Forfattararkiv for

Årets utgåve av TodalsCupen i aldersbestemt fotball, blir arrangert under årets Todalsdagen på Bordholmen stadion 2. juli. Her blir det fotballcup for aldersgruppa 6 – 11 år. Det er i år 30. gongen Todalsdagen blir arrangert. I tillegg til fotballcup blir det «Ræta opp», «Mini Ræta», lotteri, sal av grillmat, open kiosk og litt til!

Etter at Todalen Idrettslag, på sitt årsmøte i mars, vedtok å legge ned campingplassen ved Bordholmen stadion, overtok Todalen Elveeigarlag, gjennom ein leigeavtale med idrettslaget, drifta av campingplassen. Elveeigarlaget leiger dusj, toalett og straum av idrettslaget. Elveeigarlaget har i løpet av våren måla veggane både dusjen og på toalettet. Så no er campingplassen klar til bruk, og det passar godt, sidan laksefisket tok til no ved midnatt, natt til i dag. 

I går tok Fjellgruppa i Surnadal Pensjonistlag turen til Kristianvarden, som ligg nesten på toppen av Skarfjellet. Takka vera vennleg grunneigar og kjentfolk, så fekk Fjellgruppa køyre opp hyttevegen, noko som reduserte høgdemetrane dei skulle gå oppover litt. 

Det nærmar seg kurs og introfiske laks, flue og sluk for jenter og damer. Dette skjer første helga i juli (1. – 3. juli). Kurset er opent for alle jenter og damer, også ikkjemedlemmer. som har lyst til å lære å fiske i elva, både med flue og sluk. Det er kvinneutvalsleiarane i Surnadal og Fræna Jeger og Fiskerforeninger, Ingunn Settemsdal (Surnadal og Christina Bjerknes (Fræna), som har teke initiativ til å inviterer til årets fiskeeventyr for jenter og damer i elva Surna. 

I slutten av mai tikka det inn ei gladmelding frå Samfunnsutbyttet i SpareBank 1 SMN til Todalen Idrettslag. I meldinga fekk idrettslaget beskjed om at SpareBank 1 SMN hadde gjeve 20.000 kroner i gåve frå Samfunnsutbyttet til kjøp av kantslåmaskin og veghøvel, primært for bruk i Toåa tursti og på Bordholmen.  

Ved midnatt natt til onsdag opner fisket i Toåa, og set med det i gong ein sesong som skal vare til 15. august. Det er andre året i prøveordninga med ein samarbeidsmodell for laksefiske i Toåa, og no er både ivrige fiskarar og elvaaigarlaget spente foran årets sesong.

I ei melding frå Telia si kommunikasjonsavdeling akkurat no, får vi vite at mobilnettet i Todalen skal vere oppe å gå igjen i løpet av dagen. Det er kommunikasjonsrådgjevar Ellen Scheen i Telia som seier dette i ein e-post til redaksjonen. 

Tirsdag kveld frå kl 20:00 så inviterer Arve Evensen og Todalshytta både Todalinger og andre interesserte til opningskveld for årets laksefiske i Toåa.

Vi meldte i 14-tida i dag, basert på informasjon frå Telias kundesenter, at mobilnettet ville vere på lufta att klokka 20:00 i kveld. Dette viser seg no å ikkje vere riktig. Siste informasjon vi har fått no i kveld frå kommunikasjonsavdelinga i Telia, ved Ellen Scheen, er at mobilnettet vil vere nede til torsdag ettermiddag. 

Etter å ha vore i kontakt med Telia sitt kundesenter no i dag, får vi opplyst at Telia sitt mobilnett skal vere oppe å gå igjen seinast klokka 20:00 i kveld. For alle Telia-kundar vil dette bety at dei da har vore utan mobildekning i over 5 døgn, med dei ulempene dette har ført med seg. 

Kvar vinter går det med ein del ved for å fyre i paisen i gapahuken ved lysløypa på Tjønnmyra. Barne- og ungdomsgruppa i Todalen Idrettslag har også i år teke på seg jobben med å fylle opp att vedlageret. Dei har i det siste difor kappa, kløyvd og lagt opp veden, slik at den er tørr og fin når den skap brukast. 

Onsdag 15. juni klokka 18:30 inviterer Svinviks arboret til opning av fotoutstillinga «Stole lille verden» med makrofotografi frå Jörg Brunke, og klokka 19:00 blir det utekonsert med Jo Sverre.