kanskje moloen i Båthamna, trur arrangøren.
I morgontimane i dag var det blankis med underkjølt regn etter fylkesvegen. Rundt 15 bilar var involvert i stoppen som skjedde i Åsbøhaugane, der vegbanen var spegelblank. Lokale krefter – les Ola Magne Nordvik og Oddvar Mikkelsen – redda situasjonen da dei kom til unnsetning med traktorar og strøsand. Etter kvart kom også strøbil frå Mesta, men det skjedde først mellom kl 9 og 10.