Vi fann 194 artiklar i dette arkivet.
Det fine «kinovêret» held fram, så Surnadal kino har sett opp enno meir film enn planlagt (og annonsert). Mest for dei yngre; det skal seiast. Men Surnadal kino har opplevd godt besøk, og vel difor å sette opp nokre ekstra kinoframsyningar, medan vi alle venter på godvêret.
Sommaren er tid for å lese – og ta ferie… Feriestengt. Det er ikkje rom for ferievikarar, så biblioteket i Surnadal vil vere heilt stengt i tida 18.–31. juli. Biblioteket vil ha meirope tilgang, for dei med slik avtale, 1.–7. august.
Surnadal kino følger med på yr.no. Vêrutsiktene fører til at det blir ekstra med framsyningar i dei to vekene før kinoen må feriestenge.
I starten på skuleferien, kan Surnadal kino by på Elvis, western og animasjon. Alle western-entusiastar bør få med seg Old Henry, ogg berre kort tid etter at Kjell Elvis besøkte Surnadal, så kjem jaggu «Kongen» tilbake på, men denne gongen på det store lerretet! Det er Laksedagar i helga, og det gjer det for tungvint å vise film fredagskvelden, så da blir søndag den «store» kinodagen»!
«Sommarles» Surnadal har kome godt i gang, og 43 000 sider er no passert får vi opplyst frå biblioteket på kulturhuset. Ei stor veke inn i kampanjen, er det registrert 114 unge surnadalingar som er med på «Sommarles». Målet er å få med minst 20-30 til, slik at ein kjem seg på nivå med tidlegare år.
Eller rettare sagt, det nærmeste du kjem originalen: Kjell Elvis held konsert på Surnadal kulturhus tysdag 14. juni kl. 19:00. Kjell Elvis både ser og høyres ut som «The King». Men han har også det som berre eit få artistar ha; ein spontanitet og ei utstråling som fangar og beigeistrar eit breitt publikum. Dette kombinert med stor evne til å «gripe øyeblikket» gjer konsertane hans til særs varme og gode lpplevingar for publikum.
Kvartett frå Operaens Sinfonietta inviterer til jazz-konsert i foajeen på Surnadal kulturhus fredag 13. mai klokka 13:00. Og da talar vi sjølvsagt om musikarar frå Operaen i Kristiansund, og dei fire vil framføre Claude Bollings «Suite for fløyte og jazztrio».
Biblioteket inviterer til nok eit boktreff – og med eit tema som verkeleg engasjerer! Da villaksen vart temma og sett ut i merdene, begynte det å skje store ting. Mange i distrikta fekk arbeid, og nokre vart til og med ustyrteleg rike. Reine eventyret, meinte Staten, og peisa på med enno fleire konsesjonar.
«Give Me 5» er tilbake, og denne gongen vil dei få besøk av Rasmus og Verdens Beste Band. Konserten er allereie i morgon, torsdag 21. april på Surnadal kulturhus klokka 19:00, og det er framleis billettar att til konserten med bandet attom kjente og tullete songar som «Puppan te pappa» og «Daniel datt i do».
Måndag 25. april klokka 19:00, kjem Teatret Vårt med det nyskrivne teaterstykket – laga spesielt med ein liten (bak)tanke på fogderikamp i Møre og Romsdal, men generelt også i alle samanhengar der det er snakk om eit «oss»; ikkje minst i ei tid der det rasar ein krig i Europa.
Neste veke er det påskeferie, og på Surnadal kulturhus inneber dette nokre endringar i opningstida. Frå måndag 11. april til og med måndag 18. april er opningstida redusert både på kulturhuset og biblioteket.
«Trøndersk dynamitt» til helga på Surnadal kino, med to eksplosive filmar. Alle hater Johan, men i Surnadal elskar dei visst nok Hallvar Witzø! I alle fall såpass overbevisande og nok til at filmbyrået har gjeve Surnadal kino førpremiere på filmen «Alle hater Johan». For Witzø har ei viss tilknyting til Surnadal, da han var assistentlærar på folkehøgskulen for nokre år sia. Han var den første norske regissøren som både har vore nominert til Oscar-pris og palmepris i Cannes – for to av sine kortfilmar. «Alle hater Johan» er langfilmdebuten til Witzø, og manuset er skrive av Erlend Loe.