Vi fann 9121 artiklar i dette arkivet.
Det var god stemning da ordførar Margrete Svinvik kunne ønske eit 70-tals deltakarar velkomne til Boligkonferansen 2023. Boligkonferansen var open for alle, der kommunen hadde invitert byggebransjen, innbyggarar og tilsette til kulturhuset. På agendaen stod orientering om byggeplanar, tilskotsordningar og utleigebustader i eit variert og heildags program, og kommunalsjef samfunn Karin Halle var konferansier.
Onsdag kveld var Teatret Vårt på besøk på Surnadal kulturhus med musikkteaterstykket «Danse med skjebnen» – ei musikalsk reise som er basert på låtene til gruppa Dance With a Stranger. I danse med skjebnen er tekstane dikta om til dialekt og frakført av dyktige musikarar som er med på oppsetninga.
Måndag 1.mai startar Stikk UT! sommarsesong. Her er det både velkjende og nye turmål. I Surnadal er det tolv turmål, både Toåa tursti og Svinvikrunden er framleis med, to svært populære turar. Mulneset på Kvanne er nytt Stikk UT-turmål i år. Det er ein lett og fin tur med start frå Søyabanen.
Det er eit sikkert vårteikn når pussemaskina dukkar opp for å samle inn igjen restar av strøsand og støv attpå vinteren. Etter at det vart bart rundt vegkantane har vi opplev at store bilar har vispa opp mykje støv og lort. En runde med pussemakina til Veidekke sørgjer for at støvplaga kjem bort.
Siste måndagen i april var det kløvertur på Kvennset, god tur etter fin skogsveg for turgåarar.
Denne veka er Maria Bergli å finne mellom reolane på Matkroken Todalen. I ei veke får ho prøve butikkyrket som ho tykkjer verkar spennande og dermed hadde lyst til å prøve seg. Maria går dette året i 9. klasse på Surnadal barne- og ungdomsskule, der ho enno har eit år att.
Todalen sanitetsforening inviterer til kløvertur måndag 24. april. Oppmøte ved Matkroken og start derifrå kl. 11:00. Alle er velkomne til å bli med ut på tur!
Surnadal Hornmusikk inviterte til jubileumskonsert i Todalen ungdomshus laurdag 22. april, Hornmusikken fylte heile 125 år i 2021! Men da vart det koronapandemi og avlysing. I ordtaket heiter det at «den som ventar på noko godt, ventar ikkje forgjeves», og slik var det med kveldens konsert! Hornmusikken leverte ein feiande flott konsert til stor glede for publikum som var både imponert og storfornøgde.
Arrangøren av vårdagane på Syltøran melder om mykje folk og stor aktivitet, og jammen går det da an å være heldig med vêret og da. Folk strømma til , og det såg ut som dei kosa seg, og både Sveen Auto, Eiksentret, Hageland og Byggmakker rapporterer om stor trafikk og mykje folk i farta.
Surnadal kommune inviterer byggebransjen, innbyggere og ansatte til boligkonferanse torsdag 27. april. Det skjer i Surnadal kulturhus, med start kl 9.30 og går heile dagen fram til kl 15. Denne dagen bys det på eit variert program som burde være aktuelt for alle som har interesse av boligmaknaden i kommunen. Det er gratis å delta på konferansen.
Det er snart mai og klart for russetid for avgangselevane ved Surnadal vidaregåande skule. For niande året på rad vil russen få ei helsing frå sanitetsforeningane i kommunen, nemleg goodiebags.
Ola Kvendset er tidleg ute og alt i full gang med våronna, og er ikkje redd for å prøve noko nytt. Med ei ny såmaskin kan han både gjødsle og så på ein gong, og får både gjødsel og frø ned i jorda. Tilsaman har han no 400 mål som han skal så og gjødsle på denne måten i staden for å pløye, harve, gjødsle og så i fleire prosessar. Den er ideell når ein ikkje treng til å pløya på grunn av kjøreskader eller andre årsaker.