I ei melding frå Telia si kommunikasjonsavdeling akkurat no, får vi vite at mobilnettet i Todalen skal vere oppe å gå igjen i løpet av dagen. Det er kommunikasjonsrådgjevar Ellen Scheen i Telia som seier dette i ein e-post til redaksjonen.
I e-posten heiter det: «Basestasjonen blir i disse dager modernisert og får helt nytt utstyr. Den får nå 5G, i tillegg til mye bedre kapasitet på 4G. I forbindelse med dette arbeidet ble den gamle antennen ved en feil tatt ned før den nye ble satt opp. Vi beklager på det sterkeste overfor de som har vært berørt. Dekningen vil være tilbake i løpet av dagen i dag.»
Da får vi sjå om informasjonen vi har fått i dag er meir å stole på, enn den informasjonen vi fekk i går? Uansett er måten Telia har handtert denne situasjonen på, særs kritikkverdig, da dei ikkje har gjeve noko som helst informasjon om feilen i mobilnettet, utan på direkte spørsmål. Her har Telia eit stort forbetringspotensiale og ikkje minst eit omdømme problem!
Alle med Telia-abonnent bør ta kontakt med kundeservice på telefon. 924 05 050 og krevje reduksjon i abonnementsavgifta på grunn av situasjonen som har vore.