Vi fann 7149 artiklar i dette arkivet.
Måndag viste vi bilete frå Litj-fjellet og åtvara mot rasfare – i dag er det grunn til å gjenta denne åtvaringa. No er det neleg gått ras i området ovafor Ansnessetra – i fjellsida opp mot Litj-fjellet. Har du tenkt deg til fjells i helga, så er det iallfall all grunn til å utvise stor […]
Dei første basestasjonane som Surnadal og Rindal beitelag skal plassere ut i samband med «Gjetargut»-prosjektet er no komne på plass. 4 av dei 11 stasjonane er plassert ut og er klare for drift. Torsdag kveld var det transport til Rambjøra og montering av utstyret der.
Vi trefte to karer som heldt på og rigga seg for fiskri i småbåthamna no i kveld. Dei skulle ut og sette garn, og så skulle dei fiske med snøre etterpå. Det har vore «nåkkån loinne» fiskeri den siste tida – best fangst med småsei og storsei og litt torsk.
Styret i Todalen Elveeigarlag har sendt oss ei pressemelding, der dei ønsker å informere om nye fiskeregler i Toåa for årets sesong. Elveeigarlaget skal teste ut ein ny modell for fiskeutleie i Toåa for sesongane 2021 og 2022. Over 85% av den ca 8 km lakseførande strekninga i Toåa skal ingå i eit valdsamarbeid, der det tilretteleggast for fiskeutleie til ulike segment av laksefiskere.
Tove Talgø Brøndbo frå styret fortel at det har vore jobba intenst dei siste dagane med å få mykje på plass, og i morgon torsdag starter salet av fiskekort i Toåa. Bla vidare og les pressemeldinga frå elvaeigarlaget…
Dei som prøvde å få kontakt med Todalen .no i dag tidleg hadde problem. Nettsida var nede ei times tid på morgonkvisten, og det var nok problem med webhotellet som var årsak til dette. Nettsida Todalslaks.no som ligg på same webhotell var også nede på same tida. Frå 8-tida har det vore normal drift på nettsida.
I går vart det meldt om at det hadde gått ras i Nordviksula i løpet av dagen. Undersøking viste at det ikkje var skispor verken inn- eller ut av raset som hadde gått i det brattaste området i framkant. I området Rambjøra og Litj-fjellet gikk det derimot ikkje ras, men der er det folk som har utfordra skjebnen på toppturen til Rambjøra og Vassnebba.
Ein nymotens og digital «gjetargut» skal passe på sauene når dei sleppes på sommarbeite i Trollheimen. – Det er Surnadal og Rindal beitelag som går saman om å investere i elektroniske hjelpemiddel for få betre kontroll på sauene som går på beite i Trollheimen. Det er brukarar frå dei lokale sankelaga som gjennom beitelaget organiserer og utstyrer sauene med elektroniske klavar som gjennom 11 utplasserte signalmottakarar/forsterkarar skal opprette kontakt med brukarane gjennom telefonnettet. Brukarane kan dermed følgje med kva som skjer med beitedyra i fjellet.
4. desember i 2020 vart det felt ein stor hannjerv ved Vassosen i Todalen. Jervfallet vart sjølvsagt behørig dokumentert av SNO (Statens naturoppsyn) og det vart sendt inn DNA-prøve for analysering i direktoratet. No er denne analysen klar, og vi har fått tilbakemelding frå Lars Olav Lund i SNO, med kart og info om tidlegare observasjonar.
Det er sagt at saulamminga er vårens vakraste eventyr, og jammen er det stor stas med nytt liv i fjøset. I Oppistua på Hjellnes er ikkje saulamminga komen i gang enno, men derimot har det vorte mange kje å kose med. Nils Erik tek oss med på omvisning i gammelfjøset dei dei 5 geitene av rasen kystgeit held hus, og der er det full rulle med eit tital geitkje som held aktiviteten i gang.
Arve Evensen er vertskap på Todalshytta for andre sesongen, og er alt no i gang med booking av årets sommarsesong. Arve opplever travle dagen med oppgradering av hytta, og må være i mål før sesongen startar – det nye kjøkkenet er alt på plass og klar til bruk. Arve fortel at han opplever stor usikkerheit i samband med koronasituasjonen og har enno unngått booking av utanlandske kundar. Endring av reglement skjer ofte kortsiktig, og det gjer at situasjonen blir veldig usikker og vanskeleg å handtere.
Svorka har sendt ut driftsmelding om sporadioske brudd på leveransen av bredbånd og TV onsdag 31. mars. Det skjer mellom 08:00 og 10:00 grunnet nødvendig vedlikehold.
Sjølv om vêrmeldingane for påskehelga er berre så midti laget så kan vi iallfall skryte litt av palmesøndagen, – og folk har jammen gjort seg nytte av det fine påskevêret. Mange har nok teke skiene fatt og hatt både Tristeinan og Bjøråskaret som mål, men det er også mange som har teke turen til Toåa tursti, der det var perfekte forhold for å nyte dagen på barmark og i solveggen på gapahuken i Båthølen.