Ukategorisert Arkiv

I ei pressemelding frå Surnadal kommune no i ettermiddag, får vi oppdatert informasjon rundt Covid19 situasjonen i kommunen akkurat no. Kommuneoverlegen har ikkje fått melding om at nokon av dei berørte elevane som vart sett i karantene, har testa positivt. På bakgrunn av dette vil undervisninga gå som normalt for 5.trinn ved Øye skule og 8.trinn […]

Laurdag 19.desember klokka 13:00 opnar keramikkutstillinga «Kunstnere in spe» i Bondehuset i Stangvik. «Kunstnere in spe» er ei keramikkutstilling der arbeida er laga av tolv ungdommar i alderen 10-12 år. Ungdommane kjem frå kommunane Surnadal og Sunndal, og har arbeidd med prosjekta sine i haust. Det er Brit Dyrnes frå Kvenna Kunstverksted som har vore prosjektleiar og instruktør. Prosjektet har fått økonomisk støtte frå Møre og Romsdal fylkeskommune, Sunndal kommune og Surnadal kommune. 

I dag har Start 4H hatt kornbandsal på Matkroken Todalen. Magne nytta høvet til å kjøpe ein «godbit» til småfuglane no i førjulstida. Det var Sivert Sogge og Jens Sancho Ansnes som stod for salet den første timen. Den neste timen var det Maria K. Bergli og Selma S. Gjeldnes som var seljarar. Den siste lille  timen var det Ingebrigt K. Bergli, Johan Ranes og Van Adrian Ansnes som styrte butikken. 

Dei tiltaka som er sett i verk lokalt går som planlagt og kommunen held fram med smittesporinga. Kommunen håper på fleire avklaringar i løpet av laurdag, men dette avheng av kapasiteten på testlaboratoriet. Surnadal kommune presiserer at personen som har fått påvist Covid19 smitte, både er busett og tilsett i ei bedrift i Surnadal kommune. I pressemeldinga i går kveld kunne det lett bli oppfatta som om personen ikkje var busett eller arbeidde i her i kommunen. Smittetiltak er iverksett i bedrifta der vedkommande er tilsett.   

Det dreier seg om ein vaksen person som ikkje er tilsett i Surnadal kommune. Personen er isolert og nærkontaktar er sett i karantene. Under smittesporinga har det kome fram informasjon om mogleg smittespreiing til skular. Det er så langt ikkje påvist smitte, men årstrinn smittesporinga vedkjem er stengt inntil kommunen har oversikt over situasjonen. I første omgang gjeld denne stenginga fredag 11. desember 2020.

Her har vi lagt ut en musikkfil som skal testes – Todalen kyrkje

Ida Bochkon er blomsterdekoratør på Hageland Surnadal, og jobbar mykje med snittblomster/bukettar og sorgbinderi i ein eigen «verkstad» inne i butikken.  Ho har godt lag med blomster, og det skal da berre mangle, for ho har fagbrev som blomstedekoratør.  Det går leikande lett å sette sammen ein flott bukett med fargerike blomster som praktisk talt lyser opp i den mørke årstida vi no er inne i.  

I dag har det vore trekkjing i den digitale basaren til Nordvik Grendalag.  Det var mange gevinstar og selt mange lodd, og  det har skapt mange vinnarar som nok er spente på om dei er komne med på trekningslista.  Vi skal ikkje halde dykk på pinebenken, så det er berre å trykke på linken «les meir» så får du sjå heile trekningslista!  Nordvik grendalag nyttar høvet til å takke alle som har bidrege med loddkjøp!

Eit flott bilete av Sulvatnet vant månadens bilete for November. Vi gratulerer til Trine Engdal Storholt. Under finn du alle bilete med i kåringa sammen med fotograf. Takk til alle som sender oss bidrag

For nokre veker sia kom Grete Oddny Moen Aarnes på marknaden med ei bok på eige forlag. «Minnenes melodi» hadde ho kalla boka og det er ein slags mellomting mellom minnebok og bygdebok, der Grete har skrive om oppveksten sin i Øvre surnadal, eller rettare sagt Mosokn.  Ho startar forodet i boka med å fortelje at ho har lyst til å skrive om barndomen sin og om oppveksten og opplevelsane ho hadde i Mosokn. Det er nok eit godt utgangspunkt for å få til ei god bok.

Vi kan jammen seie at TrondheimSolistene og Nidarosdomens Jentekor avslutta Vårsøghelga,eller kanskje ein heller skal seie Vårsøgåret, på ein verdig måte.  Jammen fekk vi vera vitne til ei flott førestilling i Storstua på kulturhuset søndag ettermiddag –  TrondheimSolistene og Nidarosdomens Jentekor må være noko av det ypperste vi kan bli bydd på her på traktene.

Frå prosjektleiar for Kavlvegen tursti, Anne Lise With Wullum, har vi fått ein rapport som fortel om arbeidet med å bygge ei lafta kvilebu på Åsen bygdemuseum. Dette var eit prosjekt byggteknikklinja ved Surnadal videregåande skule, saman med faglærar Johan Almås og tradisjonshandverkar Torgeir Leivdal, skulle  gjennomføre og ferdigstille våren 2020. Men så kom Koronaen og prosjektet kunne ikkje fullførast på grunn av at samfunnet vart stengt ned frå midten av mars. Difor er det Åsen bygdemuseum, der lærebedrifta Husasnotra ved Geitbåtmuseet Nordmøre Museum som har teke over arbeidet med å fullføre kvilebua. Onsdag var byggteknikklinja ved Surnadal vgs. på Åsen for å sjå på framdrifta i prosjektet, så om dei ikkje fekk fullføre prosjektet så følger dei ivrig med på arbeidet som blir gjort. Tømmeret til kvilebua kjem frå Svinvika.