Ukategorisert Arkiv

Slik startar jaktvisa som Jon Lunde skrev som «kjenningsmelodi» for Hjortfesta som hadde si storheitstid på 80-talet.  I dag trefte vi eit stort oppbud med jegrar som hadde lunchpause med langbord utafor fjøset i Øya.  Eit lite 20-tal med godt synlege jegrar i grønt og orange var ferdige med det første jaget som hadde gått i Ørsal-lia, og no var det godt med ein matbil og ein kaffedråpe før dei skulle fortsette.  Men aller først på plana stod jobben med slakting av kronhjorten som fall på Kubru-posten ved Haukåa. 

Odd Eivind Varnes driv ei litt spesiell verksemd må ein si. Han er dagleg leiar og einaste tilsette i Varnes Drift som driv med fresing av stubbar – selskapet hans er lokalisert til Midsund, der han tek på seg forskjellig arbeid – slik som stubbfresing, snøbrøyting, felling og kapping av tre og mykje anna.  laurdag tok han turen til Todalen for å frese opp dei 13 stubbane som stod att etter at verneskogen utafor fotballbanen var kappa ned for nokre år sia. 

Enten i gårnatt eller ein av dei siste dagane er det gjort hærverk vår fotballbanen på Bordholmen, fortel Lars Stensby som er leiar for banekomiteen.  Nokon har kjørt med bil utpå banen og påført stor skade på grasdekket. Det må ha skjedd ein av dei siste dagane eller aller helst i gårnatt, trur Lars som er skikkeleg frustrer for det som har skjedd. 

Runa, Mari og Bjørn gjorde susen da Todalen sokneråd inviterte til songkveld i Todalen kyrkje fredag kveld.  Det var tidlegare organist Bjørn Vevang som sammen med forsangarane/solistane Runa Svare og Mari Kristine Brekken sørga for stemninga. Vi som var der kjem til å hugse denne songkvelden som ein triveleg og varm allsongkveld med mange gode historier og mykje latter. 

Kvar torsdag siden skulestarten 17.qugust har 1. – 4. årstrinn ved Todalen oppvekstsenter hatt «uteskule». Torsdag var ikkje noko unntak i så måte, og i dag starta skuledagen med besøk på Matkroken Todalen for å overrekke teikningar elevane hadde teikna som ein takk til Terje Nordvik og dei tilsette på Matkroken for refleks og matboksar dei hadde fått, og for å vise at dei er glad i nærbutikken sin! 

Dei siste åra har alle ungane i Todalen vore invitert til felles halloween-feiring i gymsalen på Todalen skule. På grunn av Koronasituasjonen ser arrangørane ikkje anna råd enn å avlyse årets arrangement. 

Torsdag kveld inviterer Byggmakker Surnadal og Hageland Surnadal til «Handledag» med utvida opningstid til kl 20 om kvelden.  Det har nærast vore tradisjon med «damenes aften» på denne tida, med coronasituasjonen har gjort det naudsynt å tone dette ned til å arrangere ein handledag.  Årets handledag omfattar både Byggmakker og Hageland Surnadal som altså begge har langope denne kvelden.

Torsdag 12.november klokka 13:00 kjem overlege i anestesi ved Sykehuset Østfold til Indre Nordmøre Senioruniversitet og held foredrag, eit foredrag han har kalla Smertesansen er både vår venn og vår fiende». Audun Aas har hatt  smertebehandling som spesialinteresse sidan 1991, og gav i 2018 ut boka «Smerteboken – Fra vondt til bedre». Dette er ei bok som samanfattar moderne kunnskap om og forståing av fenomenet smerte, retta mot lesarar utan helsefagleg bakgrunn. 

Det er påvist eit nytt smittetilfelle med covid-19 i Surnadal kommune, skriv kommuneoverlege Bjørn Buan i ei pressemelding som er sendt ut i dag. 

Natt til søndag 25. oktober stiller vi klokka éin time tilbake og går frå sommartid til normaltid. Kl. 02 natt til søndag stiller vi klokka ein time attende.  Er du i tvil om korleis du skal stille om til sommar- eller vintertid, så er regelen at du alltid stiller klokka mot sommaren.

Med nyopna Frivilligsentral, ønskjer Surnadal pensjonistlag å invitere sine medlemar og andre til kaffelag på Frivilligsentralen på Skei.  Leiar i pensjonistlaget, Helge Røv, fortel at han har bestillt lokala kvar fredag frå kl 11:00 til kl 15:00 til.  Førtkomande fredag – 23. oktober – startar vi først kl 13, men seinar blir det altså kvar fredag frå kl 11 – og det skjer altså i Fiskebygget på Skei, der det for mange år sia var klebutikk – Centrum klær. 

(Surnadal/Kristiansund 20.oktober 2020) Det er to tradisjonsrike og sterke lokalbankar som no går saman for å skape ein enda meir attraktiv og sterkare lokal sparebank. Surnadal Sparebank og SpareBank1 Nordvest vil bygge ein ny bank som skal vere ein kraftig motor for heile regionen, med same nærvær til – og kunnskap om – kundane.