Forside Arkiv

Den siste veka har det nærast vore full invasjon av kveks i hagen og på terrassen. Så snart du har tenkt på servering av mat eller drikke så har du dei på plass – i hundretal som ligg og virrar rundt hovudet og går til angrep. Vi har da opplevt å få besøk av kveks før og, men ikkje i slike horder som i år. Det er liksom at dei ska «ta att» for at det er lite mygg i år på grunn av uttørking av yngleplassar. Kva kan du gjera for å få kveksen unna, slik at du i det miste får matfred på terrassen? Vi har fått eit godt tips som vi gjerne deler!

Da har vi fått tilsendt bilder og info av dei første boligane for utleige i Todalen etter at mobiliseringa med  å få meir folk til bygda starta. Skulle det være nokon som er interessert i å leie nokre av desse eller ynskjer meire info om utleigeobjekta, må dei ta kontakt med Bjørn Gunnar Ansnes på telefon 986 11 707.

Tysdag blir det lokale størrelsar å sjå på TV2 Sportskanalen, som kl 10.30 sender kampen mellom G16 Surnadal/Søya/Todalen – Porsanger. G16 er altså det felles 16-årslaget som Surnadal, Søya og Todalen er med samarbeider om.

I natt har gradestokken på heimebane registrert årets første tropenatt. Minimumstemperaturen i løpet av natta er registrert på 23,0 grader, og meir eller mindre heile natta har det vore fin og god fønvind og faktisk temperatur til å sitte ute.

Sjølv om gradstokken kom over trettitalet, så hindra ikkje det Stangvikfestivalen i å fylle kyrkja med eit lydhøyrt publikum som kom for å høyre TrondheimSolistene. Og dei fekk jammen fekk dei skikkeleg valuta for pengane.

Tydelege spor fortel om at gapkjøring har pågått i lysløypetraseen på Tjønnmyra. – Dette er helt forkasteleg, seier leiar i Todalen Idrettslag Nils Ove Bruset, og minner om at dette er eit anlegg som er bygd på dugnad og finansiert med tippemidlar.

I dag har vi nok hatt sommarens varmaste dag hittil. På tidleg ettermiddag viste gradstokken 32,5 grader, og da føltes best å ha minimal fysisk aktivitet og rikeleg med drikke. Heldigvis er det rikeleg med kaldt vatn i Lauvåvatnet enno, så det er ingen problem med å etterfylle væske

Fredag vart det funne ein død selunge på yttersida av småbåthamna på Kvennset. Området rundt småbåthamna, der elva og fjorden møtes, er hyppig bruka til bading og det var badegjestar som oppdaga den døde selungen som låg i flomålet.

Den 13. Stangvikfestivalen tjuvstarta i Todalen ungdomshus torsdag kveld. Det var stappfull sal da festivalsjef Jo Inge Nes opna årets festival, og det var varmt både inne og ute. Unni Boksasp Ensemble stod på scena og tok publikum med på ei spesiell og spennande musikalsk reise – Opus 7217!

Svanhild Husby med ensemble kjem fredag 31. august kjem til Todalen ungdomshus med sin musikalske miniturne. Etter forrige års suksess med Lykkeland er det no klart for ei ny oppsetting som får sin premiere i Sagatun 24. august. Vidare går ferda til lauvtun i Betna den 25. august og til Todalen ungdomshus den 31. august. Laurdag 1. september blir det avslutningsforestilling på Billaget på Surnadalsøra.

Onsdag trefte vi handelsmann Nordvik som var travelt oppteken med lasting av varebilen med kurs for Stangvika. Matkroken Todalen har fått alle leveransar av matvarer til Stangvikfestivalen, både for aktivitetane i Bondehuset og til «festivalhotellet» på Årvak, der ein del av artistane bur i festivalperioden. Det er ein del av strategien til Stangvikfestivalen å bruke lokale leverandørar seier Nordvik, og siktar til at festivalen faktisk startar i Todalen torsdag kveld.

No er det oppsett nye benkar i Svinvikrunden. Det er Todalen historielag som har sett opp benkane som er ei gåve frå Talgø. Benkane er ein god, gammel modell og er gode å sitje på. Etter plana skal det også med tida bli namneskilt som fortel kva berg, brekker, svingar og vegstrekningar heiter.