Etter at Todalen Idrettslag, på sitt årsmøte i mars, vedtok å legge ned campingplassen ved Bordholmen stadion, overtok Todalen Elveeigarlag, gjennom ein leigeavtale med idrettslaget, drifta av campingplassen. Elveeigarlaget leiger dusj, toalett og straum av idrettslaget. Elveeigarlaget har i løpet av våren måla veggane både dusjen og på toalettet. Så no er campingplassen klar til bruk, og det passar godt, sidan laksefisket tok til no ved midnatt, natt til i dag.
Maria og Selma målar tak. Foto: Laila K. Bergli
Det er Laila K. Bergli som er ansvarleg for drifta av campingplassen. For bestilling og meir informasjon, ta kontakt med Laila på telefon: 930 83 455.
Maria og Selma målar taket på toalettet. Foto: Laila K. Bergli
Maria og Selma har i vår drive med målararbeid på toalettet og i dusjerommet. Det er i tilegg gjort nokre utbetringar av dusjkabinettet, slik at anlegget no er fint og klart til bruk.
Her er det veggen som får eit strøk med måling. Foto: Laila K. Bergli
Campingplassen har plassar for telt, campingvogner og campingbilar. Det er uttak for straum, for den som ønsker det.
Ferdig måla. Foto: Laila K. Bergli
Prisane er justert litt frå i fjor, og er som følger:
- Campingvogn/bobil kroner 250,- pr. døgn og 1.200,- pr. veke
- Telt kroner 150,- pr. døgn og 700,- pr. veke.
- Straum kostar kroner 30,- pr. døgn og 100,- pr. veke.
Betaling skjer via Vipps 753453 (Todalen Elveeigarlag Camping) eller på Matkroken Todalen.
Høgt og lågt! Foto: Laila K. Bergli
Da er det berre å ønske alle overnattingsgjestar velkommen til camping i Todalen!
Medlem i Todalen.no – 