I går kveld arrangerte FAU og Todalen bibliotek eigen bokkveld, der det naturlegvis var ope for lån av bøker, men også ei høveleg anledning til å bli kjent med biblioteket og kva det har å by på. Karen Johanne Talgø dreiv for fullt å organiserte bortimot hundre nye bøker som denne dagen hadde komme frå biblioteket i Surnadal. Sidan det er kjøpestopp på nye bøker, må den lille filialen i Todalen ta til takke med litt «gammelt nytt» frå Skei. Men Karen Johanne seier at dei meir enn gjerne kan skaffe bøker etter ønske frå biblioteket på Skei.
Nokre mødre i FAU sto for serveringa, og her var naturlegvis alskens godt til kaffe og kveldsmat, for store og små. Ungane kune både lese, bli lest for, fargelegge og sjå ein god gamaldags Espen Askeladd film. Ikkje kvardagskost no til dags.
Under er nokre bilder frå kvelden. Alle foto ElinorB
-
- God gammeldags film med Espen Askeladd slo godt an.
-
- Alskens bøker er å få låne ved biblioteket på skulen.
-
- Nils Erik, Markus og Tor Asbjørn ladar batteria medan filmen vises.
-
- Ein eigen aktivitetskrok på biblioteket. Her var det fargegging som fenga.
-
- Dordi Jorunn las for eit engasjert publikum.
-
- Og medan ungane leika, kosa mødre og bestemødre seg med kaffe og kaker.