Vi fann 3681 artiklar i dette arkivet.
Koronaviruset jobbar mot oss no, seier ein oppgjeven leiar i Surnadal pensjonistlag, Helge Røv. Han viser til anbefalingar frå regjeringa som sterkt anbefaler at vi skal ha mindre kontakt, og dei har stramma inn regelverket i fleire byar. Styret i pensjonistlaget har difor beslutta å avslyse aktivitetane vi har planlagt.
Dei er ikkje så mange, men vi er imponert over resultatet dei presterer. Surnadal Bueskytterklubb kan ikkje skryte av at dei har så mange aktive, men dei to som er aktive på heilårsbasis hevdar seg iallfall bra. Christian Madaus og Hans Torslett driv aktivt og trenar kvar veke på den sporten dei trives så godt med – bogeskyting. Tidlegare har dei drive øving i gymsalen på ungdomsskulen, men i samband med ombygging og nybygging på skuleområdet så vart dei «kasta ut» på kort varsel.
I oppryddinga av tidlegare praktverk (òg kjent som arbeidsbøker til ymse 4H-oppgåver …) dukka det opp ei utgåve av den svært lokale avisa Todalingen. Dette var ei avis som inneheldt lokalt stoff slik som referat frå fotballkampar, kryssord, Lailas morohjørnet, spørjespalte og intervju med sambygdingar. Kort sagt ei nyheitsperle som fleire bør få sjansen til […]
Det planlagde møtet i Indre Nordmøre senioruniversitet med Audun Aas om «Smertelindring» på Surnadal kulturhus torsdag 12.november er avlyst/utsett grunna Koronarestriksjonane.
Fylkesveg 6145 har vore stengt ved Bakkan (ca. 100 meter utafor forsamlingshuset) på Nordvik på grunn av tungbilberging. Det var ein semitrailer med element som har hamna i grøfta, og som no har vorte berga opp att. Det har difor vore ventetid for å kome forbi staden. No er vegen opna igjen! No i 20.30-tida […]
Hageland markerer i dag at julesesongen har starta for alvor, og kan vel nærast kalles for Juleland no i vekene fram mot jul. Butikken ber iallfall preg av at jula nærmar seg og har fått alle julevarer på plass og det har vorte skikkeleg julestemning i butikken og feirer sesongstarten med langope til kl 22 torsdag kveld, og med 30 % rabatt på alle julevarer til og med laurdag. Hageland Surnadal er vel faktisk Nordmøres største hagesenter og held til på Syltøran i Surnadal. I desember vil det også bli søndagsope dei 3 søndagane før jul.
Årets klassequiz er godt i gang, og neste veke er det laget frå Surnadal ungdomsskule som skal i aksjon, Korleis det går med dei kan du høyre på NRK1 Møre og Romsdal onsdag 11.november klokka 14:30. Surnadal ungdomskule sitt lag består i år av: Jannicke Valstad Stenberg, Kvanne, Arne Berg, Vindøla og Martin Kvande Talgø, Todalen. Klassequizen er ein spørjekonkurranse for 10.årstrinn, der alle ungdomskulane over heile landet deltek med kvart sitt lag. I år er det i alt 623 skular som er påmeldt Klassequizen.
Her kjem oktober sine kandidater for månadens bilete. Siden vi no er inne i ei litt dårleg fototid er vi glad om dykk ser i kamerarullen på telefonen eller anna rikhaldig fotoarkiv for å hjelpa oss å ha eit dagens bilete kvar einaste dag.
Laurdag 7.november skulle det ha vore haustfest i Start 4H. På grunn av Koronasituasjonen og at det etter alt å dømme kjem nye smitteverntiltak denne veka, har styret i klubben vedteke å avlyse haustfesta i år. I staden vil kvart medlem få presentert oppgåva si digitalt på Todalen.no.
Måndag kveld var det tid for ei oppsummering av fotballsesongen 2020 for laga til Søya/Todalen. Fotballgruppa i I.L. Søya hadde invitert trenarar og lagleiarar til klubbhuset på Søyabanen til eit oppsummeringsmøte for å hauste erfaringar frå årets sesong, og samtidig sjå framover til neste sesong. Sesongen 2020 vart sterkt prega av Koronasittuasjonen, og det er grunn til å tru at denne situasjonen òg vil påverke komande sesong.
I 2020 er det 40 år sidan Hans Rotmo gav ut plata «Vårres Jul». Rotmo har altså i 40 år gleda det norske folk med sine folkelege juletekster gjennom sitt underfundige univers av rollefigurar. 40-årsjubileet for utgjevinga av «Vårres Jul» blir markert med konsert med Rotmo og Sommerro på Surnadal kulturhus torsdag 19.november klokka 19:00.
Det har gått 10 år sidan Erik Mogeno kom på 2.plass i Norske Talenter og bestemte seg for å leve av underhaldning. Laurdag 7.november klokka 15:00 kjem han til Surnadal kulturhus med jubileumsframsyninga10 år med Erik & Kalle. Her får vi oppleve Erik sine mest populære buktalarkarakterar som: rotta Geir, strutsen Erna, grinebitaren Kjell og ikkje minst den spydige kaninen Kalle.