Todalen Oppvekstsenter Arkiv

Vêrgudane vart meir og meir samarbeidsvillige utover dagen, og når folketoget starta frå Todalen oppvekstsenter var det både solgløtt og bra lufttemperatur og stemninga var god. Neste stopp var Todalen kyrkje, der sokneprest Bernt Venås helt gudsteneste for ei velfylt kyrkje. Etter gudstenesta var det kranspålegging ved bautaen, der Karin Helen Halle og Martinus Torvik sørgja for å minnast dei som hadde delteke i kampar for fedrelandet i perioden frå 1814 til og med andre verdskrig.

Snømangelen i vinter har gjort at elevar og lærarar har venta på skikkeleg skiføret. denne veka vart det endeleg litt snø, og da vart fredagen nytta til ein etterlengta skidag i finvêret. Dei samla alle troppane og drog til Haugligardane på føremiddagen. Ola hjelpte til med skitransport, og Ståle hadde køyrt opp fine løyper medan ungane sjølve sørga for å byggje hopp.

I dag var elevar og lærarar ved oppvekstsenteret samla i gymsalen til felles lunsj, og feiring av at sola er koma tilbake både på skulen og barnehagen. I tillegg er det samefolkets dag, og offentleg flaggdag. Vi spela nasjonalsongen til samane og fekk høyre litt om kulturen deira.

Todalen Barnehage fekk før jul ei lita ladning med nye strikkakleder til dokkeparken sin. Dei har hatt dette på ønskelista ei lita stund, og Randi Irene Gjeldnes strikka nokre fine sett til dei.

Fredag var det siste skuledag for i år. Tadisjonelt brukar Todalen oppvekstsenter avslutte til jul med ei eiga julegudsteneste i Todalen kyrkje, og den korte turen til kyrkja tek dei sjølvsagt til fots, med eit fint fakkeltog nedover nedover i halv mørkret. Her er heile hopen på tur attende til skulen, og da var god trafikkultur […]

I kveld var det tradisjonell juleavslutning ved Todalen Oppvekstsenter, i ordets rette forstand. Ungane hadde øva inn ein heil mengde med nummer som dei stolt viste fram for foreldere, søsken og besteforeldre. Her var det både tekstlesing, diktlesing, dramatisering og ikkje minst julesongar i alskens variantar, både på norsk, engelsk og belgisk.

I dag har borna i Todalen oppvekstsenter vore opptekne med Lucia-tog og nissemars. Småskulen gjekk Luciatog både i barnehagen og på skulen. Etterpå smaka det godt med nybaka lusekatter! SFO arrangerte nissemarsj og gløgglag med sjølvlaga pepperkaker til.

Karen Johanne Talgø melder om stengt bibliotek grunna stormen som herjar rundt hushjørna. Det blir høve seinare for dei som skulle ha levert inna dagens frist.

Gjennom skuleåret så langt har elevane ved Todalen oppvekstsenter hatt felles skulemåltid til elevane. I den anledning har skulen fått gratis egg frå Pestuå til måltidet gjennom heile hausten.

Elevane på Todalen Oppvekstsenter hadde i dag om brannvern ved feiarane Jon Nordvik og Hans Christian Hårstad.

I går kveld arrangerte FAU og Todalen bibliotek eigen bokkveld, der det naturlegvis var ope for lån av bøker, men også ei høveleg anledning til å bli kjent med biblioteket og kva det har å by på. Karen Johanne Talgø dreiv for fullt å organiserte bortimot hundre nye bøker som denne dagen hadde komme frå biblioteket i Surnadal.

Matkroken L.Hals har «Handle heime»-aksjon denne veka. I det høvet har 1.-4. klasse ved Todalen oppvekstsenter teke turen for å sjå på butikken. Etterpå har dei sendt oss mange bilder og litt tekst som e-post: Dei skriv: » I dag fòr vi til butikken for å vise at vi er glad i butikken vår. Butikken heiter Matkroken. Vi tok med teikningar. Vi gav teikningane til Terje. Vi fekk smultringar og brus. 1. og 2. klassen teikna frukt og grønsaker som låg i hyllene. 3. og 4. klassen fann prisane på brød, smør og pålegg. Vi tok bilete saman med butikksjef Terje og kassadama Marit. Vi er glad i butikken fordi: